ວັດອຸມຸງ ສະຖານທີ່ທ່ອງທ່ຽວ ທາງດ້ານວັດທະນະທໍາ

 ວັດອຸມຸງ ເປັນສະຖານທີ່ ເກົ່າແກ່ຂອງຊາວເມືອງສອງຄອນ ຕັ້ງຢູ່ທາງທິດຕາເວັນອອກຂອງ ບ້ານລະຫາໂຄກ ຫ່າງຈາກຕົວ ເມືອງສອງຄອນ ໄປທາງທິດເໜືອ ປະມານ 7 ກິໂລແມັດ ແລະຫ່າງ ຈາກເທສະບານແຂວງສະຫວັນ ນະເຂດ ປະມານ 75 ກິໂລແມັດ ຊຶ່ງເປັນສະຖານທີ່ພັກຜ່ອນຢ່ອນໃຈຂອງແຂກຕ່າງດ້າວຊາວຕ່າງແດນ ທີ່ໄດ້ເຂົ້າມາທ່ຽວຊົມ ແລະເປັນ ແຫຼ່ງທ່ອງທ່ຽວທີ່ຂຶ້ນຊື່ລືນາມຂອງ ແຂວງກໍຄື ສປປ ລາວ ກໍວ່າໄດ້ ສາມາດດຶງດູດນັກທ່ອງທ່ຽວມາທ່ຽວຊົມເປັນຈໍານວນຫຼວງຫຼາຍແຕ່ລະປີ.

  ວັດອຸມຸງ ເປັນສະຖານທີ່ທ່ອງ ທ່ຽວທາງດ້ານວັດທະນະທໍາ, ພະ ທາດລູກນີ້ສູງປະມານ 10 ແມັດ, ທຸກໆປີ ເມື່ອຮອດເດືອນຍີ່ເພັງໄດ້ ມີງານສະເຫຼີມສະຫຼອງໃນວັນຂຶ້ນ 14  ຄໍ່າ  ເປັນມື້ສີເຜີ້ງສີທຽນ,  ສ່ວນ ມື້ຂຶ້ນ 15 ຄໍ່າ ແມ່ນມື້ເຕົ້າໂຮມຫົວ ບ້ານ ແລະທ້າຍບ້ານເພື່ອທໍາພິທີທາງສາສາໜາ ແລະເປີດກວ້າງ ໃຫ້ຊາວພຸດທັງຫຼາຍພາຍໃນເມືອງ ແລະແຂວງກໍ່ຄືທົ່ວປະເທດໄດ້ມາສັກກະລະບູຊາກາບໄຫວ້ພະທາດ ນີ້ໃນແຮມ 1 ຄໍ່າ ເດືອນຍີ່ເປັນມື້ ຕັກບາດຖະຫວາຍເຄື່ອງປັດໄຈ ໄຊຍະທານໃຫ້ແກ່ພະສົງເພື່ອອຸ ທິດຫາຜູ້ມີຄຸນງາມຄວາມດີທີ່ລ່ວງ ລັບໄປມາຮັບເອົາ.

ມາຮອດປະຈຸບັນນີ້ປະຊາຊົນ ຈຶ່ງຖືເອົາສະຖານທີ່ແຫ່ງນີ້ເປັນທີ່ກາບໄຫວ້ສັກກາລະບູຊາ ແລະຖື ສິນກິນທານຕ່າງໆ ແລະເປັນບ່ອນ ທີ່ສົນໃຈຂອງຜູ້ທີ່ສະແຫວງເຂົ້າ ທາງບຸນເປັນຕົ້ນບັນດາພາຍໃນ ແຂວງ, ຕ່າງປະເທດ ແລະອື່ນໆ.

ໂດຍ: ວົງມະນີ

แชร์