ເມືອງແກ່ນທ້າວ ສອບເສັງນັກຮຽນເກັ່ງ

  ພິທີສອບເສັງນັກຮຽນ ເກັ່ງຂັ້ນຮຽນ ປ5, ມ4 ແລະ ມ7 ປະຈໍາສົກຮຽນ 2019-2020 ເມືອງ ແກ່ນທ້າວ ແຂວງໄຊຍະບູລີ ໄດ້ຈັດຂຶ້ນໃນວັນທີ 9 ມັງກອນ ຜ່ານມາ ທີ່ໂຮງຮຽນມັດທະຍົມ ສຶກສາຕອນຕົ້ນສົງ, ໂດຍການ ເປັນກຽດເຂົ້າຮ່ວມຂອງທ່ານ ອໍາຄາ ລັດສະໝີ ວ່າການເຈົ້າເມືອງ ແກ່ນທ້າວ, ທ່ານ ສົມພອນ ຈີນດາວົງ ຫົວໜ້າຫ້ອງການສຶກສາທິ ການ ແລະກີລາເມືອງ, ມີຫົວໜ້າ, ຮອງຫົວໜ້າຫ້ອງການ, ຜູ້ບໍລິຫານ ການສຶກສາ ແລະກີລາ, ຄູສຶກສາ ນິເທດ, ຄູນໍາພາ ແລະນ້ອງນັກ ຮຽນເກັ່ງເຂົ້າຮ່ວມ 130 ກວ່າຄົນ.

 ໃນພິທີທ່ານ ສົມພອນ ຈີນດາວົງ ຫົວໜ້າຫ້ອງການສຶກສາທິ ການ ແລະກີລາເມືອງໄດ້ກ່າວວ່າ:ພິທີສອບເສັງນັກຮຽນເກັ່ງໃນຄັ້ງ ນີ້ແມ່ນມີຄວາມໝາຍສໍາຄັນເປັນ ຢ່າງຍິ່ງເພາະເປັນການສົ່ງເສີມ ການຍົກລະດັບຄຸນນະພາບການ ການສຶກສາ, ເປັນການຄັດເລືອກ ເອົານັກຮຽນທີ່ຮຽນເກັ່ງແຕ່ລະວິ ຊາຂອງຊັ້ນປະຖົມສຶກສາ ປ5, ມັດທະຍົມສຶກສາຕອນຕົ້ນ ມ4 ແລະຕອນປາຍ ມ7 ວິຊາລະ ນ້ອງ ເພື່ອເປັນຕົວແທນຂອງ ເມືອງໄປສອບເສັງຂັ້ນແຂວງ ແລະ ຂັ້ນສູນກາງ, ທັງເປັນການປຸກລະດົມໃນການຈັດຕັ້ງປະຕິບັດຂະ ບວນການສອນດີ-ສອນເກັ່ງຂອງ ບັນດາຄູສອນ, ຮຽນດີ-ຮຽນເກັ່ງ ຂອງນ້ອງນັກຮຽນ ແລະກ່າວເປີດ ພິທີຢ່າງເປັນທາງການ ແລະເພື່ອ ເຮັດໃຫ້ການສອບເສັງມີປະສິດ ທິພາບ, ຮັບປະກັນດ້ານຄຸນນະພາບ, ມີລະບຽບຫຼັກການທີ່ຖືກຕ້ອງ, ມີຄວາມຍຸຕິທໍາ ແລະມີ ຄວາມເປັນເອກະພາບກັນ.

 ທ່ານ ອໍາຄາ ລັດສະໝີ ວ່າ ການເຈົ້າເມືອງແກ່ນທ້າວ ໄດ້ໃຫ້ກຽດໂອ້ລົມຕໍ່ພິທີ ໂດຍທ່ານໄດ້ ເນັ້ນໃຫ້ນັກສອບເສັງທັງໝົດຈົ່ງພ້ອມກັນປະຕິບັດກົດລະບຽບຂອງການສອບເສັງໃຫ້ເຂັ້ມງວດ ແລະ ເອົາໃຈໃສຄົ້ນຄວ້າບົດສອບເສັງ ໃຫ້ເລິກເຊິ່ງສົມກັບຄວາມໄວ້ເນື້ອເຊື່ອໃຈທີ່ເປັນຕົວແທນຂອງນັກ ຮຽນເກັ່ງແຕ່ລະກຸ່ມ, ແຕ່ລະໂຮງຮຽນຢ່າງແທ້ຈິງ, ໃຫ້ຄະນະຮັບຜິດຊອບການສອບເສັງ ໂດຍສະເພາະແມ່ນກໍາມະການເຝົ້າຫ້ອງ, ກໍາມະການກວດກາບົດ ແລະກອງ ເລຂາຈົ່ງພ້ອມກັນເອົາໃຈໃສ່ປະ ຕິບັດຕາມກົດລະບຽບຂອງການ ສອບເສັງໃຫ້ເຂັ້ມງວດ, ມີຄວາມ ສັດຊື່ບໍລິສຸດ, ມີຄວາມໂປ່ງໃສ, ຍຸ ຕິທໍາ ແລະສາມາດກວດສອບໄດ້, ໃຫ້ບັນດາຄະນະຮັບຜິດຊອບເອົາ ໃຈໃສ່ປະຕິບັດຕາມວາລະການສອບເສັງ, ເຮັດຕາມການມອບ ໝາຍ, ມີຜົນສໍາເລັດ ແລະທ່ວງທັນກັບເວລາພ້ອມທັງຕັດຫົວບົດ ສອບເສັງຢ່າງເປັນທາງການ.

แชร์