ໂຮງຮຽນມັດທະຍົມຕົ້ນ ໂພນໄຮ ໄດ້ຮັບອຸປະກອນກີລາ

  ໃນວັນທີ 9 ມັງກອນ ຜ່ານ ມາ ທ່ານ ຈັກຕະນາ ກິຂຸນຄໍາ ເລຂາຄະນະບໍລິຫານງານຊາວໜຸ່ມ ປະຊາຊົນປະຕິວັດລາວເມືອງເຊ ໂປນ, ທ່ານ ສີສຸກີ ຍາດຕາວັນ ຮອງຫົວໜ້າຫ້ອງການສຶກສາທິ ການ ແລະກີລາເມືອງເຊໂປນ ພ້ອມທີມງານລົງມອບເຄື່ອງກີລາ ໃຫ້ໂຮງຮຽນມັດທະຍົມຕອນຕົ້ນ ໂພນໄຮ່, ມີອໍານາດການປົກຄອງ ບ້ານໂພນໄຮ ພ້ອມຄູ-ອາຈານ ແລະນ້ອງນັກຮຽນເຂົ້າຮ່ວມ.

  ໂຮງຮຽນແຫ່ງດັ່ງກ່າວມີອາ ຄານ 1 ຫຼັງ, ມີ 4 ຫ້ອງຮຽນ, ຫ້ອງສະໝຸດ 1 ຫ້ອງ, ຫ້ອງການ 1 ຫ້ອງ, ຫ້ອງເກັບມ້ຽນເອກະສານ ແລະວັດຖຸອຸປະກອນ 1 ຫ້ອງ, ກໍ່ສ້າງຂຶຶຶຶຶຶຶຶຶຶ້ນວັນທີ 8/11/2018  ໂດຍໄດ້ຮັບການທຶນສະໜັບສະໜູນ ຊ່ວຍເຫຼືອຈາກອໍານາດການປົກ ຄອງ ແລະປະຊາຊົນແຂວງກວາງ ຈີ ສສ ຫວຽດນາມ ເປັນຜູ້ໃຫ້ທຶນ 100% ສ້າງສໍາເລັດ 8/6/2019 ແລະເປິດນໍາໃຊ້ເຂົ້າໃນການຮຽນ ການສອນນັບຈາກນັ້ນເປັນຕົ້ນມາ, ມີຄູສອນທັງໝົດ 4 ຄົນ, ຍິງ 1 ຄົນ, ມີ 4 ຊັ້ນຮຽນ ມ1 ຮອດ ມ4 ນັກຮຽນທັງໝົດ 78 ຄົນ ຍິງ 49 ຄົນ.

  ສໍາລັບເຄື່ອງທີ່ນຳມາມອບໃນ ຄັ້ງນີ້: ມີຊຸດກີລານັກຮຽນ 11 ຊຸດ, ບານເຕາະ 1 ໜ່ວຍ, ບານຕີ 3 ໜ່ວຍ, ຕາໜ່າງບານຕີ 2 ດາງ, ກະຕໍ້ຫວາຍ 2 ໜ່ວຍ, ຕາໜ່າງກະ ຕໍ້ 2 ດາງ, ທັງນີ້ກໍ່ເພື່ອເປັນການ ປະກອບສ່ວນ ແລະເສີມຂະຫຍາຍ ຕໍ່ຍອດໃຫ້ວຽກງານການສຶກສາ ຕາມ 3 ລັກສະນະ 5 ຫຼັກມູນ ໂດຍ ສະເພາະກໍ່ຄືວິຊາພາລະສຶກສາໃຫ້ປະກົດຜົນເປັນຈິງ.

แชร์