ໂຮງຮຽນ ມສ ສະຫວັນ ຈັດສົ່ງພະນັກງານ ເຂົ້າຮັບເບ້ຍບຳນານ

  ວັນທີ 9 ວັນທີ 10 ມັງ ກອນ ຜ່ານມາ ໂຮງຮຽນມັດທະຍົມສົມບູນ (ມສ) ສະຫວັນ ແຂວງ ສະຫວັນນະເຂດ ໄດ້ຈັດພິທີປະກາດສົ່ງພະນັກງານເຂົ້າຮັບອຸດໜູນເບ້ຍບຳນານ, ເຂົ້າຮ່ວມໃນພິທີຄັ້ງນີ້ມີ ທ່ານ ກິຄຳ ພິມບຸນຍໍ ຮອງຫົວໜ້າ ພະແນກສຶກສາທິການ ແລະກີລາ ແຂວງ, ບັນດາທ່ານຄະນະອຳນວຍ ການ, ຄູ-ອາຈານຈາກໂຮງຮຽນ ອ້ອມຂ້າງເຂົ້າຮ່ວມນຳ.

 ທ່ານ ນາງ ພຸດສະດີ ສີຫາວົງ ຮອງຫົວໜ້າຂະແໜງຈັດຕັ້ງພະນັກງານພະແນກສຶກສາທິການ ແລະກີລາແຂວງໄດ້ຜ່ານຂໍ້ຕົກລົງຂອງລັດຖະມົນຕີກະຊວງສຶກສາ ທິການ ແລະກີລາວ່າດ້ວຍການອະນຸມັດພະນັກງານລັດຖະກອນຄູສັງກັດໂຮງຮຽນມັດທະຍົມສົມບູນສະຫວັນ ອອກພັກການເພື່ອຮັບອຸດ ໜູນບຳນານຈຳນວນ 4 ທ່ານ, ຍິງ 2 ທ່ານຄື: ທ່ານ ລຳແກ້ວ ເກດ ທອງດີ ຜູ້ອຳນວຍການໂຮງຮຽນມັດທະຍົມສົມບູນສະຫວັນ, ທ່ານ ສີທອງ ໄຊຍະຄົມ, ທ່ານ ນາງ ວົງ ຈັນ ສິດທິກຸມມານ  ແລະທ່ານ ນາງ ລັດຕະນາທະທົງສັກ ພະນັກງານ ຄູສອນເຂົ້າຮັບເບ້ຍບຳນານນັບ ແຕ່ວັນທີ 1 ມັງກອນ 2020 ເປັນ ຕົ້ນໄປ.

ໃນພິທີກໍ່ຍັງໄດ້ມອບໃບຍ້ອງ ຍໍຂອງລັດຖະມົນຕີກະຊວງສຶກສາ ທິການ ແລະກີລາໃຫ້ກັບຜູ້ທີ່ເຂົ້າ ຮັບເບ້ຍບຳນານທັງ 4 ທ່ານນຳ ອີກໃຫ້ກຽດມອບໃບຍ້ອງຍໍຄັ້ງນີ້ໂດຍແມ່ນທ່ານ ກິຄຳ ພິມບຸນຍໍ ຮອງຫົວໜ້າພະແນກສຶກສາທິກາກ ແລະກີລາແຂວງມອບໃຫ້ແຕ່ລະ ທ່ານຢ່າງສົມກຽດ.

  ໃນຕອນທ້າຍຂອງພິທີທ່ານ ກິຄຳ ພິມບຸນຍໍ ກໍ່ຍັງໄດ້ມີຄໍາເຫັນ ໂອ້ລົມຕໍ່ກັບຜູ້ທີ່ເຂົ້າຮັບເບ້ຍບຳນານ ແລະບັນດາຄູ-ອາຈານຜູ້ທີ່ ຈະສານຕໍ່ວຽກງານຂອງໂຮງຮຽນ ຈົ່ງພ້ອມກັນຍຶດໝັ້ນຄວາມສາມັກ ຄີຊ່ວຍເຫຼືອເຊິ່ງກັນ ແລະກັນຢ່າງ ໃກ້ຊິດຕິດແທດ ໂດຍສະເພາະພະນັກງານອາວຸໂສບຳນານຜູ້ທີ່ມີປະສົບການໃນການບໍລິຫານວຽກ ງານມາຫຼາຍສິບປີກໍ່ຈະຕ້ອງເປັນ ທີ່ປຶກສາໃຫ້ກັບພະນັກງານຮຸ່ນສືບ ທອດເພື່ອນໍາບົດຮຽນໄປຈັດຕັ້ງ ຜັນຂະຫຍາຍເຮັດໃຫ້ວຽກງານມີປະສິດທິພາບປະສິດທິຜົນສູງຂຶ້ນ ໄປເລື້ອຍໆ.

แชร์