ເມືອງໄຊພູທອງ ປະກາດການຈັດຕັ້ງພະນັກງານ

  ຫວ່າງບໍ່ດົນຜ່ານມານີ້, ເມືອງໄຊພູທອງໄດ້ຈັດພິທີປະກາດການ ຈັດຕັ້ງພະນັກງານຢູ່ທີ່ຫ້ອງວ່າການປົກຄອງເມືອງໄຊພູທອງ ແຂວງ ສະຫວັນນະເຂດ, ໃຫ້ກຽດເປັນປະທານຂອງທ່ານ ຄໍາວິໃສ ຜຸຍຍະວົງ ເລຂາຄະນະບໍລິຫານງານພັກເມືອງ ເຈົ້າເມືອງໆໄຊພູທອງ ມີບັນດາທ່ານ ໃນຄະນະປະຈໍາພັກເມືອງ, ກໍາມະກາພັກເມືອງ, ເລຂາ-ນາຍບ້ານພະນັກ ງານອ້ອມຂ້າງເມືອງເຂົ້າຮ່ວມ.

  ທ່ານ ທອງມີ ເນົາສະຫວາດ ຫົວໜ້າຄະນະຈັດຕັ້ງເມືອງໄດ້ຜ່ານຂໍ້ຕົກລົງວ່າດ້ວຍການແຕ່ງຕັ້ງພະນັກງານຂອງທ່ານເຈົ້າແຂວງໆສະຫວັນນະເຂດຕົກລົງແຕ່ງຕັ້ງຮອງເຈົ້າເມືອງໄຊພູທອງ ຈໍານວນ 2 ທ່ານຄື: ທ່ານ ສົມໝາຍ ແກ້ວລັດຕະນະວົງ ເປັນຮອງເຈົ້າເມືອງໄຊພູທອງ ຊີ້ ນໍາວຽກງານວັດທະນະທໍາ-ສັງຄົມ, ທ່ານ ເພີນ ທາມອນຕີ ເປັນຮອງ ເຈົ້າເມືອງໄຊພູທອງ ຊີ້ນໍາວຽກງານເສດຖະກິດ, ຈາກນັ້ນກໍ່ໄດ້ຜ່ານຂໍ້ຕົກລົງຂອງທ່ານເຈົ້າເມືອງວ່າດ້ວຍການແຕ່ງຕັ້ງພະນັກ ເລກທີ 895/ຈມ, ຊທ ລົງວັນທີ 18 ທັນວາ 2019 ເຈົ້າເມືອງໄຊພູທອງຕົກລົງແຕ່ງ ຕັ້ງເມືອງ, ທ່ານ ເກີດມີ ຈັນທິລາດ ຫົວໜ້າກ້ອງການພາຍໃນເມືອງເປັນ ຫົວໜ້າຄະນະຈັດຕັ້ງເມືອງ, ທ່ານ ພົມມາ ສົງວິໄລ ເລຂາຄະນະບໍລິຫານ ງານຊາວໝຸ່ມເມືອງເປັນປະທານແນວລາວ, ທ່ານ ທອງມີ ເນົາສະ ຫວາດ ຫົວໜ້າຄະນະຈັດຕັ້ງເມືອງເປັນຫົວໜ້າຫ້ອງການພາຍໃນເມືອງ,ທ່ານ ອຸດອນ ບຸດຕະວົງ ຮອງຫົວໜ້າຫ້ອງການຖະແຫຼງຂ່າວ-ວັດທະນະທໍາ ແລະທ່ອງທ່ຽວເປັນຫົວໜ້າຫ້ອງການຖະແຫຼງຂ່າວ-ວັດທະນະ ທໍາ-ທ່ອງທ່ຽວ, ສ້າງຊາດເມືອງ, ທ່ານ ຕິກ ບຸດສະດີ ຮອງຫົວໜ້າຫ້ອງ ການຊັບພະຍາການທໍາມະຊາດ ແລະສິ່ງແວດລ້ອມເມືອງເປັນຫົວໜ້າ ຫ້ອງການໜ້າຫ້ອງການຊັບພະຍາການທໍາມະຊາດ ແລະສິ່ງແວດລ້ອມ ເມືອງ, ທ່ານ ສີປະເສີດ ແກ້ວຫານາມ ຮອງເລຂາຊາວໜຸ່ມເມືອງເປັນເລ ຂາຄະນະບໍລິຫານງານຊາວໝຸ່ມເມືອງ, ທ່ານ ຄໍາໝາຍ ສີສະຫວັດ ເປັນຫົວໜ້າຫ້ອງການໂຄສະນາອົບຮົມເມືອງ, ຕົກລົງແຕ່ງຕັ້ງ ນາງ ບຸນເພັງ  ພັນທະວົງ ເປັນຮອງປະທານສະຫະພັນແມ່ຍິງເມືອງ.

  ໃນໂອກາດດຽວກັນ ທ່ານ ຄໍາວິໃສ ຜຸຍຍະວົງ ກໍ່ໄດ້ໂອ້ລົມຕໍ່ພະນັກງານທີ່ໄດ້ຖືກແຕ່ງຕັ້ງໃໝ່ໃນຄັ້ງນີ້ຈົ່ງພ້ອມກັນເອົາໃຈໃສ່ປະຕິບັດໜ້າທີ່ໆ ມອບໝາຍໃຫ້ໃຫ້ປະກົດຜົນເປັນຈິງ, ການປະກາດການຈັດຕັ້ງແມ່ນເພື່ອ ເປັນການປັບປຸງການຈັດຕັ້ງທຸກຂັ້ນ, ທຸກຂະແໜງການໃຫ້ມີຄວາມໜັກແໜ້ນເຂັ້ມແຂງໃນທຸກດ້ານ, ທັງຮັບປະກັນກັບໜ້າທີ່ວຽກງານທີ່ມອບ ໝາຍໃຫ້ ແລະທັງເປັນການທົດສອບການກໍ່ສ້າງໃຫ້ຮູ້ຫຼາຍໜ້າທີ່ວຽກ ງານເພື່ອເຮັດໃຫ້ເພີ່ມປະສິດທິພາບໃນວຽກງານໃຫ້ມີການຂະຫຍາຍຕົວ ແລະໄດ້ຮັບຜົນສໍາເລັດດີຂຶ້ນ.

แชร์