ໄຊສົມບູນຍ່າງເພື່ອສຸຂະພາບສະຫຼອງວັນສ້າງຕັ້ງອົງການ ກາແດງລາວ

 ອົງການກາແດງແຂວງ ໄຊສົມບູນ ໄດ້ຈັດກິດຈະກຳຍ່າງ ເພື່ອສຸຂະພາບເນື່ອງໃນໂອກາດສະເຫຼີມສະຫຼອງວັນສ້າງຕັ້ງອົງການ ກາແດງລາວ ຄົບຮອບ 65 ປີ ຢ່າງຄຶກຄື້ນໃນຕອນເຊົ້າວັນທີ 8 ມັງກອນຜ່ານມາ ໂດຍມີທ່ານ ພົນຕີ ຄຳລຽງ ອຸທະໄກສອນ ເຈົ້າແຂວງ ໄຊສົມບູນ, ມີຮອງເຈົ້າແຂວງ, ເຈົ້າເມືອງອະນຸງວົງ ພ້ອມດ້ວຍ ພະແນກການ, ອົງການກົມກອງ ແລະພະນັກງານອ້ອມຂ້າງແຂວງ ເຂົ້າຮ່ວມ.

  ການຈັດກິດຈະກຳຍ່າງເພື່ອ ສຸຂະພາບຄັ້ງນີ້ແມ່ນໄດ້ເລີ່ມແຕ່ ສຳນັກງານປົກຄອງເມືອງອະນຸວົງ ໄປຕາມເສັ້ນທາງອ້ອມເທສະບານ ແຂວງ ທັງນີ້ ເພື່ອເປັນການລະ ນຶກເຖິງວັນສ້າງຕັ້ງອົງການກາ ແດງລາວ ຄົບຮອບ 65 ປີ ວັນທີ 1 ມັງກອນ 1955 ຫາວັນທີ 1 ມັງກອນ 2020 ໃຫ້ເປັນຂະ ບວນການຟົດຟື້ນ ແລະມີຄວາມ ໝາຍເລິກເຊິ່ງທັງເປັນການຈັດກິດ ຈະກຳຍ່າງເພື່ອສຸຂະພາບຊ່ວຍ ເສີມສ້າງຮ່າງກາຍໃຫ້ມີພາລະນາ ໄມທີ່ສົມບູນປາສະຈາກໂລກໄພໄຂ້ ເຈັບຕ່າງໆ ຊຶ່ງໃນເມື່ອກ່ອນອົງການກາແດງລາວມີຊື່ເອີ້ນວ່າສະພາກາຊາດລາວເຮັດໜ້າທີ່ຊ່ວຍເຫຼືອບັນເທົາທຸກໃຫ້ແກ່ຜູ້ທີ່ໄດ້ຮັບເຄາະຮ້າຍຈາກໄພພິບັດຕ່າງໆທັງຊ່ວຍເຫຼືອຜູ້ທີ່ທຸກຢາກດ້ອຍໂອກາດ ແລະຊ່ວຍປົກປັກຮັກສາສຸຂະພາບຂອງປະຊາຊົນບັນດາເຜົ່າພ້ອມທັງປະກອບສ່ວນຢ່າງຕັ້ງໜ້າເຮັດວຽກຂະບວນການມະນຸດສະທຳ ຕາມ 7 ຫຼັກການພື້ນຖານຂອງ ຂະບວນການ ແລະຊິກວົງເດືອນ ແດງສາກົນ, ພາຍຫຼັງ ສປປ ລາວ ໄດ້ຮັບການສະຖາປານາຂຶ້ນມາ ໃນຊຸມປີ 1976-1988 ສະພາ ກາຊາດລາວໄດ້ປ່ຽນຊື່ມາເປັນສະ ພາກາແດງລາວ ແລະມາຮອດປີ 1988-1992 ສະພາກາແດງ ລາວໄດ້ປ່ຽນຊື່ມາເປັນອົງການກາ ແດງລາວຈົນເຖິງທຸກວັນນີ້.

  ຕະຫຼອດໄລຍະທີ່ຜ່ານມາອົງ ການກາແດງລາວໄດ້ປະກອບສ່ວນ ອັນໃຫຍ່ຫຼວງທີ່ສຳຄັນເຂົ້າໃນການ ຊ່ວຍເຫຼືອບັນເທົາທຸກໃຫ້ແກ່ປະຊາຊົນເປັນຕົ້ນການປຸກລະດົມຂົນ ຂວາຍບໍລິຈາກເລືອດ ແລະການ ສະໜອງເລືອດທີ່ປອດໄພເພື່ອກອບ ກູ້ເອົາຊີວິດຂອງຄົນເຈັບ, ການປະ ຖົມພະຍານານ, ກູ້ໄພສຸກເສີນ, ສືບ ທາວຫາຍາດພີ່ນ້ອງ ແລະອື່ນໆ ພ້ອມທັງຊ່ວຍເຫຼືອທາງດ້ານວັດຖຸ ແລະຈິດໃຈຂັ້ນພື້ນຖານເພື່ອສ້າງ ຄວາມເຂັ້ມແຂງໃຫ້ແກ່ຊຸມຊົນ ກ່ຽວກັບການປ້ອງກັນຫຼຸດຜ່ອນ ຄວາມສ່ຽງ ແລະຮັບມືກັບໄພພິບັດ ຕ່າງໆສະນັ້ນທຸກຄົນຕ້ອງເອົາໃຈໃສ່ສູງຕໍ່ການປະກອບສ່ວນເຂົ້າ ໃນວຽກງານກາແດງໃຫ້ຫຼາຍຂຶ້ນ.

----------

ຂ່າວ: ນໍ້າເໝີຍ 

แชร์