ເຊີງຕູ-ດູໄບ ຈັບມືສົ່ງເສີມການຄ້າລະຫວ່າງປະເທດ

  ສຳນັກຂ່າວຊິນຫົວລາຍງານວັນທີ 9 ມັງກອນວ່າເຂດພັດທະນາອຸດສາຫະກຳເຕັກໂນໂລຊີລະດັບສູງເຊີງຕູ (Chengdu Hi-tech Industrial Developm ent Zone) ມົນທົນເສສວນທາງພາກຕາເວັນຕົກສ່ຽງໃຕ້ຂອງ ສປ ຈີນ ແລະ ສູນສິນຄ້າເຄື່ອງໃຊ້ປະຈຳດູໄບ (DMCC) ຂອງສະຫະລັດອາຣັບເອມິເຣດ (UAE) ຮ່ວມມືເປັນຮຸ້ນສ່ວນເພື່ອກະຕຸ້ນຄວາມຮ່ວມມືທາງການຄ້າທະວີພາຄີລະຫວ່າງຈີນ ແລະຢູເອອີ.

  ເຂດພັດທະນາອຸດສາຫະກຳເຕັກໂນໂລຊີລະດັບສູງເຊີງຕູຊຶ່ງເປັນໜຶ່ງໃນນິຄົມເຕັກໂນໂລຊີລະດັບສູງລະດັບໂລກຂອງຈີນໄດ້ລົງນາມບົດບັນທຶກຄວາມເຂົ້າໃຈ (MOU) ກັບດີເອັມຊີຊີ ເປັນເຂດສິນຄ້າເຄື່ອງໃຊ້ປະຈຳ ແລະຜູ້ປະກອບການເສລີລະດັບໂລກຂອງຍູເອອີທີ່ການປະຊຸມຈີນ-ຍູເອອີ ວ່າດ້ວຍການທະນາຄານ ແລະການເງິນອິດສະ ລາມ (CUCIBF) ຊຶ່ງ ເລີ່ມມີຂຶ້ນໃນວັນທີ7 ມັງກອນທີ່ຜ່ານມາ.

  ທ່ານ ເຊີນຫົງເທົາ ຮອງຜູ້ອຳນວຍການຄະນະກຳມະການຈັດການເຂດພັດທະນາອຸດສາຫະກຳເຕັກໂນໂລຊີລະດັບສູງເຊີງຕູໃຫ້ຮູ້ວ່າການເປັນຮຸ້ນສ່ວນນີ້ຈະເປັນແຮງກະຕຸ້ນການພັດທະນາລະດັບໂລກຂອງຜູ້ປະກອບການຈາກນິຄົມອຸດສາຫະກຳທັງສອງແຫ່ງທັງນີ້ນິຄົມອຸດສາຫະກຳທັງສອງຍັງຈະຫາລືການກໍ່ສ້າງສູນການເງິນເຊີງຕູ-ດູໄບ (Chengdu-Dubai Financial Centre) ຊຶ່ງມີຈຸດປະສົງເນັ້ນໃສ່ອຸດສາຫະກຳການເງິນ ແລະການຄ້າໂດຍສະເພາະ.

 _______

ໜັງສືພິມເສດຖະກິດ-ສັງຄົມ

แชร์