ສຶກສາເມືອງຫົງສາ ປະກາດພະນັກງານ ຮັບອຸດໜູນບຳນານ

 ວັນທີ 9 ມັງກອນ ຜ່ານມາຫ້ອງການສຶກສາທິການ ແລະກີລາເມືອງຫົງສາ ແຂວງໄຊຍະບູລີ ໄດ້ຈັດພິທີປະກາດພະນັກງານລັດຖະກອນອອກພັກການເພື່ອຮັບອຸດໜູນບຳນານໄດ້ຈັດຂຶ້ນທີ່ຫ້ອງປະຊຸມຫ້ອງການດັ່ງກ່າວເຂົ້າຮ່ວມຂອງທ່ານ ນາງ ດາວວິນ ລາດ ຊະກິດ ຮອງເລຂາພັກເມືອງຜູ້ຊີ້ນຳວຽກງານແນວຄິດ ແລະ ວຽກງານພັກ-ພະນັກງານຂອງເມືອງຫົງສາ,ທ່ານ ທອງສຸກ ປ້ອງຄຳ ຫົວໜ້າຫ້ອງການສຶກສາທິການ ແລະກີລາເມືອງພ້ອມດ້ວຍຄະນະ, ມີຜູ້ອຳນວຍການໂຮງຮຽນອ້ອມຂ້າງເມືອງ, ແຂກຖືກເຊີນ ແລະພະນັກງານທີ່ມີເງືອນໄຂເຂົ້າຮັບອຸດໜູນບໍານານເຂົ້າຮ່ວມ.

  ທ່ານ ທອງໂຕ້ ຈັນທະລັງມາ ຫົວໜ້າຫ້ອງການພາຍໃນເມືອງໆ ຫົງສາຂຶ້ນຜ່ານຂໍ້ຕົກລົງຂອງກະຊວງສຶກສາທິການ ແລະກີລາວ່າດ້ວຍການອະນຸມັດອອກພັກການ ເພື່ອຮັບອຸດໜູນບໍານານ, ໂດຍປະຕິບັດຕາມກົດໝາຍວ່າດ້ວຍພະນັກງານລັດຖະກອນສະບັບເລກທີ 74/ສພຊ, ກົດໝາຍວ່າດ້ວຍການປະກັນສັງຄົມສະະບັບເລກທີ 54/ສພຊ, ດໍາລັດຂອງນາຍົກລັດຖະມົນຕີວ່າດ້ວຍການຈັດຕັ້ງ ແລະ ການເຄື່ອນໄຫວຂອງກະຊວງສຶກສາທິການ ແລະ ກີລາສະບັບເລກທີ 67/ນຍ, ແຈ້ງການຂອງກະຊວງພາຍໃນສະບັບເລກທີ 1231/ພນ ແລະການຄົ້ນຄວ້າເຫັນດີຂອງກົມຈັດຕັ້ງ ແລະພະນັກງານ, ສະນັ້ນລັດຖະມົນຕີກະຊວງສຶກສາທິການ ແລະກີລາຕົກລົງໃຫ້ທ່ານ ພົກ ໄຊຍະສິດ, ທ່ານ ຄຳຜີວ, ທ່ານ ຄຳແຕ່ງ ໃຈຫຼ້າ, ທ່ານ ບຸນມີ ປ້ອງຄຳ, ທ່ານນາງ ປານີ ມາສຸວັນ, ທ່ານນາງ ວຽງທອງ ປ້ອງຄຳ ແລະ ທ່ານ ນາງ ບົວຄຳ ບົວສີ.

ພ້ອມນັ້ນ,ໃນພິທີກໍໄດ້ມອບໃບຍ້ອງຍໍ ແລະກະຕ່າຂອງຂວັນໃຫ້ກັບ 7ທ່ານ ທີ່ມີຜົນງານດີເດັ່ນ ແລະຄຸນງາມຄວາມດີໃນການປະກອບສ່ວນເຮື່ອແຮງ,ສະຕິປັນຍາ,ຄວາມຮູ້-ຄວາມສາມາດເຂົ້າໃນການພັດທະນາວຽກງານສຶກສາທິການ ແລະກີລາຕະຫຼອດໄລຍະຜ່ານມາ.

___________

ຂຽນໂດຍ: ກິດຕິສັກ ບົວໄລ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์