ຄະນະໂຄສະນາອົບຮົມ ນວ ສະຫຼຸບວຽກງານຜ່ານມາ

  ກອງປະຊຸມສະຫຼຸບວຽກງານຂອງຄະນະໂຄສະນາອົບຮົມນະຄອນຫຼວງວຽງຈັນ (ນວ) ປະຈໍາປີ 2019 ແລະທິດທາງແຜນການປີ 2020 ໄດ້ຈັດຂຶ້ນໃນວັນທີ 8 ມັງ ກອນຜ່ານມາທີ່ ຫ້ອງວ່າການປົກຄອງ ນວ ໂດຍເປັນໃຫ້ກຽດເຂົ້າຮ່ວມຂອງທ່ານ ຄຳພັນ ພົມມະທັດ ຫົວໜ້າຄະນະໂຄສະນາອົບຮົມສູນກາງພັກ ແລະທ່ານ ອານຸພາບ ຕຸນາລົມ ປະທານສະພາປະຊາຊົນ ນວ ພ້ອມດ້ວຍຮອງເລຂາຄະນະບໍລິຫານງານພັກເລຂາຄະນະບໍລິຫານງານເມືອງເຈົ້າເມືອງ, ຫົວໜ້າພະແນກການອ້ອມຂ້າງ ແລະໂຄສະນາອົບຮົມ 9 ຕົວເມືອງ ແລະພະນັກງານຫຼັກແຫຼ່ງເຂົ້າຮ່ວມ.

  ທ່ານ ເຂັມເພັດ ຫົວໜ້າຄະນະໂຄສະນາອົບຮົມ ນວ ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານໂຄສະນາອົບຮົມ ນວ ປະຈຳປີ 2019 ແລະ ທິດທາງແຜນການປີ 2020 ວ່າ: ຕະຫຼອດໄລຍະ 1 ປີຜ່ານມາຄະນະພັກອົງການປົກຄອງທຸກຂັ້ນໄດ້ເອົາໃຈໃສ່ເຮັດວຽກງານໂຄສະນາອົບຮົມການເມືອງແນວຄິດໃຫ້ຖັນແຖວພະນັກງານສະມາຊິກພັກ ແລະ ປະຊາຊົນໃນຂອບເຂດຄວາມຮັບຜິດຊອບຂອງຕົນໄດ້ຢ່າງເປັນປົກກະຕິ, ພ້ອມນັ້ນໄດ້ບຳລຸງລະດັບທິດສະດີການເມືອງການປົກຄອງໃຫ້ພະນັກງານ

ສະມາຊິກພັກໄດ້ຮັບການເອົາໃຈ ໃສ່ຢ່າງຕັ້ງໜ້າ; ຄຽງຄູ່ກັນນັ້ນໄດ້ເອົາໃຈໃສ່ຊີ້ນຳໆພາ ຄຸ້ມຄອງການເຄື່ອນໄຫວຂອງສື່ມວນຊົນທຸກປະເພດ ທີ່ຢູ່ໃນຄວາມຮັບຜິດຊອບ, ປັບປຸງເນື້ອໃນວິທີການຮູບການໂຄສະນາຜ່ານສື່ເປັນຕົ້ນວາລະສານ ນວ, ໜັງສືພິມວຽງຈັນໃໝ່,ວິທະຍຸ, ໂທລະໂຄ່ງ, ເວັບໄຊ໌ວຽງຈັນນິວເດ, ພິເສດ ນວ ໄດ້ສ້າງສະຖາ ນີໂທລະພາບ VTE9 ຜ່ານລະບົບດາວທຽມລາວແຊັດຊຶ່ງປະຈຸບັນທົ່ວຄະນະໂຄສະນາອົບຮົມ ນວ ມີຜູ້ເຮັດວຽກໂຄສະນາອົບຮົມການເມືອງທັງໝົດ 139 ຄົນ ຍິງ 42 ຄົນ ແລະໄດ້ສ້າງຕາໜ່າງເພື່ອນຮ່ວມງານເພື່ອກຳກັບຫາສຽງສັງຄົມທີ່ປະຈຳຢູ່ເມືອງພະແນກການ ແລະອົງການທຽບເທົ່າອ້ອມຂ້າງ.

   ສໍາລັບແຜນການປີ 2020, ຄະນະໂຄສະນາອົບຮົມຈະສູ້ຊົນຍົກສູງຄວາມຮັບຜິດຊອບຂອງຕົນສ້າງແຜນເຄື່ອນໄຫວແນະນຳກວດກາການປະຕິບັດໜ້າທີ່ພົວພັນເຖິງວຽກງານກໍ່ສ້າງພັກທາງດ້ານການເມືອງແນວຄິດປະກອບສ່ວນຍົກສູງຄວາມສາມາດນຳພາກຳລັງແຮງສູ້ຮົບຂອງພັກຄຸນນະພາບປະສິດທິຜົນການຄຸ້ມຄອງຂອງລັດການເຄື່ອນໄຫວຂອງແນວລາວສ້າງຊາດ ແລະອົງການຈັດຕັ້ງມະຫາຊົນ ພ້ອມທັງເພີ່ມທະວີການເຄື່ອນໄຫວວຽກງານໂຄສະນາອົບຮົມໃຫ້ເລິກເຊິ່ງທົ່ວເຖິງທຸກເປົ້າໝາຍເພື່ອສ້າງຄວາມຮັບຮູ້ເຂົ້າໃຈເປັນເອກະພາບມີຄວາມເຊື່ອໝັ້ນສະໜັບສະໜູນແນວທາງນະໂຍບາຍ ແລະ ການນຳພາຂອງພັກເຮັດໃຫ້ວຽກງານໂຄສະນາມີຄຸນນະພາບຕິດພັນກັບພາລະບົດບາດປົກປັກຮັກສາ ແລະສ້າງສາພັດທະນາປະເທດຊາດກໍຄືການປົກປັກຮັກສາ ແລະພັດທະນາ ນວ ເພີ່ມທະວີຄວາມແຫຼມຄົມວ່ອງໄວທັນການຂອງບັນດາສື່ ຫຼື ພາຫະນະໂຄສະນາໃນການອະທິບາຍຕອບແກ້ໄຂບັນຫາຕ່າງໆທີ່ສັງຄົມສົນໃຈ.

-------------

ຂຽນໂດຍ: ແປ 
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์