ກອງປະຊຸມໃຫຍ່ຜູ້ແທນອົງຄະນະພັກເມືອງໃໝ່ຄັ້ງທີ XIV

   ກອງປະຊຸມໃຫຍ່ຄັ້ງທີ XIV ຂອງອົງຄະນະພັກເມືອງໃໝ່ ແຂວງຜົ້ງສາລີໄດ້ໄຂຂຶ້ນໃນວັນທີ 8 ມັງກອນ 2020 ຢູ່ທີ່ສະໂມສອນຂອງເມືອງໃໝ່ເປັນກຽດເຂົ້າຮ່ວມ ຂອງສະຫາຍ ຄຳຜອຍ ວັນນະສານ ຮັກສາການເລຂາພັກແຂວງຮັກສາການເຈົ້າແຂວງຜົ້ງສາລີ, ມີສະຫາຍ ທອງສີ ເສົາສຸລີພົມ ຄະນະປະຈຳພັກແຂວງຮອງເຈົ້າແຂວງຜູ້ຊື້ນຳວຽກງານຮອບດ້ານຂອງເມືອງໃໝ່, ມີບັນດາສະຫາຍຮອງເລຂາພັກເມືອງ, ຄະນະປະຈໍາພັກເມືອງ, ກໍາມະການພັກເມືອງ, ແຂກຖືກເຊີນຈາກເມືອງໂພນທອງ, ເມືອງງອຍ ແຂວງຫຼວງພະບາງ ແລະການນໍາເມືອງອ້ອມຂ້າງໃນທົ່ວແຂວງພ້ອມຜູ້ແທນສົມບູນ 145 ສະຫາຍຍິງ 44 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກທົ່ວເມືອງ 1.347 ສະຫາຍ.

  ສະຫາຍ ສົມຈິດ ສິດທິວົງ ເລຂາຄະນະບໍລິຫານງານພັກເມືອງເຈົ້າເມືອງໆໃໝ່ກ່າວວ່າ: ໃນໄລຍະ 5 ປີທີ່ຜ່ານມາອົງຄະນະພັກເມືອງໃໝ່ ຄັ້ງທີ XIII ໄດ້ ເອົາໃຈໃສ່ຊີ້ນໍາໆພາໃນການພັດທະນາເສດຖະກິດ ແລະ ແກ້ໄຂຄວາມທຸກຍາກໂດຍຍຶດຖືເອົາການພັດທະເສດຖະກິດເປັນໃຈກາງເພື່ອແກ້ໄຂຊີວິດການເປັນຢູ່ຂອງປະຊາຊົນບັນດາເຜົ່າຢູ່ພາຍໃນເມືອງໃຫ້ນັບມື້ດີຂຶ້ນ, ໄດ້ສຸມໃສ່ຊີ້ນໍາໆພາການຈັດຕັ້ງປະຕິບັດຕາມທິດທາງ ແລະຄາດໝາຍທີ່ມະຕິກອງປະຊຸມຄັ້ງທີ XIII ໄດ້ຮັບຮອງໂດຍໄດ້ສຸມໃສ່ການລົງທຶນຂອງນັກທຸລະກິດທັງພາຍໃນ ແລະ ຕ່າງປະເທດ, ກໍ່ສ້າງພື້ນຖານໂຄງລ່າງໂດຍສະເພາະເສດຖະກິດຂອງເມືອງມີການຂະຫຍາຍຕົວຕໍ່ເນື່ອງລວມຍອດຜະລິດຕະ ພັນພາຍໃນເມືອງໃນ 5 ປີ ບັນລຸ 204,68 ຕື້ກີບທຽບໃສ່ ປີ2014ເພີ່ນຂຶ້ນ 56,42%ສະເລ່ຍໃສ່ຫົວຄົນບັນລຸ 914 ໂດລາສະຫະລັດກີບ ຕໍ່ຄົນຕໍ່ປີ,ໃນນີ້ລວມຍອດຜະລິດຕະພັນກະສິກຳກວມເອົາ 4,94%, ອຸດສາຫະກຳ-ຫັດຖະກຳກວເອົາ6,80% ການບໍລິການກວມເອົາ 22,33% ກວມເອົາ 30,14% ເຮັດໃຫ້ປະຊາຊົນມີຊີວິດການເປັນຢູ່ດີຂຶ້ນ ແລະ ມີທ່າອ່ຽງການຫຼຸດພົ້ນຈາກຄວາມທຸກຍາກເທື່ອລະກ້າວ ແລະຜ່ານການເກັບກຳຂໍ້ມຸນຕາມດຳລັດ 348/ລບ ຍັງເຫຼືອບ້ານທຸກຍາກກວມ 95,06% ຂອງບ້ານທັງໝົດຈໍານວນຄອບຄົວທຸກຍາກຍັງເຫຼືອ 87,23%

  ກອງປະຊຸມຍັງໄດ້ວາງຄາດໝາຍສູ້ຊົນ 2020-2024 ຕິດພັນກັບການພັດທະນາຊົນນະບົດຮອບດ້ານ, ຮັບປະກັນໃຫ້ແກ່ການ ແກ້ໄຂຄວາມທຸກຍາກຂອງປະຊາຊົນຕາມ 4 ເນື້ອໃນ 4 ຄາດໝາຍຮອດປີ 2024 ພ້ອມນີ້ບັນດາຜູ້ແທນທີ່ເຂົ້າຮ່ວມກອງປະຊຸມຍັງໄດ້ເປັນເອກະສັນກັນຮັບຮອງເອົາບົດສໍາຫຼວດການຊີ້ນໍາ-ນໍາພາຂອງອົງຄະນະພັກ, ບົດລາຍງານການເມືອງ ແລະ ແຜນພັດທະນາເສດຖະກິດ–ສັງຄົມ 5 ປີໃນຕໍ່ໜ້າ ເພື່ອເຮັດໃຫ້ການຈັດຕັ້ງປະຕິບັດວຽກງານຂອງອົງຄະນະພັກເມືອງ ຄັ້ງທີ XV ໄດ້ຮັບການຈັດຕັ້ງປະຕິບັດໃຫ້ປາກົດຜົນເປັນຈິງ ແລະ ໄດ້ຕາມແຜນທີ່ວາງໄວ້.

-----------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ຂຽນ: ສົມຈັນ

แชร์