ເອຊີລີດາລາວ ເພີ່ມວົງເງິນກູ້ສູງເຖິງ 20 ຕື້ກວ່າກີບ ເພື່ອສຸມໃສ່ສິນເຊື່ອ SME

  ການເຂົ້າເຖິງແຫຼ່ງທຶນແມ່ນປັດໄຈຫຼັກຂອງການຂະຫຍາຍຕົວຂອງ SME, ອີງຕາມການສໍາຫຼວດທົ່ວປະເທດເຫັນວ່າຂະແໜງ SME ກວມເອົາຫຼາຍກວ່າ 90% ຂອງຜູ້ປະກອບການ ແລະໃຫ້ວຽກເຮັດງານທຳປະມານ 82% ຂອງແຮງງານທັງໝົດຂອງຂະແໜງທຸລະກິດ, ທະນາຄານເອຊີລີດາລາວ ຈຳກັດ, “ປະຊາທະນາຄານທີ່ທ່ານໄວ້ວາງໃຈ” ແລະມີວິໄສທັດໃນການເປັນຜູ້ນຳໃນດ້ານທະນາຄານເພື່ອທຸລະກິດ SME ໃນ ສປປ ລາວ”, ເຫັນເຖິງການເຕີບໂຕຢ່າງຍືນຍົງໂດຍການເພີ່ມຂຶ້ນຢ່າງຊັດເຈນຂອງ ເງິນຝາກຫຼາຍກວ່າ 34% ໃນປີ 2019, ໃນຖານະເປັນທະນາຄານເພື່ອ SME ແລະ Mobile app ທີ່ມີນຳໃຊ້ເຕັກໂນ ໂລຊີທີ່ທັນສະໄໝ “ເອຊີລີດາທັນໃຈ”, ທະນາຄານມີໂອກາດໃຫ້ບໍລິການຜະລິດຕະພັນ ແລະການບໍລິການຕ່າງໆແກ່ລູກຄ້າຫຼາຍພາກສ່ວນໂດຍສະເພາະແມ່ນຂະແໜງ SME, ລູກຄ້າ SME ແຕ່ ລະທ່ານໂດຍສະເພາະຂະໜາດກາງ ແລະທຸລະກິດຂະໜາດໃຫຍ່ສາມາດກູ້ຢືມເງິນຈາກທະນາຄານເອຊີລີດາລາວໄດ້ສູງເຖິງ 20 ຕື້ກີບ (ຫຼື ປະມານ 2,3 ລ້ານໂດລາສະຫະລັດ), ຊຶ່ງເພີ່ມຂຶ້ນຈາກ 17 ຕື້ກີບ ໃນປີທີ່ຜ່ານມາ.

  ທ່ານ ດຣ ຮາຍ ສະວາຍ ຜູ້ອຳນວຍການໃຫຍ່ຂອງທະນາຄານເອຊີລີດາລາວ ຈຳກັດ ກ່າວວ່າ: ທ່າອ່ຽງການເພີ່ມຂຶ້ນຂອງເງິນຝາກຈາກລູກຄ້າທົ່ວໄປ ແລະລູກຄ້າປະ ຈຳຍັງຄົງເພີ່ມຂຶ້ນຢ່າງຕໍ່ເນື່ອງດ້ວຍການລະດົມທຶນຈາກຫຼາຍໆ ປະເທດ. ສະນັ້ນທະນາຄານມີອັດຕາສ່ວນທາງການເງິນທີ່ດີ ແລະ ມີສະພາບຄ່ອງສູງເພື່ອຮອງຮັບຜະ ລິດຕະພັນສິນເຊື່ອທີ່ເໝາະສົມສຳລັບລູກຄ້າທຸກລະດັບໃນ ສ ປປ ລາວ ທີ່ມີຄວາມຕ້ອງການນຳໃຊ້ທຶນ ແລະຂະຫຍາຍທຸລະກິດຕາມຄວາມຕ້ອງການ,ທ່ານຍັງຊີ້ໃຫ້ເຫັນວ່າທະນາຄານເອຊີລີດາລາວສຸມໃສ່ການໃຫ້ກູ້ຢືມດ້ວຍຫຼາກຫຼາຍວິທີສຳລັບ MSMEs, ໂດຍສະເພາະທຸລະກິດຂະໜາດໃຫຍ່ ແລະເງິນກູ້ເພື່ອ SME.

  ທ່ານ ຖະໜອມຈິດ ວາຣິນທຣະສັກ ຫົວໜ້າພະແນກສິນເຊື່ອກ່າວວ່າ: ທະນາຄານເອຊີລີດາລາວ ຈໍາກັດ ມີແຫຼ່ງທຶນພຽງພໍໃນການໃຫ້ບໍລິການແກ່ປະຊາຊົນ, ຮອດທ້າຍປີ 2019 ທະນາຄານເອຊີລີດາລາວ ຈໍາກັດ ໄດ້ປ່ອຍສິນເຊື່ອໃຫ້ລູກຄ້າ165.000 ຄົນ, ຈຳນວນເງິນກູ້ທີ່ປ່ອຍກູ້ທັງໝົດທຽບເທົ່າສະກຸນເງິນໂດລາສະຫະລັດຫຼາຍກວ່າ 732 ລ້ານໂດລາສະຫະລັດ, ລູກຄ້າທີ່ດຳເນີນທຸລະກິດຂະໜາດນ້ອຍ ແລະຂະໜາດກາງສາມາດກູ້ຢືມໃນວົງເງິນຂະໜາດນ້ອຍຈົນເຖິງຂະໜາດກາງຕາມຄວາມເໝາະສົມ, ທະນາຄານເອຊີລີດາ ລາວ ໄດ້ສຸມໃສ່ສິນເຊື່ອຂະໜາດກາງ ແລະຂະໜາດໃຫຍ່ໂດຍເພີ່ມວົງເງິນການປ່ອຍເງິນກູ້ສູງເຖິງ 20 ຕື້ກີບຕໍ່ລູກຄ້າ, ທ່ານຍັງໄດ້ກ່າວຕື່ມວ່າທະນາຄານໃຫ້ບໍລິການລູກຄ້າທຸກທ່ານດ້ວຍຄວາມວ່ອງໄວ, ມີປະສິດທິພາບ ແລະໂປ່ງໃສດ້ວຍຜະລິດຕະພັນສິນເຊື່ອທີ່ຫຼາກຫຼາຍສຳລັບ MSME, ສິນເຊື່ອສ່ວນບຸກຄົນ, ສິນເຊື່ອສ້ອມແປງທີ່ຢູ່ອາໃສ ແລະອື່ນໆ, ພວກເຮົາເຕີບໃຫຍ່ໄປພ້ອມກັບລູກຄ້າໂດຍການໃຫ້ບໍລິການທາງດ້ານການເງິນທີ່ດີເລີດ, ສະໜອງທຶນໃຫ້ກັບການດຳເນີນທຸລະກິດ ແລະປະກອບສ່ວນເຂົ້າໃນການພັດທະນາຊີວິດການເປັນຢູ່ຂອງປະຊາຊົນ ແລະເສດຖະກິດ-ສັງຄົມ.

 ສະເຫຼີມສະຫຼອງ 11 ປີແຫ່ງການດຳເນີນທຸລະກິດໃນ ສປປ ລາວ, ທະນາຄານເອຊີລີດາລາວ ຈໍາກັດ ໄດ້ຮັບການຍອມຮັບວ່າເປັນທະນາຄານທຸລະກິດອັນດັບ 1 ທີ່ປະ ກອບສ່ວນເຂົ້າໃນການສ້າງວຽກເຮັດງານທຳໃນຂະແໜງການທະນາຄານໃຫ້ແກ່ປະຊາຊົນລາວ, “ເອຊີລີດາ ທັນໃຈ”Mobile Application ຊ່ວຍໃຫ້ລູກຄ້າສາມາດເຮັດທຸລະກຳໄດ້ທຸກວັນ, ທຸກທີ່, ທຸກເວລາ, ໃນລະດັບພູມີພາກ, ກຸ່ມເອຊີລີດາປະກອບມີ: ທະນາຄານເອຊີລີດາມະຫາຊົນສ້າງຕັ້ງຂຶ້ນໃນປີ 1993 ແລະມີບໍລິສັດລູກ 4 ແຫ່ງທີ່ດໍາເນີນທຸລະກິດຢູ່ປະເທດກຳປູເຈຍ, ລາວ ແລະ ມຽນມາຊຶ່ງມີຊັບສິນລວມທັງໝົດຫຼາຍກວ່າ 6 ຕື້ໂດລາສະຫະລັດ, ມີ313 ສາຂາ-ສໍານັກງານ, 683 ຕູ້ ATM ແລະໃຫ້ບໍລິການລູກຄ້າຫຼາຍລ້ານຄົນ.

___________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์