iPhone SE 2

  ກ່ອນໜ້ານີ້ມີຂ່າວລືວ່າ Apple ຈະມີການເປີດໂຕ iPhone SE 2 ໃນໄລຍະຕົ້ນປີ 2020 ໂດຍມີດິໄຊຄ້າຍຄືກັບ iPhone 8 ໃຊ້ ຈໍສະແດງຜົນ LCD ຂະໜາດ 4,7 ນິ້ວຕິດຕັ້ງ Touch ID ເທິງປຸ່ມໂຮມມາພ້ອມຊິບ A13 ຄວາມຈຳ RAM 3GB ກ້ອງຫຼັງຕົວດຽວ.

 ແຕ່ຫຼ້າສຸດ DigiTimes ແຫຼ່ງຂ່າວຈາກໄຕ້ຫວັນ ສປ ຈີນ ອ້າງວ່າ  Apple ອາດຈະເປີດໂຕ iPhone ທີ່ຈະໃຊ້ຈໍສະແດງຜົນ LCD ເພີ່ມອີກລຸ້ນໜຶ່ງກ່ອນໝົດປີ 2020 ຊຶ່ງຈະເປັນລຸ້ນອັບເກຣດມາຈາກ iPhone SE 2 ມີຂະໜາດຈໍສແດງຜົນ 5,5 ຫຼື 6,1 ນິ້ວ ແລະສາມາດເປີດໂຕໄດ້ຢ່າງໄວທີ່ສຸດໃນທ້າຍປີ 2020 ຫຼື ຕົ້ນປີ 2021.

ແຫຼ່ງຂ່າວຍັງບໍ່ມີລາຍລະອຽດດ້ານຂໍ້ມູນທາງເຕັກນິກແຕ່ອ້າງອີງມາຈາກຜູ້ຜະລິດບາງລາຍໃນຕ່ອງໂສ້ອຸປະທານທີ່ໄດ້ຮັບແຜນການຜະລິດ iPhone ເຖິງ 6 ລາຍການໃນປີນີ້.

  ທັງນີ້ Ming-Chi Kuo ນັກວິເຄາະທີ່ເຊື່ອຖືໄດ້ກໍເຊື່ອວ່າ Apple ກຳລັງພັດທະນາ iPhone SE 2 Plus ເໝືອນກັນຊຶ່ງໝາຍເຖິງຈະມີຂະໜາດຈໍສະແດງຜົນໃຫຍ່ກວ່າ iPhone SE 2.

--------------

ໜັງສືພິມເສດຖະກິດ-ສັງຄົມ

แชร์