ທ່ານ ສົມກ້ຽວ ໂອ້ລົມຊາວໜຸ່ມວິທະຍາໄລຄູ-ໂຮງຮຽນເຕັກນິກວິຊາຊີບຫຼວງນໍ້າທາ

  ວັນທີ 8 ມັງກອນ ຜ່ານມາທີ່ສະໂມສອນວິທະຍາໄລຄູຫຼວງນໍ້າທາ, ທ່ານ ສົມກ້ຽວ ກິ່ງສະດາຫົວໜ້າກົມພົວພັນ-ຮ່ວມມືກັບຕ່າງປະເທດສູນກາງຊາວໜຸ່ມປະຊາຊົນປະຕິວັດລາວໄດ້ໂອ້ລົມຊາວໜຸ່ມວິທະຍາໄລຄູຫຼວງນໍ້າທາ ແລະຊາວໜຸ່ມໂຮງຮຽນເຕັກນິກວິຊາຊີບແບບປະສົມແຂວງຫຼວງນໍ້າທາ, ເຂົ້າຮ່ວມມີທ່ານ ວົງມະນີ ເພື່ອປະຊາເລຂາຄະນະບໍລິຫານງານຊາວໜຸ່ມແຂວງຫຼວງນໍ້າທາ, ເລຂາໜ່ວຍຊາວໜຸ່ມສອງໂຮງຮຽນ, ມີຊາວໝຸ່ມ ແລະຄູ-ອາຈານເຂົ້າຮ່ວມຮັບຟັງ.

  ໃນໂອກາດພົບປະໂອ້ລົມດັ່ງກ່າວທ່ານ ສົມກ້ຽວ ກິ່ງສະດາ ໄດ້ເນັ້ນໜັກໃຫ້ຮູ້ກ່ຽວກັບຊາວໜຸ່ມ ແລະສິ່ງທ້າທາຍທີ່ຈະເກີດຂຶ້ນກັບຊາວໜຸ່ມ, ຍົກໃຫ້ເຫັນຊາວໜຸ່ມໃນ 10 ປະເທດອາຊຽນທີ່ຈະເດີນທາງໄປ ສປ ຈີນ ໂດຍໄດ້ຜ່ານ ແຂວງຫຼວງນໍ້າທາ, 6 ປະເທດລຸ່ມ ແມ່ນໍ້າຂອງຈະຕ້ອງເອົາແຂວງ ຫຼວງນໍ້າທາເປັນຈຸດສຸມ ແລະໃນຕໍ່ໜ້ານີ້ປະເທດລາວຈະໄດ້ຮັບເປັນ ເຈົ້າພາບຈັດກອງປະຊຸມຊາວໜຸ່ມ 10 ປະເທດອາຊຽນ, ຊຶ່ງມັນເປັນ ສີ່ງທ້າທາຍ ແລະຈໍາເປັນທີ່ຊາວ ໜຸ່ມຈະຕ້ອງໄດ້ເອົາໃຈໃສ່ທາງດ້ານການສຶກສາທີ່ທັນສະໄໝ, ຍົກສູງດ້ານພາສາຕ່າງປະເທດ, ໃນດ້ານພື້ນຖານກໍ່ຄື: ພາສາອັງກິດ, ພາສາຈີນ ແລະພາສາອື່ນໆ, ພ້ອມນີ້ທ່ານຍັງຍົກໃຫ້ເຫັນເຖິງບົດບາດ ຂອງຊາວໜຸ່ມແມ່ນມີສິດເທົ່າທຽມກັນໃນຊີວິດການເປັນຢູ່ ຫຼື ການສຶກສາ, ໃນ 10 ປະເທດອາຊຽນແມ່ນມີຊາວໜຸ່ມກມເຖິງ 60%, 9 ປະເທດອາຊຽນທີ່ຮ້ອງລາວ ວ່າເປັນປະເທດທີ່ມີຊາວໜຸ່ມຫຼາຍທີ່ສຸດ ແລະ ໄດ້ເນັ້ນໜັກໃຫ້ຊາວໜຸ່ມຈົ່ງມີສະຕິ ແລະ ເລືອກເຟັ້ນໃນການນໍາໃຊ້ລະບົບສື່ອ່ອນໄລທີ່ທັນສະໄໝເປັນຕົ້ນການຮັບຮູ້ຂໍ້ມູນຂ່າວສານ, ການສຶກສາໃຫ້ຖືກຕ້ອງ, ສຸມໃສ່ການສຶກສາຮໍ່າຮຽນເອົາຄວາມຮູ້ຄວາມສາມາດມາພັດທະນາຕົນເອງຫຼີກເວັ້ນການມົ່ວສຸມສິ່ງເສບຕິດຕ່າງໆ, ການຫຼິ້ນໂທລະ ສັບ ໂດຍແມ່ນປະເພດເກມທີ່ເຮັດໃຫ້ຊາວໜຸ່ມມັກຮຽນແບບສ້າງປະກົດການຫຍໍ້ທໍ້ໃຫ້ແກ່ສັງຄົມ ແລະບັນຫາອື່ນໆຕື່ມອີກ.

_________

ຂຽນໂດຍ: ກິ່ນນາລົມ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์