ປະກາດບ້ານຫ້ວຍຊໍາອໍ້ເປັນບ້ານສະມັກຄີປອງດອງ

  ບ້ານຫ້ວຍຊໍາອໍ້ ເມືອງ ໄຊຍະບູລີ ແຂວງໄຊຍະບູລີ ໄດ້ຮັບ ຮອງເປັນບ້ານວັດທະນະທໍາ, ບ້ານ ປະຕິບັດການສ້າງຄອບຄົວ ແລະ ບ້ານສາມັກຄີປອງດອງ ໃນວັນທີ 6 ມັງກອນ 2020 ທີ່ຫ້ອງປະຊຸມ ບ້ານຫ້ວຍຊໍາອໍ້ ພາຍໃຕ້ການເປັນ ປະທານຂອງທ່ານ ບຸນແທນ ທີແກ້ວ ເຈົ້າເມືອງໄຊຍະບູລີ, ທ່ານ ນາງ ບົວຈັນ ພັນທະວົງ ຮອງຫົວໜ້າພະ ແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວແຂວງໄຊຍະບູລີ, ມີທ່ານ ບົວຈັນ ວັນພັນ ຮອງປະທານແນວລາວສ້າງຊາດແຂວງ, ມີກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ອົງການ ປົກຄອງບ້ານ, ພ້ອມດ້ວຍພໍ່ແມ່ປະຊາຊົນພາຍໃນບ້ານເຂົ້າຮ່ວມ.

  ທ່ານ ເຢຍ ທໍ່ ເລຂາພັກບ້ານ ນາຍບ້ານໆຫ້ວຍຊໍາອໍ້ໄດ້ຜ່ານບົດສະຫຼຸບລາຍງານການສ້າງບ້ານວັດທະນະທໍາເຊິ່ງທ່ານກ່າວວ່າ:ບ້ານ ຫ້ວຍຊໍາອໍ້ເປັນບ້ານໜື່ງທີ່ຕັ້ງຢູ່ ນອກເທສະບານຫ່າງຈາກຕົວ ເມືອງໄປທາງທິດຕາເວັນອອກ 35 ກິໂລແມັດ ພາຍໃນບ້ານມີ 290 ຄອບຄົວ, ມີພົນລະເມືອງທັງໝົດ 2.048 ກ່ວາຄົນ, ຍິງ 999ກ່ວາ ຄົນ, ມີ 3 ເຜົ່າຄື: ເຜົ່າລາວ, ກຶມມຸ,  ມົ້ງ ອາຊີບຕົ້ນຕໍຂອງປະຊາຊົນ ແມ່ນປູກຝັງ-ລ້ຽງສັດ ຕິດພັນກັບ ການຄ້າຂາຍ ແລະການບໍລິການ ຕ່າງໆ, ພາຍໃນບ້ານມີເນື້ອທີ່ປູກ ເຂົ້າທັງໝົດ 3.900 ເຮັກຕາ ຜົນຜະ ລິດໄດ້ 291,61 ໂຕນ, ສະເລ່ຍໃສ່ ຫົວຄົນໜຶ່ງໄດ້ 402 ກິໂລຕໍ່ຄົນຕໍ່ປີ, ຊຶ່ງການຜະລິດເປັນສິນຄ້າ ເຮັດໃຫ້ແຕ່ລະຄອບຄົວມີລາຍຮັບສູງຂຶ້ນ ສະເລ່ຍ 7,2 ລ້ານກີບຕໍ່ຄົນຕໍ່ປີ ຫຼື ເທົ່າກັບ 904 ກວ່າໂດລາຕໍ່ຄົນຕໍ່ ປີ. ຜ່ານການກວດກາປະເມີນຜົນ ຄອບຄົວທີ່ໄດ້ຕາມມາດຖານສາມາດຮັບຮອງເປັນຄອບຄົວວັດທະນະທໍາ 236 ຄອບຄົວ ເທົ່າກັບ 81% ຂອງຄອບຄົວທັງໝົດ, ກວດ ກາປະເມີນຜົນສາມາດຮັບຮອງ ເປັນຄອບຄົວປະຕິບັດການສ້າງ ຄອບຄົວ ແລະບ້ານສາມັກຄີປອງ ດອງໄດ້ 256 ຄອວຄົວ ເທົ່າກັບ 85% ຂອງຄອບຄົວທັງໝົດ.

 ຫຼັງຈາກນັ້ນ ທ່ານ ຄອນສະຫວັນ ຈັນທະວົງ ຫົວໜ້າຂະແໜງ ວັດທະນະທໍາ ພະແນກຖະແຫຼງ ຂ່າວ, ວັດທະນະທໍາ ແລະທ່ອງທ່ຽວ ແຂວງ ໄດ້ຜ່ານຂໍ້ຕົກລົງຂອງທ່ານ ເຈົ້າແຂວງວ່າດ້ວຍການຮັບຮອງ ເອົາບ້ານຫ້ວຍຊໍາອໍ້ເປັນບ້ານວັດ ທະນະທໍາ ແລະທ່ານ ສົມບັດ ຈະເລີນມີໄຊ ປະທານແນວລາວສ້າງ ຊາດເມືອງ ກໍ່ໄດ້ຜ່ານຂໍ້ຕົກລົງຂອງ ທ່ານເຈົ້າແຂວງ ວ່າດ້ວຍການຮັບຮອງບ້ານປະຕິບັດຂະບວນການສ້າງຄອບຄົວ ແລະບ້ານສາມັກຄີ ປອງດອງ.ທ່ານ ບຸນແທນ ທີແກ້ວ ກໍ່ໄດ້ໃຫ້ກຽດມອບໃບຢັ້ງຢືນບ້ານວັດທະນະທໍາ ແລະບ້ານສາມັກຄີປອງດອງ ໃຫ້ແກ່ບ້ານດັ່ງກ່າວ ແລະພ້ອມທັງໃຫ້ກຽດມີຄໍາເຫັນໂອ້ລົມ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານທີ່ບ້ານຍາດມາໄດ້ຕະຫຼອດໄລຍະທີ່ຜ່ານມາ ແລະ ເນັ້ນໜັກໃຫ້ອົງການປົກຄອງບ້ານ ແລະ ພໍ່ແມ່ປະຊາຊົນພາຍໃນບ້ານ ຈົ່ງພ້ອມກັນປົກປັກຮັກສາຮີດຄອງປະເພນີອັນດີງາມຂອງເຜົ່າ ກໍ່ຄື ບ້ານ ແລະນາມມະຍົດບ້ານວັດທະນະທໍາ,ບ້ານສາມັກຄີປອງດອງໃຫ້ ຍືນຍົງຕະຫຼອດໄປ ພ້ອມກັນສ້າງເສດຖະກິດຄອບຄົວໃຫ້ມີຢູ່ມີກິນ, ຮັ່ງມີເຂັ້ມແຂງດີຂຶ້ນເທື່ອລະກ້າວ ແລະສະກັດກັ້ນປະກົດການຫຍໍ້ທໍ້ ຕ່າງໆທີ່ເກີດຢູ່ພາຍໃນບ້ານໃຫ້ຫຼຸດໜ້ອຍຖອຍລົງ ເຮັດໃຫ້ບ້ານເມືອງ ມີຄວາມສະຫງົບປອດໄພໂດຍພື້ນ ຖານ.ພ້ອມດຽວກັນນີ້ຜູ້ເຂົ້າຮ່ວມໃນພິທີ ກໍ່ໄດ້ຮ່ວມກັນເປີດປ້າຍ ເພື່ອເປັນສີລິມຸງຄຸນໃຫ້ແກ່ການປະກາດຮັບຮອງເປັນວັດທະນະທໍາ ແລະບ້ານສາມັກຄີປອງດອງຢ່າງ ເປັນທາງການ.

ຂ່າວ: ລັດດາວອນ ແກ້ວໄພທູນ 

แชร์