ໂຄສະນາອົບຮົມສາລະວັນເປີດຮຽນກົດລະບຽບພັກໃຫ້ມະຫາຊົນ

  ເມື່ອບໍ່ດົນມານີ້ ໂຄສະນາອົບຮົມແຂວງສາລະວັນ ໄດ້ຈັດພິທີເປີດຮຽນກົດລະບຽບພັກໃຫ້ແກ່ມະຫາຊົນກ້າວໜ້າຈຳນວນ 14 ສະຫາຍ ທີ່ມາຈາກຄະນະພັກຮາກຖານ ແລະໜ່ວຍພັກຮາກຖານຕ່າງ, ໂດຍ ການເປັນປະທານຂອງສະຫາຍ ຈັນສະໝອນ ພົມມະແສງ ຮອງຫົວ ໜ້າຄະນະໂຄສະນາອົບຮົມແຂວງ ສາລະວັນ, ໃຫ້ກຽດເຂົ້າຮ່ວມມີຕ່າງໜ້າຄະນະພັກ ແລະໜ່ວຍພັກ, ພ້ອມດ້ວຍມະຫາຊົນກ້າວໜ້າ.

   ໃນຈຳນວນ 14 ສະຫາຍນີ້ແມ່ນ ມາຈາກຄະນະພັກຮາກຖານພະແນກ ປທສ ແລະໜ່ວຍພັກບໍລິສັດ ອີທີແອວ ຈຳນວນ 6 ສະຫາຍ, ຍິງ 3 ສະຫາຍ, ມາຈາກຄະນະພັກຮາກຖານພະລັງງານ-ບໍ່ແຮ່ ແລະຄະນະໜ່ວຍພັກລັດວິສາຫະກິດໄຟຟ້າ ລາວ ສາຂາແຂວງສາລະວັນ 6 ສະຫາຍ, ຍິງ 2 ສະຫາຍ ແລະມາ ຈາກໜ່ວຍພັກບໍລິສັດລາວໂທລະຄົມ 2 ສະຫາຍ, ຍິງ 2 ສະຫາຍ, ໃນພິທີສະຫາຍ ຈັນສະໝອນ ພົມມະແສງ ໄດ້ຍົກໃຫ້ເຫັນກ່ຽວກັບ ຄວາມໝາຍຄວາມສຳຄັນຂອງສະມາຊິກພັກ, ມາດຖານຂອງສະມາຊິກພັກ ແລະເງື່ອນໄຂຂອງຜູ້ທີ່ຈະເຂົ້າເປັນສະມາຊິກພັກ, ພ້ອມດ້ວຍສິດໜ້າທີ່, ຂໍ້ຫ້າມຕ່າງໆຂອງສະມາຊິກພັກ,ພັກປະຊາຊົນປະຕິວັດ ລາວແມ່ນກອງນຳໜ້າທີ່ມີການ ຈັດຕັ້ງ ແລະແມ່ນການຈັດຕັ້ງການ ເມືອງສູງສຸດຂອງຊົນຊັ້ນກຳມະກອນຊາວຜູ້ອອກແຮງງານ, ເປັນຕົວແທນທີ່ຈົ່ງຮັກພັກດີຢ່າງສະເໜີຕົ້ນສະເໜີປາຍຕໍ່ສິດ ແລະຜົນປະໂຫຍດຂອງຊົນຊັ້ນກຳມະກອນ ຊາວຜູ້ອອກແຮງງານ, ພັກປະຊາຊົນປະຕິວັດລາວໄດ້ຮັບການສ້າງຕັ້ງຂຶ້ນໃນວັນທີ 22 ມີນາ ປີ 1955 ໂດຍການສືບທອດພາລະກິດຂອງ ພັກກອມມຸຍນິດອິນດູຈີນ ເຊິ່ງ ແມ່ນປະທານ ໄກສອນ ພົມວິຫານ ເປັນຫຼັກແຫຼ່ງໃນການນຳພາກໍ່ຕັ້ງ ທະນຸບຳລຸງ, ຝຶກຝົນຫຼໍ່ຫຼອມ ແລະ ກໍ່ສ້າງຕ່າງໆ, ຈາກນັ້ນສະຫາຍ ຈັນ ສະໝອນ ພົມມະແສງ ຍັງໄດ້ຍົກ ໃຫ້ເຫັນກ່ຽວກັບຄວາມໝາຍ, ຄວາມສຳຄັນ ແລະຄວາມເປັນ ມາຂອງທຸງພັກ, ກົດລະບຽບຂອງ ພັກທີ່ມາເປີດຮຽນໃນຄັ້ງນີ້ມີທັງ ໝົດ 14 ໝວດ ແລະ 58 ມາດຕາ, ການເປີດຮຽນກົດລະບຽບໃຫ້ແກ່ມະຫາຊົນກ້າວໜ້າຄັ້ງນີ້ກໍ່ເພື່ອ ເຮັດໃຫ້ເຂົ້າເຈົ້າໄດ້ຮັບຮູ້, ເຂົ້າໃຈ ຢ່າງເລິກເຊີ່ງກ່ຽວກັບພັກ ແລະປະ ຫວັດຄວາມເປັນມາຕ່າງໆຂອງ ພັກ.

 ໃນໂອກາດດຽວກັນ ສະຫາຍ ຈັນສະໝອນ ພົມມະແສງ ໄດ້ໃຫ້ ກຽດຂື້ນມອບໃບຢັ້ງຢືນໃຫ້ມະຫາຊົນກ້າວໜ້າທີ່ໄດ້ຜ່ານການຮຽນກົດລະບຽບຂອງພັກໃນຄັ້ງນີ້, ພ້ອມຮຽກຮ້ອງມະຍັງຜູ້ທີ່ໄດ້ເຂົ້າ ຮຽນກົດລະບຽບພັກຄັ້ງນີ້ຈົ່ງພ້ອມກັນສືບຕໍ່ປະຕິບັດໜ້າທີ່ຂອງຕົນເອງໃຫ້ສຳເຮັດຜົນ ແລະຝຶກຜົນຫຼໍ່ຫຼອມຕົນເອງໃຫ້ມີຄວາມກ້າວໜ້າ ແລະກາຍເປັນສະມາຊິພັກສົມບູນໃຫ້ໄດ້ໃນຕໍ່ໜ້າ.

ຂ່າວ: ສິດຕາ ເພັດວົງສາ

แชร์