ແພງ ຜູ້ໄທເມືອງວັງ ສິລະປິນນັກຮ້ອງໜ້າໃໝ່

   ຍ້ອນຄວາມມັກຮັກໃນວົງການບັນເທີງເພງລາວ ແລະ ຄວາມໄຟຝ່ຝັນທີ່ບໍ່ເຄີຍທໍ້ຂອງໜຸ່ມ ແພງ ຜູ້ໄທເມືອງວັງ ຈົນກາຍມາເປັນສິລະປິນນັກຮ້ອງໜ້າໃໝ່ຄ້າຍເພງ Toeng Studio ທີ່ມາພ້ອມກັບຜົນງານເພງ ເພື່ອຄົນທາງນັ້ນຊຶ່ງເປັນບົດເພງລູກທົ່ງທີ່ສັງຄົມກຳລັງຈັບເບິ່ງໃນປະຈຸບັນ.

   ທ້າວ ແພງຕາ ວົງສະໄໝ ຫຼືແພງ ຜູ້ໄທເມືອງວັງ ເປັນຄົນບ້ານໄຊຍະລາດ ເມືອງວິລະບູລີ ແຂວງສະຫວັນນະເຂດ ພູມຖານລຳເນົາເກີດຈາກຖິ່ນບ້ານນອກຄອກນາເຊື້ອສາຍຊົນເຜົ່າຜູ້ໄທ ກ່ອນຈະມາໄດ້ຜົນງານເພງນີ້ ພາຍຫຼັງໄດ້ຮຽນຈົບຈາກສະຖາບັນຍຸຕິທຳພາກກາງ ແຂວງສະຫວັນນະເຂດ ໄດ້ຕັດສິນໃຈດິ້ນຮົ້ນສູ້ຊົນເຂົ້າມາເຮັດວຽກຢູ່ສຳນັກຂ່າວແຫ່ງໜຶ່ງໃນນະຄອນຫຼວງວຽງຈັນ ຊຶ່ງກໍ່ເປັນອີກຊ່ອງໜຶ່ງໄດ້ເປີດໂອກາດມີປະສົບການຄວາມຮູ້ຫຼາຍຢ່າງແຕ່ກໍ່ຍ້ອນເປັນຄົນມັກຮັກໃນດ້ານສິລະປະການຮ້ອງເພງເລີຍໄດ້ມັກຕິດຕາມອັບເດດຂໍ້ມູນຂ່າວສານໃນວົງການບັນເທີງຈົນໄດ້ມາຮູ້ຈັກຄ້າຍເພງ Toeng Studio ເຈົ້າຂອງຄ້າຍເພງດັ່ງກ່າວເຫັນວ່າມີພອນສະ ຫວັນເລີຍໄດ້ເປີດໂອກາດແຕ່ງຜົນງານເພງໃຫ້ລວມທັງແຈ້ງເກີດທີ່ໄດ້ກ້າວມາເປັນສິລະປິນ.

 ເພງ “ເພື່ອຄົນທາງນັ້ນ” ປະພັນ ແລະຮຽບຮຽງໂດຍໜຸ່ມ ໂຊນ່ານ ແຈັກເກັດ ເຈົ້າຂອງຄ້າຍເພງ Toeng Studio ທັງເປັນນັກແຕ່ງເພງ, ສິລະປິນນັກຮ້ອງ ແລະ ຜູ້ກຳກັບນັກສະແດງເອັມວີຫຼາຍໆເພງທີ່ຊື່ສຽງໃນສັງຄົມເພງດັ່ງກ່າວນີ້ເປັນຈັງຫວະລູກທົ່ງຟັງແລ້ວມ່ວນຈັບໃຈໂດຍມີເນື້ອຫາເວົ້າເຖິງ ແລະເປັນກຳລັງໃຈໃຫ້ຄົນບ້ານ ນອກຄອກນາ, ກຳມະກອນຫຼາຍໆຄົນທີ່ເຂົ້າມາສູ້ຊົນຊອກຫາວຽກເຮັດງານທຳຢູ່ໃນເມືອງເພື່ອສົ່ງລ້ຽງຊີບໃຫ້ພໍ່ແມ່ ແລະຄອບຄົວຢູ່ທາງບ້ານ. 

   ໜຸ່ມ ແພງ ຜູ້ໄທເມືອງວັງ ໃຫ້ຮູ້ວ່າ: ເພງນີ້ເປັນຜົນງານຄັ້ງທຳອິດໃນຊີວິດລວມທັງເປັນການແຈ້ງເກີດທີ່ກ້າວມາເປັນສິລະປິນນັກຮ້ອງໃນວົງການບັນເທີງເພງລາວ ແລະຂໍຟາກໃຫ້ນ້ອງໆທີ່ມີຄວາມໄຝ່ຝັນຢາກເປັນນັກຮ້ອງເຮົາຕ້ອງອົດທົນສູ້ຊົນ, ກ້າສະແດງອອກ ແລະ ສິ່ງນັ້ນຈະເປັນໂຕສ້າງຈຸດແຂງໃຫ້ກັບເຮົາເກີດປະສົບຄວາມສຳ ເລັດທ້າຍນີ້ຂໍຝາກໃຫ້ແຟນເພງທັງຫຼາຍໃນສັງຄົມເປັນກໍາລັງໃຈໃຫ້ນັກຮ້ອງໜ້າໃໝ່ແນ່ເດີ ຊຶ່ງໃນໄວໆນີ້ຈະມີການສະແດງທີ່ປະກອບດ້ວຍເອັມວີທີ່ມາພ້ອມຕື່ມເຕັມຢ່າງມ່ວນຊື່ນແນ່ນອນ ຊຶ່ງສາມາດຕິດຕາມໄດ້ທາງຊ່ອງຢູທູບ: Toeng Studio ຫຼື ເຟສ໌ບຸກສ່ວນໂຕ: ແພງ ຜູ້ໄທເມືອງວັງ.

____________

ໜັງສືພິມເສດຖະກິດ-ສັງຄົມ

แชร์