ນາຍົກ ເຊີນຊວນນັກທຸລະກິດຈີນມາລົງທຶນຢູ່ລາວ

  ເນື່ອງໃນໂອກາດທີ່ທ່ານ ທອງລຸນ ສີສຸລິດ ນາຍົກລັດຖະມົນຕີເຄື່ອນໄຫວຢ້ຽມຢາມສາທາລະນະລັດປະຊາຊົນຈີນຢ່າງເປັນທາງການ, ໃນລະຫວ່າງວັນທີ 5–9 ມັງ ກອນ 2020 ໃນຕອນເຊົ້າວັນທີ 7 ມັງກອນ ທີ່ນະຄອນຫຼວງປັກກິ່ງທ່ານໄດ້ເປັນກຽດເຂົ້າຮ່ວມພ້ອມໂອ້ລົມຕໍ່ກອງປະຊຸມການສົ່ງເສີມການລົງທຶນ ແລະ ພົບປະທຸລະ ກິດລາວ-ຈີນພ້ອມເຊີນຊວນບັນດານັກທຸລະກິດຈີນມາລົງທຶນຢູ່ລາວເພື່ອຜະລິດສິນຄ້າຮອງຮັບທາງດ່ວນ ແລະທາງລົດໄຟລາວ-ຈີນທີ່ຈະສ້າງສຳເລັດ ແລະເປີດໃຊ້ໃນຊຸມປີຕໍ່ໜ້ານີ້.

  ໃນກອງປະຊຸມຫຼັງຈາກກະຊວງກ່ຽວຂ້ອງນຳສະເໜີນະໂຍບາຍການລົງທຶນຂອງລາວ, ທ່ານ ທະນົງສິນ ກັນລະຍາ ຮອງປະທານສະພາການຄ້າ ແລະ ອຸດສາຫະກຳແຫ່ງຊາດ (ສຄອຊ) ກໍໄດ້ຕາງໜ້ານັກທຸລະກິດລາວຂຶ້ນກ່າວລະບຸວ່າ: ປະຈຸບັນລັດຖະບານລາວໄດ້ເອົາໃຈໃສ່ປັບໂຄງລ່າງພື້ນຖານເຊັ່ນເສັ້ນທາງຄົມມະນາຄົມທາງບົກ, ທາງລົດໄຟ, ທາງນໍ້າ ແລະອື່ນໆ ໂດຍສະເພາະແມ່ນ ເສັ້ນທາງລົດໄຟລາວ-ຈີນທີ່ຈະສຳເລັດ ໃນທ້າຍປີ 2021 ນີ້ ຊຶ່ງການລົງ ທຶນຢູ່ລາວແມ່ນສາມາດລົງທຶນໃສ່ຫຼາຍ ຂະແໜງການບໍ່ວ່າຈະເປັນຂະແໜງພະລັງງານ,ກະສິກຳ,ກໍ່ສ້າງ, ທ່ອງງທ່ຽວ, ໂລຈິດຕິກ ແລະອື່ນໆໂດຍບໍ່ພຽງແຕ່ເປັນການເຂົ້າຫາຕະຫຼາຂອງລາວເທົ່ານັ້ນແຕ່ໝາຍເຖິງການເຂົ້າເຖິງຕະຫຼາດອາຊຽນທີ່ມີພົນລະເມືອງຫຼາຍເຖິງ 600 ລ້ານຄົນນຳອີກ.

 ໃນກອງປະຊຸມຄັ້ງນີ້ທ່ານ ທະນົງ ສິນກັນລະຍາ ໄດ້ນຳສະເໜີ 10 ກວ່າໂຄງການທີ່ມີຄວາມສົນໃຈຮ່ວມມືຊອກຄູ່ຮ່ວມທຸລະກິດຕ່າງປະເທດໜຶ່ງໃນນັ້ນກໍແມ່ນໂຄງການພັດທະນາສະຖານທິ່ທ່ອງທ່ຽວທຳມະຊາດສະຫວັນທະເລໝອກພູເບ້ຍແຂວງໄຊສົມບູນຊຶ່ງເປັນພູທີ່ມີຊື່ສຽງ ແລະ ສູງທີ່ສຸດໃນ ສປປ ລາວ ທີ່ຍັງຄົງຄວາມອຸດົມສົມບູນຂອງທຳມະຊາດ ແລະທິວທັດສວຍງາມໂດຍໂຄງການນີ້ຕ້ອງການທຶນພັດທະນາ 500 ລ້ານໂດລາສະຫະລັດ ປະຈຸບັນບໍລິສັດກຸ່ມຄຳໄພຊະນະຈຳກັດຜູ້ດຽວຜູ້ໄດ້ຮັບບູລິມະສິດໄດ້ສຳເລັດການສຶກສາສຳຫຼວດຄັ້ງສຸດທ້າຍກ່ອນຂໍອະນຸມັດພັດທະນາ ແລະໃຫ້ໄດ້ເປິດບໍລິການນັກທ່ອງທ່ອງໃນທ້າຍປີນີ້.

  ແນວໃດກໍດີຫຼັງຈາກນັ້ນທ່ານທອງລຸນສີສຸລິດກໍໄດ້ເປັນກຽດໂອ້ລົມຕໍ່ກອງປະຊຸມກ່ອນອື່ນໝົດທ່ານໄດ້ກ່າວຍ້ອງຍໍຊົມເຊີຍຕໍ່ການຮ່ວມມືລົງທຶນພັດທະນາໃນຂະແໜງຕ່າງໆຂອງນັກທຸລະກິດ 2 ປະເທດອັນໄດ້ປະກອບສ່ວນສຳຄັນໃນການສ້າງວຽກເຮັດງານທຳ, ສ້າງລາຍຮັບຊຶ່ງນຳໄປສູ່ການຫຼຸດພົ້ນອອກຈາກຄວາມທຸກຍາກຂອງປະຊາ ຊົນເທື່ອລະກ້າວພ້ອມດຽວກັນນີ້ທ່ານນາຍົກຍັງໄດ້ກ່າວເຊີນຊວນບັນດານັກທຸລະກິດຈີນເຂົ້າມາລົງທຶນໃນຂະແໜງການຕ່າງໆ ຢູ່ລາວຕື່ມອີກໂດຍເບື້ອງລັດຖະບານຈະ ເອື້ອຍອຳນວຍຄວາມສະດວກໃຫ້.

  ນອກນັ້ນໃນກອງປະຊຸມດັ່ງກ່າວຍັງມີການເຊັນສັນຍາຮ່ວມມືກັນໃນຕໍ່ໜ້າຕື່ມອີກລະຫວ່າງ ສຄອຊ ແລະສະພາທຸລະກິດຈີນ-ອາຊຽນ.

______________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ບໍລິການໂຄສະນາທາງເຟສບຸກ ແລະເວັບໄຊ

ໂທ: 021 313645, 316511

แชร์