ປີຜ່ານມາ ໄຊຍະ ຂຶ້ນທະບຽນພາຫະນະໄດ້ 3.756 ຄັນ

  ຕາມການໃຫ້ຂໍໍ້ມູນຈາກພະແນກໂຍທາທິການ ແລະຂົນສົ່ງແຂວງໄຊຍະບູລີ ໃຫ້ຮູ້ວ່າ: ໃນໄລຍະຜ່ານມາຂະແໜງ ຍທຂ ໄດ້ເອົາໃຈໃສ່ປະຕິບັດໜ້າທີ່ວິຊາສະເພາະຂອງຕົນເອງຮັບຜິດຊອບໄດ້ມີຜົນສໍາເລັດເປັນຢ່າງດີ, ສະແດງອອກໃນໜຶ່ງປີຜ່ານມາສາມາດຂຶ້ນທະບຽນພາຫະນະທາງບົກໄດ້ທັງໝົດ 3.756 ຄັນ ໃນນັ້ນລົດບັນທຸກສິນ ຄ້າ 3,5 ໂຕນຂຶ້ນໄປມີ 214 ຄັນ, ລົດກະບະ 851 ຄັນ, ລົດບັດ (ລົດຕູ້) 26 ຄັນ, ລົດເກງ 71 ຄັນ, ລົດຈັກ 2.561 ຄັນ ແລະລົດຈິບ 33 ຄັນ.

 ພ້ອມດຽວກັນນີ້ບໍລິມາດຂົນສົ່ງສິນຄ້າຕາມແຜນປີແມ່ນ 4,1 ແສນໂຕນ, ໜຶ່ງປີຜ່ານມາປະຕິບັດໄດ້ 3,98 ແສນໂຕນເທົ່າກັບ 97,04% ປະລິມານການຈໍລະຈອນສິນຄ້າແຜນປີ 3,55 ແສນໂຕນ ຕໍ່ກິໂລແມັດ, ປະຕິບັດ 1 ປີໄດ້ 4,33 ແສນ ໂຕນຕໍ່ກິໂລແມັດ ເທົ່າກັບ 121,97% ບໍລິມາດຂົນສົ່ງໂດຍສານແຜນປີ 1,30 ແສນຄົນ, ປະຕິບັດ 1 ປີໄດ້ 1,59 ແສນຄັນ ເທົ່າກັບ 122,90% ບໍລິມາດຈໍລະຈອນຜູ້ໂດຍສານແຜນການປີ 1,45 ແສນຄົນ, ປະຕິບັດ 1 ປີໄດ້ 1,84 ແສນຄົນຕໍ່ກິ ໂລແມັດເທົ່າກັບ128,57%.

  ໃນປະຈຸບັນທົ່ວແຂວງມີຕາໜ່າງເສັ້ນທາງຄົມມະນາຄົມຍາວທັງໝົດ 3.259 ກິໂລແມັດ; ໃນນີ້ທາງຫຼວງແຫ່ງຊາດຍາວ 511 ກິໂລແມັດ ກວມເອົາ 15%, ທາງ ຫຼວງທ້ອງຖິ່ນຍາວ 2.748 ກິໂລແມັດ, ແຍກທາງເບຕົງ 4,13 ກິໂລແມັດ, ປູຢາງຂົ້ວ 84,9 ກິໂລແມັດ, ປູຢາງ 2 ຊັ້ນ 999 ກິໂລແມັດ, ປູຫີນ 1.216 ກິໂລ ແມັດ ແລະປູດິນທໍາມະຊາດ 953 ກິໂລແມັດ.

  ທົ່ວແຂວງໄຊຍະບູລີມີເສັ້ນທາງເຂົ້າເຖິງແລ້ວທຸກໆບ້ານ ແລະສາມາດທຽວໄດ້ສອງລະດູມີ 376 ບ້ານ ກວມເອົາ86,84%, ທຽວໄດ້ລະດູດຽວ 57 ບ້ານ ກວມເອົາ 13,16%, ມີຂົວທັງໝົດ 153 ແຫ່ງ ໃນນັ້ນຂົວເບຕົງ 36 ແຫ່ງ, ຂົວເຫຼັກ 11 ແຫ່ງ, ດາໂລ 45 ແຫ່ງ, ຂົວນໍ້າລົ້ນ 61 ແຫ່ງ ແລະທໍກົມຂະໜາດຕ່າງໆ 4.413 ແຫ່ງ.

_____________

ຂຽນໂດຍ: ບຸນທີ    
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ບໍລິການໂຄສະນາທາງເຟສບຸກ ແລະເວັບໄຊ

ໂທ: 021 313645, 316511

แชร์