ບົວລະພາ ປະດັບຫຼຽນໄຊໃຫ້ບຸກຄົນທີ່ມີຜົນງານດີເດັ່ນ

  ໃນທີ 3 ມັງກອນຜ່ານມາທີ່ສະໂມສອນເມືອງບົວລະພາ ໄດ້ຈັດພິທີປະດັບຫຼຽນໄຊແຮງງານ ເເລະມອບໃບຍ້ອງຍໍລັດຖະບານໃຫ້ກັບກົມກອງລວມໜູ່ ແລະບຸກຄົນທີ່ມີຜົນງານດີເດັ່ນໂດຍພາຍໃຕ້ການເປັນປະທານຂອງທ່ານ ແກ້ວອຸດອນ ບຸດສິງ ຂອນເຈົ້າເມືອງບົວລະພາ,ມີບັນດາຄະນະປະຈຳພັກເມືອງ,ຄະນະພັກເມືອງຫົວໜ້າ, ຮອງຫົວໜ້າພະນັກງານຄູອາຈານເຂົ້າຮ່ວມ.

  ໃນພິທີ ທ່ານນາງ ແວວຄຳ ຂຽວລືເດດ ຮອງຫົວໜ້າຫ້ອງການພາຍໃນເມືອງກໍ່ໄດ້ຂຶ້ນຜ່ານຂໍ້ຕົກລົງຂອງທ່ານເຈົ້າແຂວງໆຄຳມ່ວນ ເລກທີ 2011/ຈຂ/ຄມ ວ່າດ້ວຍການຍ້ອງຍໍສັນລະເສີນກົມກອງໜູ່ລວມ ແລະບຸກຄົນທີ່ມີຜົນງານປະກອບສ່ວນເຫື່ອແຮງສະຕິປັນຍາເຂົ້າໃນວຽກງານສຶກສານອກໂຮງຮຽນ, ບໍລິຫານສິດສອນຊຸກຍູ້ປຸກລະດົມຄຸ້ມຄອງໂຮງຮຽນໃນຂະບວນການຈັດຕັ້ງການຮຽນ-ການສອນຈົບຊັ້ນມັດທະຍົມຕົ້ນບໍາລຸງໃນ 10 ຕົວເມືອງທົ່ວແຂວງຄຳມ່ວນໃນໄລຍະ 9 ປີຜ່ານມາແຕ່ປີ 20 10-2019.

  ໂອກາດດັ່ງກ່າວທ່ານ  ແກ້ວອຸດອນ ບຸດສິງຂອນ ເຈົ້າເມືອງບົວລະພາ ກໍ່ໄດ້ໃຫ້ກຽດຂຶ້ນປະດັບຫຼຽນແລະມອບໃບຍ້ອງຍໍລັດຖະບານໃຫ້ກັບກົມກອງລວມໜູ່ ແລະບຸກ ຄົນດີເດັ່ນປະກອບສ່ວນເຫື່ອເຂົ້າໃນຂະບວນການດັ່ງກ່າວໃນນັ້ນປະກອບມີຫຼຽນໄຊແຮງງານຊັ້ນ 1ໃຫ້ຈຳນວນ 2ທ່ານ ແລະຫຼຽນໄຊແຮງງານຊັ້ນ 3 ມີ 2 ທ່ານ ຫຼຽນກາແຮງງານ 3 ທ່ານ ແລະມອບໃບຍ້ອງຍໍລັດຖະບານ 5 ທ່ານ.

_____________

ຂຽນໂດຍ: ບຸນປະພາດ    
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์