ກັກຕົວເປົ້າໝາຍພ້ອມຂອງກາງຢາບ້າ

  ເມື່ອບໍ່ດົນມານີ້ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະຕ້ານຢາເສບຕິດ ປກສ ແຂວງໄຊຍະບູລີ ໄດ້ຮັບແຫຼ່ງຂ່າວຈາກພົນລະເມືອງດີວ່າມີບຸກຄົນບໍ່ດີມີການພົວພັນຄ້າ-ຂາຍຢາເສບຕິດຢູ່ໃນເທສະບານເມືອງໄຊຍະບູລີ ຈຶ່ງໄດ້ນໍາໜ່ວຍງານວິຊາສະເພາະລົງເຄື່ອນໄຫວຕິດຕາມ ແລະພົບເຫັນເປົ້າໝາຍຈຶ່ງໄດ້ເຂົ້າກັກຕົວນາງ ໄພ ອາ ຊິບ ປະຊາຊົນຢູ່ບ້ານນໍ້າຕວນ ເມືອງໄຊຍະບູລີ ແຂວງໄຊຍະບູລີ ພ້ອມທັງປະສານສົມທົບອົງການຈັດຕັ້ງທີ່ກ່ຽວຂ້ອງ ແລະອໍານາດການປົກຄອງບ້ານນໍ້າຕວນເຂົ້າກວດເຄຫະສະຖານ ( ເຮືອນ ) ຈຶ່ງໄດ້ພົບເຫັນຂອງກາງຢາເສບຕິດປະເພດ ( ຢາບ້າ ) ຈໍານວນ 73 ເມັດ, ລົດຈັກ 1 ຄັນ, ໂທລະສັບ 2 ເຄື່ອງ, ເງີນກີບ 4 ແສນກີບ, ຕ້າງຫູຂ້າຍຄືຄໍາ 1 ຄູ່ແລະປຶ້ມສໍາມະ ໂນຄົວ 1 ຫົວ.

  ຈາກນັ້ນທາງເຈົ້າໜ້າທີ່ຈຶ່ງໄດ້ນໍາຕົວມາສຶບສວນ-ສອບສວນສາມາດຂະຫຍາຍຜົນຫາກຸ່ມແກ້ງທີ່ຮ່ວມຂະບວນການດຽວກັນຄື: ທ້າວຄໍາຫຼ້າ ອາຍຸ 45 ປີ ປະຊາຊົນບ້ານສີເມືອງ ເມືອງໄຊຍະບູລີ ແຂວງໄຊະຍູລີ ພ້ອມຂອງກາງຢາເສບຕິດປະເພດ( ຢາບ້າ ) ຈໍານວນ 200 ເມັດ, ຢາຟິ່ນ 1 ກ້ອນນ້ອຍ, ນໍ້າໜັກ 3,5 ກຣາມ, ລົດຈັດ 1 ຄັນບໍ່ມີໝາຍເລກທະບຽນ ແລະໂທລະສັບ2 ເຄື່ອງມາດໍາເນິນຄະດີຕາມລະບຽບກົດໝາຍ.

_____________

ຂຽນໂດຍ:  ແສງທອງ ທອງສະໄໝ      
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์