ສາທິດການປູກເຂົ້າດ້ວຍກົນຈັກ ໃຫ້ປະຊາຊົນບ້ານໝາກນາວ

  ພະແນກກະສິກຳ ແລະປ່າໄມ້ນະ ຄອນຫຼວງວຽງຈັນ ຮ່ວມກັບບໍລິສັດອິນຊີທອງມໍເຕີຂາອອກ-ຂາເຂົ້າຈຳ ກັດຜູ້ດຽວແລະຫ້ອງການກະສິກຳ ແລະປ່າໄມ້ເມືອງປາກງື່ມ ໄດ້ສາທິດການນໍາໃຊ້ກົນຈັກເຂົ້າໃນການປູກເຂົ້າໃຫ້ແກ່ຊາວກະສິກອນບ້ານໝາກນາວຕາມທິດຫັນເປັນທັນສະໄໝ ແລະຫຼຸດຜ່ອນແຮງງານຊາວນາ.

  ກິດຈະກຳດັ່ງກ່າວຈັດຂຶ້ນວັນທີ 7 ມັງກອນ 2020 ຢູ່ບ້ານໝາກນາວ ເມືອງປາກງື່ມ ນະຄອນຫຼວງວຽງຈັນ ໂດຍມີທ່ານ ຫວາດສະໜາ ສີຈະເລີນ ຮອງຫົວໜ້ພະແນກກະສິກຳ ແລະປ່າໄມ້ ນະຄອນຫຼວງວຽງຈັນ,ທ່ານ ຄຳແສນ ສົມພານດີ ຮອງຫົວໜ້າຫ້ອງການກະສິກໍາ ແລະປ່າໄມ້ເມືອງປາກງື່ມພ້ອມດ້ວຍຕາງໜ້າຈາກພາກສ່ວນກ່ຽວຂ້ອງ, ອໍານາດການປົກຄອງບ້ານ ແລະຊາວກະສິກອນເຂົ້າຮ່ວມ.

 ໂຄງການປູກເຂົ້າເປັນສິນຄ້າຕາມທິດເປັນອຸດສາຫະກຳທັນສະໄໝ ແລະຫຼຸດຜ່ອນແຮງງານຊາວກະສິກອນເລີ່ມຈັດຕັ້ງປະຕິບັດແຕ່ 2012 ເປັນຕົ້ນມາຢູ່ເຂດໂຄງການຊົນລະປະທານບ່ອນທີ່ມີເງື່ອນໄຂເໝາະສົມມີ 3 ຮູບແບບຄື: ຊຸກຍູ້ປະກອບການລົງທຶນສ້າງຈຸດບໍລິການກົນຈັກກະສິກຳ, ຊຸກຍູ້ຊາວກະສິກອນຕັ້ງເປັນກຸມຜະລິດນຳໃຊ້ ກົນຈັກພາຍໃນກຸ່ມ ແລະຊຸກຍູ້ຊາວກະສິ ກອນທີ່ມີເງື່ອນໄຂຊື້ກົນຈັກມານຳໃຊ້ ພາຍໃນຟາມຂອງຕົນ ແລະບໍລິການໃນ ບ້ານໃນປີ 2019 ພະແນກກະສິກຳ ແລະປ່າໄມ້ ນວ ໄດ້ຊຸກຍູ້ການປູກເຂົ້າໄດ້ 66,2 ພັນເຮັກຕາ ຜົນຜະລິດ 283.174 ໂຕນ ໃນນີ້ນາແຊງ 66.706 ໂຕນ,ນາປີ 216.468 ໂຕນ ເຊິ່ງເນື້ອທີ່ຖືກຜົນກະທົບຈາກໄພນ້ຳຖ້ວມ ແລະແຫ້ງແລ້ງ 2.366 ເຮັກຕາ ເພື່ອເປັນການຟື້ນຟູການຜະລິດ ແລະສະໜອງຜົນຜະລິດໃຫ້ໄດ້ ຕາມແຜນການ ໂດຍສະເພາະການຜະລິດເຂົ້າໃນປີ 2020 ພະແນກກະສິກຳ ແລະປ່າໄມ້ໄດ້ກຳນົດຕົວເລກຄາດໝາຍສູ້ຊົນໃຫ້ໄດ້ 66.380 ເຮັກຕາ, ຄາດຄະເນຜົນຜະລິດ 301.984 ໂຕນ ສຳລັບນາແຊງວາງແຜນແຜນໃຫ້ໄດ້ 14.300 ເຮັກຕາ,ຄາດຄະເນາຜົນຜະລິດ 75.123 ໂຕນໃນນັ້ນເມືອງປາກງື່ມມີແຜນປູກເຂົ້ານາແຊງ 2.019 ເຮັດຕາຄາດຄະເນຜົນຜະລິດ9.823 ໂຕນ.

  ສະເພາະການຊຸກຍູ້ໂຄງການປູກເພື່ອປົດປ່ອຍແຮງງານຄົນໃຫ້ໄດ້ 10% ເຂົ້າໃນການຜະລິດສາມາດດຳນາກົນຈັກໄດ້ 701 ເຮັກຕາ, ນາຫວ່ານ 31.386 ເຮັກ ຕາ ໃນນັ້ນເກັບກ່ຽວດ້ວຍກົນຈັກ 11.450 ເຮັກຕາ ສາມາດຫຼຸດຜ່ອນແຮງງານໄດ້ 11.458 ຄົນ ທຽບໃສ່ແຜນການ (8.103 ຄົນ) ເທົ່າກັບ 141% ເຊິ່ງທົ່ວນະຄອນຫຼວງວຽງຈັນ ໄດ້ຈັດຕັ້ງປະຕິບັດໃນ 4 ເມືອງຄື: ເມືອງຫາດຊາຍຟອງ, ໄຊເສດຖາ, ໄຊທານີ ປາກງື່ມ ແລະເມືອງໄຊທານີ ເນື້ອທີ່ 594 ເຮັກຕາ ຄາດຄະເນຜົນຜະ ລິດ 2.889 ໂຕນ.

____________

ຂຽນໂດຍ: ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์