ຖວທ ຊຸກຍູ້ວຽກງານສື່ມວນຊົນຢູ່ ໄຊສົມບູນ

  ຫົວໜ້າກົມແຜນການ-ການເງິນກະຊວງຖະແຫຼງຂ່າວວັດທະນະທໍາ ແລະທ່ອງທ່ຽວ (ຖວທ) ພ້ອມດ້ວຍທີມງານຈາກກົມສື່ມວນຊົນ, ກົມກວດກາລົງເຄື່ອນໄຫວເກັບກຳຂໍ້ມູນເພື່ອຕິດຕາມກວດກາ ແລະ ປະເມີນຜົນການຈັດຕັ້ງປະຕິບັດໂຄງການຂະຫຍາຍໂທລະໂຄ່ງທີ່ແຂວງໄຊສົມບູນ ແລະ ໄດ້ຈັດກອງປະຊຸມປຶກສາຫາລືຮ່ວມກັບພະແນກ ຖວທ ແຂວງໃນວັນທີ 6 ມັງກອນ 2020 ທີ່ແຂວງດັ່ງກ່າວ, ໂດຍເປັນປະທານຮ່ວມຂອງທ່ານ ນາງ ແພງຈັນ ແພງເມືອງ ຫົວໜ້າກົມແຜນການ-ການເງິນກະຊວງ ຖວທ ແລະທ່ານ ທົງສະຫວັນ ໂພສະລາດ ຮອງຫົວໜ້າພະແນກ ຖວທ ແຂວງ, ພ້ອມດ້ວຍພະນັກງານ-ລັດຖະກອນພາຍໃນພະແນກ ຖວທ ແຂວງເຂົ້າ ຮ່ວມ.

  ທ່ານ ສົມດາວີ ຄຳເມືອງຄູນ ຮອງຫົວໜ້າພະແນກ ຖວທ ແຂວງໄຊສົມບູນ, ຜູ້ຊີ້ນຳວຽກງານສື່ມວນຊົນລາຍງານວ່າ: ໃນເມື່ອກ່ອນແຂວງໄຊສົມບູນມີທັງໝົດ 96 ບ້ານ, ມີໂທລະໂຄ່ງ 35 ບ້ານ, ໃນ 5 ປີຜ່ານມາ ສາມາດຂະຫຍາຍຕາໜ່າງໂທລະໂຄ່ງໄດ້ 42 ບ້ານ, ມາໃນປີ 2016 ໄດ້ຍຸບບ້ານຈໍານວນໜຶ່ງແລ້ວໂຮມເຂົ້າກັນເປັນ 89 ບ້ານ, ໃນປີ 2019 ສາມາດຂະຫຍາຍຕາໜ່າງໂທລະໂຄ່ງໄດ້ 6 ຊຸດ, ໄດ້ປະກອບໃຫ້ຈໍານວນ 6 ບ້ານ ພາຍໃນ 5 ເມືອງ, ພ້ອມດຽວກັນນີ້ທາງທີມງານຈາກກະ ຊວງ ແລະການນຳຂອງພະແນກໄດ້ມີການປຶກສາຫາລືປະກອບຄໍາຄິດເຫັນເພື່ອເຮັດໃຫ້ວຽກງານ ຖວທ ໄດ້ຮັບການພັດທະນາຢ່າງຕໍ່ເນື່ອງ.

 ການລົງເຄື່ອນໄຫວວຽກງານຂອງຫົວໜ້າກົມແຜນການ-ການເງິນກະຊວງ ຖວທ ຄັ້ງນີ້ກໍ່ເພື່ອເປັນການປຶກສາຫາລືຕີລາຄາການເຄື່ອນໄຫວວຽກງານ ຖວທ ຢູ່ແຂວງໄຊສົມບູນ ພ້ອມທັງເກັບກຳຂໍ້ມູນກ່ຽວ ກັບການຈັດຕັ້ງປະຕິບັດການຂະຫຍາຍຕາໜ່າງລະບົບໂທລະໂຄ່ງພາຍໃນແຂວງໄຊສົມບູນ,ຄຽງຄູ່ກັນນັ້ນກໍ່ເພື່ອເກັບກຳຂໍ້ມູນການປະຕິບັດວຽກງານໂຄງການລົງທຶນຂອງລັດ ແລະຂໍ້ມູນສຳລັບການວາງແຜນພັດທະນາວຽກງານ ຖວທ ໃນຕໍ່ໜ້າໂດຍສະເພາະວຽກງານຂະຫຍາຍຕາ ໜ່າງໂທລະໂຄ່ງໃຫ້ທົ່ວເຖິງຮາກຖານບ້ານທີ່ຫ່າງໄກ ແລະຍັງມີຄວາມຫຍຸ້ງຍາກໃຫ້ໄດ້ຮັບຂໍ້ມູນຂ່າວສານຢ່າງວ່ອງໄວ ແລະທັນເຫດການ.

____________

ຂຽນໂດຍ: ນໍ້າເໝີຍ  
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์