ຊເວຈີອູ ໄວ 44 ປີ ນາງເອກລຸ້ນໃຫຍ່ ໃນຕໍານາມຖືພາແລ້ວ

  ເປັນເລື່ອງທີ່ໜ້າຍິນດີຄືຊຸບ ເປີສຕາຣ ສ.ເກົາຫຼີ ຊເວຈີອູ ໄວ 44 ປີ ນາງເອກລຸ້ນໃຫຍ່ໃນຕໍາ ນາມທີ່ຫຼາຍຄົນຮູ້ຈັກກັນດີຈາກຮູບເງົາເລື່ອງ Winter Love Song  ເພງຮັກໃນສາຍລົມໜາວ (2002), ຝາກຮັກໄວ້ທີປາຍຟ້າ (2003) ຫຼັງຈາກເຂົ້າວິວາສາຍຟ້າແລບ ເມື່ອວັນທີ 29 ມີນາ 2018 ກັບໜຸ່ມນອກວົງການທີ່ຄົບຫາເບິ່ງ ໃຈກັນມາປະມານ 1 ປີ ຊຶ່ງບໍ່ເຄີຍ ເປີດເຜີຍໜ້າຕາ ແລະຊື່ສຽງຮຽງ ນາມມີຂໍ້ມູນພຽງແຕ່ວ່າເຮັດວຽກໃນຂະແໜງອຸດສາຫະກໍາດ້ານໄອທີ ເວລາຜ່ານມາເກືອບ 2 ປີ ໃນທີ່ສຸດ ຊເວຈີອູກໍມີຂ່າວດີມາໃຫ້ແຟນໆ ໄດ້ດີໃຈກັນ.

  ຜູ້ຈັດການຊເວຈີອູຢ່າງ YGEntertainment ໄດ້ຈັດຖະແຫຼ່ງ ຂ່າວກ່ຽວກັບຂ່າວດີຂອງຊເວຈີອູວ່າ: ຊເວຈີອູ ກໍາລັງຖືພາລູກ ຄົນທໍາອິດ ຊຶ່ງມີກຳນົດເກີດໃນ ຊ່ວງປະມານເດືອນພຶດສະພາ 2020 ຊເວຈີອູ ຮູ້ສຶກຂອບໃຈ ຂອງຂວັນທີສະຫວັນປະທານສົ່ງມາໃຫ້ຕອນຢູ່ໃນຊ່ວງເບິ່ງແຍງ ສຸຂະພາບຕົນເອງ ຊຶ່ງສຸຂະພາບ ຂອງນາງແຂງແຮງດີມີຄວາມສຸກກັບການເປັນແມ່ຄົນຕັ້ງໃຈຈະເປັນເມຍ ແລະເປັນແມ່ທີ່ດີຂອງຄອບ ຄົວແຕ່ຍັງບໍ່ຖີ້ມວຽກງານໃນວົງ ການບັນເທີງໄປໃສ່ເພາະວາງແຜນ ວ່າຈະເຮັດວຽກງານໃນຖານະນັກສະແດງຕໍ່ໄປ.

ຮຽບຮຽງໂດຍ: ຟ້າ

แชร์