ປະກວດສິລະປະ-ວັນນະຄະດີຂັ້ນໂຮງຮຽນທົ່ວເມືອງບົວລະພາ

  ງານປະກວດສິລະປະ-ວັນນະຄະດີຂັ້ນໂຮງຮຽນທົ່ວເມືອງບົວລະພາໄດ້ຈັດຂຶ້ນເມື່ອບໍ່ດົນມານີ້ຊຶ່ງໄດ້ຈັດຂຶ້ນເປັນ 4 ຈຸດ ມສ ຫຼັງຄັງ ,ມສ ສະອ້າງ, ມສ ກະເຕາະ ແລະ ມສ ບົວລະພາພາຍໃຕ້ການເປັນປະທານຂອງທ່ານ ບຸນປອນ ສີປະເສີດ ເລຂາຄະນະບໍລິຫານງານຊາວໜຸ່ມເມືອງບົວລະພາ, ມີບັນດາຄະນະກໍ່ສ້າງຮາກຖານການເມືອງທັງ 4 ກຸ້ມບ້ານມີບັນດາຫ້ອງການອ້ອມຂ້າງເມືອງ, ບ້ານ ແລະນາຍບ້ານ ແລະຄູ-ອາຈານ, ນ້ອງນ້ອຍນັກຮຽນເຂົ້າຮ່ວມ.

  ໃນການປະກວດສິລະປະຄັ້ງນີ້ປະກອບມີ 18 ໂຮງຮຽນ, ມີບົດຂັບລໍາ, ຮ້ອງເພງ 21 ບົດ, ຟ້ອນມີ 23 ບົດຟ້ອນການປະກວດສິລະປະຄັ້ງນີ້ກໍ່ເພື່ອຄັດເລືອກເອົາບົດທີ່ເດັ່ນໄປຮ່ວມງານພົບປະຕັ້ງຄ້າຍເຍົາວະຊົນ ແລະຮັບໃຊ້ກອງປະຊຸມໃຫຍ່ຄັ້ງທີ XI ຂອງອົງຄະນະພັກເມືອງບົວລະພາທີ່ຈະໄຂຂຶ້ນໃນມໍ່ໆນີ້ ແລະກໍ່ເພື່ອສ້າງໃຫ້ເຍົາວະ ຊົນຊາວໜຸ່ມມີຄວາມຮູ້ ຄວາມສາມາດ, ມີຄວາມສາມັກຄີຊ່ວຍເຫຼືອເຊິ່ງກັນ ແລະກັນ,ເປັນເຈົ້າການອະນຸລັກຮັກສາວັດທະນະທຳ ແລະສິລະປະອັນດີງາມຂອງຊາດລາວເຮົາມີແນວຄິດປະດິດສ້າງເພື່ອເປັນແບບຢ່າງໃຫ້ ແກ່ມະຫາຊົນຫ່າງໄກປະກົດການຫຍໍ້ທໍ້ຕ່າງໆ ຮັກສາໄວ້ມູນເຊື້ອ 3 ດີ 4 ຮູ້ 6 ຮັກ 3 ຊັງ ຂອງເຍົາວະຊົນເພື່ອເປັນເດັກດີຂອງຊາດເປັນພົນລະເມືອງດີຂອງສັງຄົມເປັນຜູ້ສືບທອດທີ່ດີໃນອະນາຄົດ ແລະເພື່ອເປັນການສົ່ງເສີມສິລະປະວັດ ທະນະທຳມູນເຊື້ອອັນດີງາມຂອງຊາດ.

------------

ໜັງສືພິມເສດຖະກິດ-ສັງຄົມ

แชร์