ເມືອງສີສັດຕະນາກ ແຂ່ງຂັນກີລາ ແລະສິລະປະ

   ຫ້ອງການສຶກສາທິການ ແລະກີລາເມືອງສີສັດຕະນາກ ໄດ້ຈັດພິທີແຂ່ງຂັນສິລະປະ ແລະສະຫຼຸບກີລານັກຮຽນສາມັນທົ່ວເມືອງປະຈໍາສົກຮຽນ 2019-2020 ເມື່ອວັນທີ 3 ມັງກອນ ຜ່ານມາທີ່ໂຮງຮຽນ ມ.ປາຍສີສັດຕະນາກເປັນກຽດເຂົ້າຮ່ວມທ່ານ ດາວັນ ທັນນະວົງສາ ຮອງເຈົ້າເມືອງສີສັດຕະນາກ,ທ່ານ ຄໍາສິງ ດວງດາລາ ຫົວ ໜ້າຫ້ອງການສຶກສາທິການ ແລະກີລາເມືອງສີສັດຕະນາກ, ພອມດ້ວຍຮອງຫົວໜ້າຫ້ອງການອ້ອມຂ້າງ, ຜູ້ອໍານວຍການໂຮງຮຽນ, ຄະນະກໍາມະການ, ພະນັກງານຄູ-ອາຈານເຂົ້າຮ່ວມ.

 ສໍາລັບການແຂ່ງຂັນກີລາທົ່ວເມືອງຄັ້ງນີ້ຊຶ່ງມີຊັ້ນປະຖົມ ແລະອະນຸບານ, ພາກສ່ວນມັດທະຍົມແມ່ນໄດ້ຮ່ວມຄັດເລືອກເອົາທີມຊະນະເລີດລະດັບຂັ້ນເມືອງໂດຍເລີ່ມແຕ່ວັນທີ 6-28 ພະຈິກ 2019 ໂດຍມີ 5 ປະເພດກີລາຄື: ກີລາບານເຕະ,ກະຕໍ້ຫວາຍ, ບານສົ່ງ ແລະເປຕັງຈົນມາຮອດວັນທີ 3 ມັງກອນ 2020 ຈຶ່ງໄດ້ສະຫຼຸບພ້ອມຈັດກິດຈະກຳການແຂ່ງຂັນ ສິລະປະ-ວັນນະຄະດີຜ່ານການ ແຂ່ງຂັນໂຮງຮຽນທີ່ໄດ້ອັນດັບທີ 1 ປະເພດກີລາບານເຕະແມ່ນໂຮງ ຮຽນກຽດຕິສັກຄວ້າ 3 ລາງວັນ (ຊັ້ນອະນຸບານ, ຊັ້ນປະຖົມ ແລະ ຊັ້ນ ມຕ), ໂຮງຮຽນປັນຍາທິບ, ມຕ ຈອມເພັດ, ມປ ສີສັດຕະນາກ;ປະເພດກີລາກະຕໍ້ແມ່ນໂຮງຮຽນ ໄຊສະຖານ, ມຕ ສວນມອນ, ມຕ ຈອມເພັດ, ມປ ສີສັດຕະນາກ; ສ່ວນປະເພດກີລາບານສົ່ງແມ່ນ ມຕ ແສງດາຣາ, ມຕ ທາດຂາວ, ມປ ສີສັດຕະນາກ, ມປ ເພຍວັດ ແລະປະເພດກີລາເປຕັງແມ່ນໂຮງ ຮຽນ ມຕ ສະຖາພອນ ແລະ ມປ ຈັນທະວີພອນ; ອັນດັບທີ 1 ກີລາ ປະເພດແລ່ນ 30 ແມັດ ແມ່ນໂຮງຮຽນອະນຸບານສີວັດທະນາ, ໂຮງຮຽນອະນຸບານສະຖາພອນ ,ປະເພດແລ່ນ 50 ແມັດ ແມ່ນໂຮງຮຽນອະນຸບານນິຣະດາຈອມເພັດ,ໂຮງຮຽນອະນຸບານປັນຍາທິບ, ປະເພດແລ່ນ 60 ແມັດ ແມ່ນໂຮງຮຽນປະຖົມຈອມເພັດ, ໂຮງ ຮຽນໄຊມຸງຄຸນ, ປະເພດແລ່ນ 100  ແມັດ ຍິງ-ຊາຍແມ່ນໂຮງຮຽນປະຖົມໄຊມຸງຄຸນ.

 ສ່ວນຜົນການແຂ່ງຂັນສິລະປະ ແລະວັນນະຄະດີອັນດັບທີ 1 ລາຍການຮ້ອງເພງແມ່ນໂຮງຮຽນນິລະດາຈອມເພັດ,ໂຮງຮຽນປະຖົມສ້າງເຫວີຍ, ມຕ ສະຖາພອນ, ມປ ສີສັດຕະນາກ; ອັນດັບທີ 1 ລາຍການຟ້ອນແມ່ນໂຮງຮຽນສະຖາພອນ, ໂຮງຮຽນທົ່ງກາງ, ມຕ ແສງສະໃໝ, ມປ ເພຍວັດ; ອັນດັບທີ 1 ລາຍການຂັບລໍາແມ່ນໂຮງ ຮຽນອະນຸບານສະຖາພອນ, ໂຮງຮຽນສີວັດທະນາ, ມຕ ໄຊມຸງຄຸນ ແລະ ມປ ສີສັດຕະນາກ.

_____________

ຂຽນໂດຍ:  ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์