ສາວງາມໄຊສົມບູນຄວ້າຕຳແໜ່ງມິສມົ້ງລາວ 2020

 ການປະກວດນາງສາວເຜົ່າມົ້ງລາວປະຈຳປີ 2020 ແມ່ນໄດ້ສຳເລັດລົງດ້ວຍດີໃນວາລະມື້ສຸດທ້າຍໃນງານເທສະການບຸນກິນຈຽງຊົນເຜົ່າມົ້ງລາວຖືວ່າເປັນເວທີປະກວດໜຶ່ງທີ່ຍິ່ງໃຫຍ່ໄດ້ຄັດເລືອກຮ່ວມເອົານາງສາວເຜົ່າມົ້ງໃນທົ່ວປະເທດມາປະກວດໃນເວທີ່ດັ່ງກ່າວຜົນການປະກວດປີນີ້ສາວງາມເຜົ່າມົ້ງທີ່ຄວ້າລາງວັນຊະນະເລີດແມ່ນ ນາງ ປ່າກູ້ລີ ເຍ່ຍຈາ ໝາຍເລກ M10 ມາຈາກແຂວງໄຊສົມບູນ.

  ຮອບຕັດສິນໄດ້ຈັດຂຶ້ນຄໍ່າຄືນໃນວັນທີ 3 ມັງກອນ 2020 ທີ່ສະໜາມກີລາພື້ນເມືອງລາວສໍາພັນນາໆຊາດບ້ານຊຳເກດເມືອງສີໂຄດຕະບອງ ນະຄອນຫຼວງວຽງຈັນ ເປັນກຽດເຂົ້າຮ່ວມໂດຍທ່ານນາງ ພູວຽງ ແກ້ວວົງວິຈິດ ເຈົ້າເມືອງສີໂຄດຕະບອງ, ທ່ານ ທອງວິໄລ ລິດທິເດດ ປະທານຈັດງານບຸນກິນຈຽງຊົນເຜົ່າມົ້ງ, ທ່ານ ໂຊກໄຊ ມົ້ງຊົ້ງ ຄະນະຈັດງານບຸນກິນຈຽງຊົນເຜົ່າມົ້ງ, ທ່ານ ວາກີລີ ວົງໄຊ ຄະນະຈັດງານບຸນກິນຈຽງຊົນເຜົ່າບັນດາຜູ້ໃຫ້ການສະໜັບສະໜູນ ແລະແຂກພາກສ່ວນກ່ຽວຂ້ອງເຂົ້າຮ່ວມ.

  ໂຄງການປະກວດສາງເຜົ່າມົ້ງລາວ 2020 ຖືວ່າເປັນຄັ້ງທີ 4 ທີ່ໄດ້ຮ່ວມຈັດງານເປັນກິດຈະກຳທີ່ໜ້າສົນໃຈຂອງງານເທດສະການບຸນກິນຈຽງເຜົ່າມົ້ງລາວຊຶ່ງເປັນເວ ທີປະກວດທີ່ມີຄວາມໝາຍຄວາມສຳຄັນທີ່ສ່ອງແສງເຖິງຮີດ ຄອງປະເພນີ, ວັດທະນະທຳອັນດີງາມ ຂອງຊົນເຜົ່າໃນລາວ ໂດຍສະເພາະແມ່ນໄດ້ຄັດເລືອກເອົານາງສາວເຜົ່າມົ້ງໃນ ທົ່ວປະເທດມາຮ່ວມກັນແຂ່ງຂັນທາງ ດ້ານຄວາມຮູ້ຄວາມສາມາດ,ຄວາມ ງາມ ແລະກິລິຍາມາລະຍາດ ເພື່ອໄປ ຮັບໃຊ້ໃນວຽກງານສັງຄົມຜ່ານການແຂ່ງຂັນ

ສາວງາມທີ່ຄວ້າຕຳແໜ່ງປະ ຈຳປີ 2020 ແມ່ນມາຈາກແຂວງໄຊສົມ ບູນຄື: ນາງ ປ່າກູ້ລີ ເຍ່ຍຈາ ໝາຍເລກ M10 ພ້ອມໄດ້ຄອງມົງກຸດສາວມົ້ງລາວຈາກຮ້ານຄຳພູວົງ ມູນຄ່າ 50 ລ້ານກີບ ແລະເງິນລາງວັນ 15 ລ້ານກີບ, ອັນ ດັບທີ 2 ຈາກແຂວງວຽງຈັນ ໄດ້ແກ່ນາງ ປາດາວ່າງ M12 ໄດ້ເງິນລາງວັນ 10 ລ້ານກີບ,ອັນດັບ 3 ຈາກແຂວງຊຽງຂວາງໄດ້ແກ່ ນາງ ຫຼ້າວ່າຢົງຈົວ M16 ໄດ້ເງິນລາງວັນ 8 ລ້ານກີບ ນອກນັ້ນຍັງມີລາງວັນອັນດັບ 4-5 ແລະ ລາງວັນພິເສດກໍຄືໄດ້ຮັບທຶນການສຶກສາຫຼັກສູດປະລິນຍາຕີຈາກສະຖາບັນແສງສະຫວັນທຸລະກິດຕື່ມອີກ 6 ລາງວັນ.

____________

ຂຽນໂດຍ: ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์