ວຽງຈັນປະກັນໄພ ເນັ້ນຄຸນນະພາບບໍລິການລູກຄ້າ

ວຽງຈັນປະກັນໄພເປັນອີກບໍລິສັດໜຶ່ງທີ່ໃຫ້ບໍລິການດ້ານປະກັນໄພທົ່ວໄປໂດຍມີຫຼາຍຜະລິດຕະພັນເພື່ອໃຫ້ບໍລິການລູກຄ້າທີ່ເນັ້ນຄຸນນະພາບ,ບໍລິການວ່ອງໄວສ້າງຄວາມເຊື່ອໝັ້ນລູກຄ້າຊຶ່ງຜ່ານການເປີດໃຫ້ບໍລິການໃນ 2 ປີຜ່ານມາເຫັນວ່າລູກຄ້າໃຫ້ຄວາມສົນໃຈຫຼາຍແລະມາໃຊ້ບໍລິການເພີ່ມຂຶ້ນໃນແຕ່ລະປີ.

  ທ່ານ ທອງຈະເລີນ ເຄນມິ່ງມົງຄົນ ຮອງຜູ້ອຳນວຍການບໍລິສັດວຽງຈັນປະກັນໄພ ຈຳກັດໃຫ້ສຳພາດວ່າ: ບໍລິສັດວຽງຈັນປະກັນໄພ ຈຳກັດ ເປັນບໍລິສັດໃນເຄືອບໍລິສັດສີເມືອງກຣຸບ ຊຶ່ງເປັນບໍລິສັດທີ່ສ້າງຂຶ້ນ ໃໝ່ພຽງ 2 ປີເທົ່ານັ້ນ ໂດຍທາງບໍລິສັດ ກໍ່ໄດ້ມີການໂຄສະນາຫຼາຍໆຢ່າງເພື່ອ ໃຫ້ສັງຄົມຮັບຮູ້ວຽງຈັນປະກັນໄພຕະຫຼອດໄລຍະເວລາຜ່ານມາເຫັນວ່າລູກຄ້າເຂົ້າມາໃຊ້ບໍລິການນຳບໍລິສັດແມ່ນ ນັບມື້ນັບຫຼາຍຂຶ້ນທັງນີ້ກໍ່ຍ້ອນບໍລິສັດພວກເຮົາເນັ້ນຄຸນນະພາບໃນການບໍລິການລູກຄ້າ, ບໍລິການທີ່ວ່ອງໄວໃນເວລາເກີດເຫດກັບລູກຄ້າເພື່ອສ້າງຄວາມເຊື່ອໝັ້ນໃນລູກຄ້າໃຫ້ມາໃຊ້ບໍລິການຕໍ່ໆ ໄປ, ໂດຍໄດ້ສຸມໃສ່ການແກ້ໄຂເຫດທີ່ເກີດຂຶ້ນເປັນກົນລະຍຸດອັນໜຶ່ງຂອງບໍສັດ ເພື່ອສ້າງຄວາມເຊື່ອໝັ້ນມີໜ່ວຍງານແກ້ເຫດທີ່ວ່ອງໄວທັນໃຈ.

 ສຳລັບຜະລິດຕະພັນຂອງບໍລິສັດມີ 7 ຜະລິດຕະພັນຄື: ປະກັນໄພອຸບັດເຫດສ່ວນບຸກຄົນ, ປະກັນໄພລົດ, ປະກັນໄພອັກຄີໄພ, ປະກັນໄພທຸລະກິດຂະໜາດນ້ອຍ, ປະ ກັນໄພການເດີນທາງ, ປະກັນໄພສິນຄ້າ ແລະປະກັນໄພເງິນສົດ, ປະຈຸບັນສັງຄົມໃຫ້ຄວາມສົນໃຈຫຼາຍຄືປະກັນໄພອຸບັດເຫດສ່ວນບຸກຄົນ ແລະປະກັນໄພລົດມີລູກຄ້າຫຼາຍພັນສັນຍາ ແລະເພີ່ມຂຶ້ນຕໍ່ເນື່ອງ.

  ທ່ານ ທອງຈະເລີນ ເຄນມິ່ງມົງຄົນກ່າວຕື່ມວ່າ: ໃນຕໍ່ໜ້ານີ້ພວກເຮົາຈະເນັ້ນເລື່ອງການຕະຫຼາດຕື່ມໂດຍສະເພາະການຂາຍເພື່ອສ້າງຄວາມເຂົ້າໃຈແກ່ລູກຄ້າກ່ຽວກັບສັນຍາຕ່າງໆຂອງປະກັນໄພ ແລະເອກະສານອື່ນໆທີ່ກ່ຽວຂ້ອງຂອງລູກຄ້າທີ່ຈະຊື້ປະກັນໄພໃນບໍລິສັດ, ສ່ວນທ່ານໃດທີ່ສົນໃຈຢາກຊື້ປະກັນໄພຂອງວຽງຈັນປະກັນໄພແມ່ນມີຂາຍຢູ່ໜ່ວຍບໍລິການທະນາຄານຮ່ວມພັດທະນາທົ່ວປະເທດ ຫຼື ສາມາດຕິດຕໍ່ໄດ້ທີ່ໝາຍເລກໂທລະສັບ 020 5210 1688.

____________

ໜັງສືພິມເສດຖະກິດ-ສັງຄົມ

แชร์