ເມືອງຫຼວງນໍ້າທາ ປະກາດພະນັກງານເຂົ້າຮັບອຸດໜູນບຳນານ

  ເມື່ຶບໍ່ດົນມານີ້ຫ້ອງການ ສຶກສາທິການ ແລະກີລາເມືອງ ຫຼວງນໍ້າທາ ປະກາດພະນັກງານ ລັດຖະກອນເຂົ້າຮັບອຸດໜູນບຳນານ ຈັດຂຶ້ນທີ່ຫ້ອງປະຊຸມຫ້ອງ ການສຶກສາທິການ ແລະກີລາເມືອງ ຫຼວງນໍ້າທາ ໂດຍເຂົ້າຮ່ວມຂອງ ທ່ານ ພັນໃຈ ຫົງພະຈັນ ຫົວໜ້າ ຫ້ອງການສຶກສາທິການ ແລະ ກີລາເມືອງຫຼວງນໍ້າທາ, ມີຄະນະຈັດ ຕັ້ງທີ່ກ່ຽວຂ້ອງ, ພະນັກງານທີ່ມີ ເງືອນໄຂເຂົ້າຮັບອຸດໜູນບໍານານຕະຫຼອດຮອດພະນັກງານວິຊາ ການເຂົ້າຮ່ວມ.

 ທ່ານ ນາງ ພັນດາວັນ ສີພັນດອນ ຫົວໜ້າຈັດຕັ້ງພະນັກງານຫ້ອງການສຶກສາທິການ ແລະກີລາເມືອງຫຼວງນໍ້າທາ ຜ່ານຂໍ້ຕົກລົງຂອງກະຊວງສຶກສາທິການ ແລະກີລາວ່າດ້ວຍການອະນຸມັດອອກພັກການຮັບອຸດໜູນບໍານານ,ໂດຍປະຕິບັດຕາມກົດໝາຍວ່າດ້ວຍພະນັກງານລັດຖະກອນສະບັບເລກທີ 74/ສພຊ, ກົດໝາຍ ວ່າດ້ວຍການປະກັນສັງຄົມລະບັບເລກທີ 54/ສພຊ, ດໍາລັດຂອງນາຍົກລັດຖະມົນຕີວ່າດ້ວຍການ ຈັດຕັ້ງ ແລະການເຄື່ອນໄຫວຂອງກະຊວງສຶກສາທິການ ແລະກີລາ ສະບັບເລກທີ 67/ນຍ, ແຈ້ງການ ຂອງກະຊວງພາຍໃນສະບັບເລກ ທີ 1164/ພນ ແລະການຄົ້ນຄວ້າ ເຫັນດີຂອງກົມຈັດຕັ້ງພະນັກງານ,ສະນັ້ນລັດຖະມົນຕີກະຊວງສຶກສາທິການ ແລະກີລາຕົກລົງໃຫ້ ທ່ານ ຫຼ້າອັອດ, ທ່ານ ນາງ ແດງ, ທ່ານ ສີພອນ ຍົດທະຈັກ, ທ່ານ ນາງ ອີນຄຳ, ທ່ານ ນາງເຫຼັກ ວົງເພັດ, ທ່ານ ນາງ ສົມສີ ຄູນທະວີສຸກ ແລະທ່ານ ນາງ ຄຳສາ ກຳມະນີ,ໃນນີ້ມີພະນັກງານບໍລິ ຫານ 2ທ່ານ,ຍິງ1 ທ່ານ ແລະ ພະນັກງານຄູສອນ 5 ທ່ານ, ຍິງ 4 ທ່ານ ພັກການຮັບອຸດໜູນບຳ ນານນັບແຕ່ 1 ມັງກອນ 2020  ເປັນຕົ້ນໄປ, ສ່ວນການຄິດໄລ່ນະໂຍ ບາຍອຸດໜູນບໍານານ ແລະສະຫວັດ ດີການອື່ນໆແມ່ນຄິດໄລ່ຕາມຄຳ ແນະນໍາກ່ຽວກັບການຈັດຕັ້ງປະຕິບັດກົດໝາຍວ່າດ້ວຍການປະກັນສັງຄົມສະບັບປັບປຸງມາດຕາ 34 ເງື່ອນໄຂຮັບການອຸດໜູນບໍານານ,ມາດຕາ 35 ການກຳນົດອັດຕາ ສ່ວນຮ້ອຍບຳນານ, ມາດຕາ 36 ການຄິດໄລ່ອຸດໜູນບໍານານ ແລະ ອື່ນໆ.

แชร์