ຮັບຮອງໜ່ວຍສະຫະພັນແມ່ຍິງ ຖວທ ເຊກອງເປັນໜ່ວຍ 3 ດີ

ເມື່ອວັນທີ 27 ທັນວາ 2019 ຜ່ານມາໜ່ວຍສະຫະພັນແມ່ຍິງພະແນກຖະແຫຼງຂ່າວ, ວັດທະນະທໍາ ແລະທ່ອງທ່ຽວ(ຖວທ) ແຂວງເຊກອງ ໄດ້ຈັດພິທີຮັບຮອງເປັນໜ່ວຍຮາກຖານສະຫະພັນແມ່ຍິງ 3 ດີໄລຍະ II ປະຈໍາປີ 2018-2019 ໂດຍການເຂົ້າຮ່ວມຂອງທ່ານນາງ ມະນີວອນ ສາຍນໍ້າລິນ ຮອງປະທານສະຫະພັນແມ່ຍິງແຂວງ; ທ່ານ ສົມພອນ ສີລາສັກ ຄະນະພັກຮາກຖານພະແນກ ຖວທ; ພ້ອມດ້ວຍຄະນະໜ່ວຍ ແລະ ສະມາຊິກສະຫະພັນແມ່ຍິງ, ອົງການຈັດຕັ້ງມະຫາຊົນ ແລະແຂກຖືກເຊີນເຂົ້າຮ່ວມ.

  ທ່ານ ນາງ ພອນດາແກ້ວ ບຸນທະວີ ປະທານໜ່ວຍຮາກຖານສະຫະພັນແມ່ຍິງພະແນກ ຖວທ ໄດ້ຍົກໃຫ້ເຫັນການຊີ້ນໍາໆພາຂະບວນການຈັດຕັ້ງປະຕິບັດຂໍ້ແຂ່ງຂັນ 3 ດີ ຕາມ 4 ບາດກ້າວ ຕິດພັນ ກັບວຽກງານວິຊາສະເພາະ ຊຶ່ງ ຍາມໃດຄະນະໜ່ວຍ ກໍໄດ້ເອົາໃຈ ໃສ່ສຶກສາອົບຮົມການເມືອງ-ແນວ ຄິດໃຫ້ພະນັກງານ, ສະມາຊິກສະຫະພັນແມ່ຍິງພາຍໃນໜ່ວຍຢ່າງ ເປັນປົກກະຕິຕໍ່ເນື່ອງ ດ້ວຍການຈັດ ຕັ້ງເຊື່ອມຊຶມບັນດາເອກະສານສໍາ ຄັນຕ່າງໆດ້ວຍຫຼາຍຮູບແບບ ໂດຍ ສະເພາະແມ່ນເນື້ອໃນຂໍ້ແຂ່ງຂັນ 3 ດີທີ່ສູນກາງສະຫະພັນແມ່ຍິງລາວວາງອອກອັນໄດ້ເຮັດໃຫ້ສະມາຊິກມີຄວາມຮັບຮູ້, ເຂົ້າໃຈ ແລະພ້ອມກັນປະຕິບັດຂໍ້ແຂ່ງຂັນດັ່ງກ່າວ, ປຸກລະດົມເອື້ອຍນ້ອງແມ່ຍິງເຂົ້າເປັນສະມາຊິກກອງທຶນປະກັນສັງຄົມ ແລະສ້າງເສດຖະກິດຄອບຄົວດ້ວຍກິດຈະກຳຕ່າງໆຕາມທ່າແຮງເຮັດໃຫ້ມີລາຍຮັບ 24 ລ້ານກີບຕໍ່ປີ; ຊຶ່ງພາຍໃນໜ່ວຍມີສະມາຊິກທັງໝົດ 28 ສະຫາຍ, ໃນນີ້ ຄັດ ເລືອກໄດ້ສະມາຊິກ 3 ດີ ປະເພດ I ຈໍານວນ 24 ສະຫາຍ, ປະເພດ II ຈໍານວນ 5 ສະຫາຍ ຂອງສະມາຊິກເຂົ້າຮ່ວມແຂ່ງຂັນທັງໝົດ.

 ຂະນະດຽວກັນໄດ້ວາງຄາດໝາຍ,ທິດທາງ ແລະແຜນການເຄື່ອນໄຫວຈັດຕັ້ງປະຕິບັດຂໍ້ແຂ່ງຂັນ 3 ດີໃນຕໍ່ໜ້າຄະນະໜ່ວຍຈະສືບຕໍ່ຈັດຕັ້ງເຊື່ອມຊຶມເນື້ອໃນຂໍ້ແຂ່ງຂັນ 3 ດີໃຫ້ໄດ້ 100%, ສືບ ຕໍ່ສ້າງສະມາຊິກໃຫ້ກາຍເປັນພົນ ລະເມືອງດີ ໃຫ້ໄດ້100%, ສ້າງ ສະມາຊິກພັດທະນາດີໃຫ້ໄດ້ 90% ຂຶ້ນໄປ, ສ້າງສະມາຊິກຄອບຄົວດີ ໃຫ້ໄດ້ 90%, ສູ້ຊົນສ້າງຫນ່ວຍໃຫ້ ກາຍເປັນໜ່ວຍສະຫະພັນແມ່ຍິງ 3 ດີ ໃນປີ 2020; ພ້ອມດຽວສະມາ ຊິກທຸກຄົນຍັງໄດ້ຈັບມືກັນເປີດບັ້ນ ເຊື່ອມຊຶມ, ແຂ່ງຂັນ 3 ດີ ປີ 2020 ຕື່ມອີກ.

 ໃນໂອກາດນີ້ ຮອງປະທານສະຫະພັນແມ່ຍິງແຂວງ ແລະຄະນະພັກຮາກຖານກໍໄດ້ມີຄໍາເຫັນໂອ້ລົມຫຼາຍບັນຫາເພື່ອເປັນແນວທາງໃນການຊີ້ນໍາໆພາ ແລະການຈັດຕັ້ງປະຕິບັດຂໍ້ແຂ່ງຂັນ 3 ດີ ໃຫ້ແກ່ໜ່ວຍສະຫະພັນແມ່ຍິງພະແນກ ຖວທ ໃນຕໍ່ໜ້າໃຫ້ມີຜົນສໍາເລັດທີ່ດີຂຶ້ນກວ່າເກົ່າ, ພ້ອມທັງປຸກລະດົມເອື້ອຍນ້ອງແມ່ຍິງເຂົ້າເປັນສະມາຊິກກອງທຶນປະກັນສັງຄົມ ແລະກອງທຶນຊ່ວຍເຫຼືອເຊິ່ງກັນໃຫ້ໄດ້ຢ່າງທົ່ວເຖິງ.

___________

ຂຽນໂດຍ: ພຸດທະສອນ  
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์