ຖວທ ແຂວງຄຳມ່ວນມອບ-ຮັບໜ້າຫົວໜ້າພະແນກ

 ວັນທີ 30 ທັນວາ 2019 ພະແນກຖະແຫຼ່ງຂ່າວ,ວັດທະນາທຳ ແລະທ່ອງທ່ຽວ (ຖວທ) ແຂວງຄຳມ່ວນໄດ້ຈັດພິທີມອບ-ຮັບໜ້າທີ່ລະຫວ່າງຫົວໜ້າພະແນກ ຖວທ ແຂວງຜູ້ເກົ່າ ແລະ ຮັກສາການຫົວໜ້າພະແນກ ຖວທ ຜູ້ໃໝ່ຂຶ້ນໂດຍເຂົ້າຮ່ວມຂອງ ທ່ານ ພົມມາ ພັນທະລັງສີ ຫົວໜ້າຄະນະຈັດຕັ້ງແຂວງ, ມີບັນດາທ່ານໃນຄະນະພະແນກ, ບັນດາພະແນກການອ້ອມຂ້າງ, ພາກສ່ວນທີ່ກ່ຽວຂ້ອງຕະຫຼອດຮອດພະນັກງານພາຍໃນພະແນກດັ່ງກ່າວເຂົ້າຮ່ວມ.

  ໃນພິທີໄດ້ຜ່ານຂໍ້ຕົກລົງຂອງທ່ານເຈົ້າ ແຂວງໆຄຳມ່ວນວ່າດ້ວຍການອະນຸມັດໃຫ້ພະນັກງານ-ລັດຖະກອນສັງກັດຢູ່ພະແນກຖະແຫຼງຂ່າວ, ວັດທະນະທຳ ແລະ ທ່ອງ ທ່ຽວແຂວງອອກຮັບອຸດໜູນບຳນານໃນງວດທີ I ປີ 2020 ໄດ້ອະນຸມັດໃຫ້ທ່ານ ຂັນຕີ ໂພທິນ ກຳມະການພັກແຂວງຫົວໜ້າພະແນກ ຖວທ ແຂວງອອກຮັບອຸດໜູນບຳນານ ແລະຂໍ້ຕົກລົງຂອງທ່ານເຈົ້າແຂວງຄຳມ່ວນວ່າດ້ວຍການແຕ່ງຕັ້ງຮັກສາການຫົວໜ້າພະແນກ ຖວທ ແຂວງຊຶ່ງໄດ້ຕົກລົງແຕ່ງຕັ້ງທ່ານ ໄຊສົມບູນ ສຸວັນດາລາ ຮອງຫົວໜ້າພະແນກ ຖວທ ແຂວງຂຶ້ນເປັນຮັກສາການຫົວໜ້າພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວ.

  ຈາກນັ້ນຫົວໜ້າພະແນກຜູ້ເກົ່າ ແລະຮັກສາການຜູ້ໃໝ່ກໍ່ໄດ້ລົງນາມເຊັນບົດບັນທຶກໃນການມອບ-ຮັບ ໜ້າທີ່ວຽກງານແລະໃນໂອກາດດັ່ງກ່າວທ່ານ ພົມມາ ພັນທະລັງສີ ກໍ່ໄດ້ໂອ້ລົມໃຫ້ທິດຊີ້ນຳຕໍ່ພິທີການມອບ-ຮັບໜ້າທີ່ໃນຄັ້ງນີ້ຊຶ່ງໃນນັ້ນທ່ານໄດ້ຮຽກຮ້ອງມາຍັງພະນັກງານຫຼັກແຫຼ່ງໃນຂົງເຂດ ຖວທ ໂດຍສະເພາະແມ່ນຜູ້ທີ່ໄດ້ຮັບໜ້າທີ່ຕຳແໜ່ງໃໝ່ຈົ່ງໄດ້ສືບຕໍ່ປະຕິບັດໜ້າທີ່ການເມືອງຂອງພັກ ແລະ ລັດມອບໝາຍໃຫ້ເພື່ອຊີ້ນໍາໆພາວຽກງານຖະແຫຼງຂ່າວ, ວັດທະນະທຳ ແລະ ທ່ອງທ່ຽວໃຫ້ມີ ການຂະຫຍາຍຕົວດີຂຶ້ນເລື້ອຍໆ.

____________

ຂຽນໂດຍ: ກອງຄຳ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

  • ບໍລິການໂຄສະນາທາງເຟສບຸກ ແລະເວັບໄຊ
  • ໂທ: 021 313645, 316511

 

แชร์