ເອຊີລີດາ ຈັບມືກັບປະກັນໄພລາວ-ຫວຽດ

 ໃນວັນທີ 3 ມັງກອນ 2020, ທີ່ສຳນັກງານໃຫຍ່ທະນາຄານເອຊີລີດາລາວຈໍາກັດ (ABL) ໄດ້ຈັດພິທີລົງນາມເຊັນສັນຍາວ່າດ້ວຍການຮ່ວມມືລະຫວ່າງທະນາຄານເອຊີລີດາລາວຈຳກັດ ແລະບໍລິສັດຮ່ວມທຸລະກິດປະກັນໄພລາວ-ຫວຽດ (LVI), ຈຸດປະສົງເພື່ອເພີ່ມການພົວພັນຮ່ວມມື,ສົ່ງເສີມໃຫ້ເກີດຜົນປະໂຫຍດສູງສຸດໂດຍການນຳສະເໜີຜະລິດຕະພັນ ແລະການບໍລິການທາງດ້ານການເງິນທີ່ດີທີ່ສຸດໃຫ້ແກ່ລູກຄ້າ.

ເປັນກຽດໃນພິທີເຊັນສັນຍາໂດຍ ທ່ານ ດຣ ຮາຍ ສະວາຍ,ຜູ້ອຳນວຍການໃຫຍ່ທະນາຄານເອຊີລີດາລາວຈຳກັດ ແລະທ່ານຫງຽນ ຫວຽດ ຮາຍ ແລະເຂົ້າຮ່ອມເປັນສັກຂີພິຍານໂດຍຄະນະຜູ້ບໍລິຫານຂອງທະນາຄານເອຊີລີດາ ລາວ ຈຳກັດ ແລະບໍລິສັດຮ່ວມທຸລະກິດປະກັນໄພລາວ-ຫວຽດ ABL ແລະ LVI ໄດ້ໃຫ້ຄຳໝັ້ນ ແລະບູລິມະສິດໃນການນຳໃຊ້ຜະລິດຕະພັນຕ່າງໆຂອງແຕ່ລະຝ່າຍເພື່ອເພີ່ມທະວີການຂາຍຜະລິດຕະພັນ, ການບໍລິການຄູ່ຮ່ວມທຸລະກິດ ແລະຮັບປະກັນໃນການຮັກສາຂໍ້ມູນເອກະສານລູກຄ້າໃນການດຳເນີນທຸລະກິດຂອງທັງສອງຝ່າຍທະນະຄານເອຊີລີດາລາວ ຈຳກັດ ໄດ້ສ້າງຕັ້ງນັບແຕ່ວັນທີ 8 ກໍລະກົດ 2008 ພາຍຫຼັງ 11 ປີ ແຫ່ງການດຳເນີນທຸ ລະກິດທະນະຄານເອຊີລີດາ ລາວ ຈຳກັດ ໄດ້ກາຍເປັນທະນະຄານໜຶ່ງທີ່ດຳເນີນທຸລະກິດໄດ້ຮັບໝາກຜົນດີໃນຕະຫຼາດທະນະຄານ, ປະຈຸບັນທະນະຄານເອຊີລີດາລາວ ຈຳກັດມີພະນັກງານທັງໝົດຫຼາຍກ່ວາ 1.000 ຄົນ ທີ່ບໍລິການລູກຄ້າໃນ 14 ສາຂາ ແລະ25 ໜ່ວຍບໍລິການ ແລະຕູ້ເອທີເອັມທັງໝົດ 55 ຕູ້ ໃນທົ່ວປະເທດໄວ້ຄອຍບໍລິການ 24 ຊົ່ວໂມງ ແລະຍັງມີຜະລິດຕະພັນໃໝ່ “ເອຊີລີດາທັນໃຈ” ຊຶ່ງເປັນ Appli cation ທີ່ອຳນວຍຄວາມສະດວກໃຫ້ແກ່ລູກຄ້າສາມາດເຮັດທຸລະກຳໄດ້ທຸກທີ່ທຸກເວລາກຸ່ມທະນາຄານເອຊີລີດາມີທະນາຄານເອຊີລີດາມະຫາຊົນຊຶ່ງເປັນບໍລິສັດແມ່ ແລະ ມີ 4 ບໍລິສັດລູກທີ່ດຳເນີນງານໃນປະເທດກຳປູເຈຍ, ສປປ ລາວ ແລະມຽນ ມາ ແລະໃຫ້ບໍລິການໂອນເງິນໄປທົ່ວໂລກກຸ່ມທະນາຄານເອຊີລີດາມີຊັບສິນທັງໝົດຫຼາຍກວ່າ 6 ລ້ານໂດລາສະຫະລັດ, ມີທັງໝົດ 313 ສາຂາ-ຫ້ອງການ,ຕູ້ເອທີເອັມ 683 ໜ່ວຍ ແລະໃຫ້ບໍລິການລູກຄ້າຫຼາຍລ້ານຄົນ.

  ບໍລິສັດຮ່ວມທຸລະກິດປະກັນໄພລາວ-ຫວຽດຈຳກັດ (LVI) ແມ່ນບໍລິສັດຮ່ວມທຸລະກິດລະຫວ່າງທະນາຄານການຄ້າຕ່າງປະເທດລາວມະຫາຊົນ (BCEL) ແລະກຸ່ມບໍລິສັດປະກັນໄພທະ ນາຄານລົງທຶນ ແລະພັດທະນາຫວຽດ ນາມ (BIC), ພາຍຫຼັງແຫ່ງການດຳເນີນທຸລະກິດ, LVI ໄດ້ກາຍເປັນບໍລິສັດປະກັນໄພຢືນຢູ່ອັນດັບສອງຂອງຕະຫຼາດປະກັນໄພລາວໂດຍມີ 3 ສາຂາ, 13 ໜ່ວຍບໍລິການ, ມີພະນັກງານຫຼາຍກວ່າ 100 ຄົນ ແລະມີຕົວແທນ 300 ຕົວ ແທນໃນທົ່ວປະເທດພິເສດ, LVI ແມ່ນບໍລິສັດທຳອິດໃນຕະຫຼາດປະກັນໄພທີ່ໄດ້ຂະຫຍາຍຊ່ອງທາງການຂາຍປະກັນໄພຜ່ານລະບົບ Bancassurance ໃຫ້ກັບບັນດາທະນະຄານ, ບໍລິສັດເຊົ່າສິນເຊື່ອຢູ່ໃນລາວ.

 ທະນາຄານເອຊີລີດາລາວຈຳກັດຂໍສະແດງຄວາມຂອບໃຈເປັນຢ່າງສູງມາຍັງລູກຄ້າທຸກໆທ່ານທີ່ນຳໃຊ້ຜະລິດຕະພັນ ແລະການບໍລິການຂອງທະນາຄານ, ທະນາຄານເອຊີລີດາຈະສືບຕໍ່ພັດທະນາລະບົບຜະລິດຕະພັນ ແລະການບໍລິການທີ່ທັນສະໄໝເພື່ອຕອບສະໜອງຕາມຄວາມຕ້ອງການຂອງລູກຄ້າ.

___________

ໜັງສືພິມເສດຖະກິດ-ສັງຄົມ

แชร์