ທພລ ສາລະວັນ ປະກອບສ່ວນພັດທະນາແຂວງ

  ທ່ານ ຄຳລຽນ ສິມມະວົງ ວ່າການຫົວໜ້າທະນາຄານພັດທະນາລາວສາ ຂາແຂວງສາລະວັນ ໄດ້ໃຫ້ສຳພາດກັບທີມງານສື່ມວນຊົນເນື່ອງໃນໂອກາດສະເຫຼີມສະຫຼອງສົ່ງທ້າຍປີເກົ່າ ແລະຕ້ອນຮັບປີໃໝ່ສາກົນ ຄສ 2020ເຊິ່ງທ່ານໄດ້ຍົກໃຫ້ເຫັນເຖິງພາລະບົດບາດກໍ່ຄືກັນເຕີບໃຫຍ່ຂະຫຍາຍຕົວຂອງທະນາຄານພັດທະນາລາວ(ທພລ) ແມ່ນທະນາຄານທຸລະກິດຂອງລັດໄດ້ສ້າງຕັ້ງຂຶ້ນຢ່າງເປັນທາງການ ໃນວັນທີ 9 ເມສາ 2003 ຈາກການໂຮມຕົວຂອງສອງທະນາຄານຄື: ທະນາຄານລາວໃໝ່  ແລະທະ ນາຄານລ້ານຊ້າງມີສຳນັກງານຕັ້ງຢູ່ນະຄອນຫຼວງວຽງຈັນ ມີ 18 ສາຂາໃນ ທົ່ວປະເທດ, ມີ 79 ໜ່ວຍບໍລິການ ແລະ 18 ໜ່ວຍແລກປ່ຽນມີພາລະບົດບາດເຮັດໜ້າທີ່ທຸລະກິດການທະນາຄານເປັນຕົ້ນ: ການໃຫ້ສິນເຊື່ອຕໍ່ທຸລະກິດຂະໜາດນ້ອຍ ແລະຂະໜາດກາງ,ບໍລິການຊຳລະສະສາງທັງພາຍໃນ ແລະຕ່າງປະເທດ, ບໍລິການຮັບຝາກເງິນ, ຖອນເງິນ, ໂອນເງິນ ແລະອື່ນໆ.

  ຕະຫຼອດ 1 ປີຜ່ານມາທະນາຄານພັດທະນາລາວສາຂາແຂວງສາລະວັນ ກໍ່ໄດເອົາໃຈໃສ່ຢ່າງຕັ້ງໜ້າປະຕິບັດແຜນການທຸລະກິດຂອງຕົນສາມາດບັນລຸຕາມແຜນການທີ່ວາງໄວ້ຄືໃນທ້າຍເດືອນພະຈິກແຜນລາຍຮັບຕົວເລກປະຕິບັດໄດ້ 115%, ແຫຼ່ງທຶນປະຕິບັດໄດ້ແຜນ 105%. ນອກນັ້ນທະນາຄານພັດທະນາລາວຍັງໄດ້ປະກອບສ່ວນຢ່າງຕັ້ງໜ້າໃນການສ້າງສາພັດທະນາເສດຖະກິດ-ສັງຄົມຂອງແຂວງໃນການລົງທຶນໃສ່ພື້ນຖານໂຄງລ່າງຖະໜົນຫົນທາງ,ຊົນລະປະທານ,ໂຮງໝໍ, ການໃຫ້ເຊົ່າສິນເຊື່ອຂະໜາດນ້ອຍ ແລະກາງ ແລະປະກອບສ່ວນຊ່ວຍເຫຼືອພໍ່ແມ່ປະຊາຊົນທີ່ຖືກໄພນໍ້າຖ້ວມມູນຄ່າ 28 ລ້ານກວ່າກີບ.

  ໃນໂອກາດສົ່ງທ້າຍປີເກົ່າ ຄສ 2019 ແລະຕ້ອນຮັບປີໃໝ່ ຄສ 2020 ນີ້ ທ່ານ ຄຳລຽນ ສິມມະວົງ ກໍ່ໄດ້ສະແດງຄວາມຮູ້ບຸນຄຸນຕໍ່ການນຳພັກ-ລັດ, ພະນັກງານ, ທະຫານ, ຕຳຫຼວດ ແລະ ຊາວແຂວງສາລະວັນທີ່ໄດ້ອຳນວຍຄວາມສະດວກໃຫ້ ທພລ ສາມາດເຄື່ອນໄຫວໄດ້ຕາມພາລະບົດບາດຈົນໄດ້ຮັບຜົນສຳເລັດຕາມລະດັບຄາດ ໝາຍທີ່ວາງໄວ້.

___________

ຂຽນໂດຍ: ທິດລານີ ໂຄດໂຍທາ    
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ບໍລິການໂຄສະນາທາງເຟສບຸກ ແລະເວັບໄຊ

ໂທ: 021 313645, 316511

แชร์