ຂາຍອາຫານສຸກສ້າງລາຍຮັບເຂົ້າຄອບຄົວຈົນກາຍເປັນເຈົ້າຂອງຮ້ານໃຈດີຟຸດ

   ນອກຈາກເປັນພະນັກງານລັດແລ້ວຍັງເປັນຄົນດຸໝັ່ນຂະຫຍັນພຽນໃນການປະກອບອາຊີບທີ່ພໍ່ແມ່ສືບທອດຄວາມຮູ້ໃຫ້ມາຈົນນຳມາແກ້ໄຂຊີວິດການເປັນຢູ່ຫຼຸດພົ້ນຄວາມດອຍພັດທະນາຄືດັ່ງຄອບຄົວນາງ ວຽງໄຊ ພູນສຸກ ຊຶ່ງເປັນຄອບຄົວໜຶ່ງທີ່ມີຄວາມຫ້າວຫັນໃນການພັດທະນາ ແລະສ້າງເສດຖະກິດຄອບຄົວໂດຍຢຶດຖືເອົາການເຮັດອາຫານສຸກເປັນອາຊີບຫຼັກສ້າງລາຍຮັບຈົນນຳມາແກ້ໄຂຊີວິດການເປັນຢູ່ ແລະກາຍເປັນອາຫານໃຈດີຟຸດທີ່ຮູ້ຈັກໃນສັງຄົມ.

   ນາງ ວຽງໄຊ ພູນສຸກ ເຈົ້າຂອງຮ້ານໃຈດີຟຸດໃຫ້ສຳພາດວ່າ: ຕົນເອງກໍ່ເປັນພະນັກງານລັດແຕ່ຮູ້ເຄັດລັບວິທີປຸງແຕ່ງອາຫານພື້ນເມືອງຈາກຊຳເໜືອທີ່ພໍ່ແມ່ສືບທອດມາເລີຍໄດ້ມາເຮັດເປັນວຽກເສີມຈຸດເລີ່ມຕົ້ນແມ່ນໄດ້ເຮັດອົ່ວໝູ ແລະປະເພດອາຫານສຸກແບບພື້ນບ້ານທີ່ສະແດງເຖິງເອກະລັກວັດທະນະທໍາລາວແລ້ວໄດ້ເອົາໄປຂາຍໃຫ້ແມ່ຄ້າຕາມຮ້ານອາຫານ, ສະຖານທູດຕ່າງໆແຂກຕ່າງປະເທດມັກກິນຈົນໄດ້ຮັບຕອບສະໜອງດີເລີຍຢຶດຖືເອົາເປັນອາຊີບຫຼັກສ້າງລາຍຮັບໃຫ້ຄອບຄົວ ແລະສັງຄົມຮູ້ຈັກຂຶ້ນເລີຍໆຈົນກາຍເປັນຮ້ານໃຈດີຟຸດປະຈຸບັນອາຫານໃຈດີຟຸດມີຢູ່ 10 ກວ່າຊະນິດເຊັ່ນ: ໄສ້ກອກຫວານ,ອົ່ວເຄື່ອງ,ຂົ້ວໝາກແຄ່ນ,ອົ່ວເພ້ຍ,ໝໍ້າ, ຫໍ້ສົ້ມ, ແຈ່ວໝາກ, ແຈ່ວໝາກໝາດ, ໝົ້ກ ແລະອື່ນໆ.

 ປະຈຸບັນອາຫານໃຈດີຟຸດຂອງ ນາງ ວຽງໄຊ ພູນສຸກ ຖືວ່າເປັນອີກຜະລິດຕະພັນໜຶ່ງທີ່ສັງຄົມໃຫ້ຄວາມສົນໃຈຫຼາຍບໍ່ວ່າຈະເປັນພໍ່ຄ້າແມ່ຄ້າຂາປະຈຳຕາມຮ້ານສົ້ມຕຳ, ຮ້ານອາຫານລວມທັງຄົນຕ່າງປະເທດໃນສະຖານທູດຕ່າງໆ ຢູ່ໃນນະຄອນຫຼວງວຽງຈັນ ຊຶ່ງສາມາດເຮັດຂາຍໄດ້ 100 ກວ່າກິໂລກຣາມຕໍ່ອາທິດນັບແຕ່ຢຶດຖືອາຊີບການເຮັດອາຫານຂາຍຈົນຮອດປະຈຸບັນເຫັນວ່າຄອບຄົວມີຊີວິດການເປັນຢູ່ດີຂຶ້ນໂດຍອີງໃສ່ການຕອບສະໜອງດ້ານການຕະຫຼາດບວກກັບທ່າແຮງທີ່ມີໃນຄອບຄົວໃນປະຈຸບັນແລ້ວກຳລັງນຳເອົາເຄື່ອງຈັກບົດຊີ້ນມາເພີ່ມໃສ່ກຳລັງຜະລິດອີກຕື່ມພ້ອມກຽມສະເໜີຂໍ ກອຢ ເພື່ອຕອບສະໜອງເປັນເຮັດຜະລິດຕະພັນສົ່ງອອກຂາຍຢູ່ຕ່າງປະເທດ ແລະ ໃຫ້ຮູ້ຈັກອາຫານໃຈດີຟຸດຫຼາຍຂຶ້ນສຳລັບທ່ານໃດຢາກກິນອາຫານລາວແຊບໆກໍ່ສາມາດຕິດຕໍ່ຫາໄດ້ທີ່ຮ້ານຕັ້ງຢູ່ໜອງສັງທອງເມືອງ ສີໂຄດຕະບອງ ນະຄອນຫຼວງວຽງຈັນ.

__________

ຂຽນໂດຍ: ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• 03/01/2020