ຫວຽດນາມ ກຽມເປີດໂຕສາຍການບິນໃໝ່ສ່ວນແຜນບິນກົງອາເມລິກາຍັງງຽບ

  ອຸດສາຫະກຳການບິນຂອງ ສສ ຫວຽດນາມ ຄຶກຄັກມາຕັ້ງແຕ່ຕົ້ນປີ 2019 ເມື່ອທ້ອງຟ້າຂອງຫວຽດນາມຖືກທາທັບດ້ວຍສີສັນ ແລະໂລໂກ້ໃໝ່ຂອງສາຍການບິນແບມບູ (Bamboo Airways) ທີ່ເປີດໃຫ້ບໍລິການຖ້ຽວບິນຄັ້ງປະຖົມມະລືກໃນເດືອນມັງກອນຊຶ່ງມາພ້ອມກັບຄວາມຫວັງທີ່ຈະເຂົ້າຊີງສ່ວນແບ່ງຕະຫຼາດການບິນທີ່ຖືກຄອບຄອງໂດຍສາຍການບິນຫວຽດນາມ (Vietnam Airlines) ທີ່ເປັນສາຍການບິນແຫ່ງຊາດ ແລະ ສາຍການບິນຫວຽດເຈັດ (Vietjet) ທີ່ເປັນສາຍການບິນຕົ້ນທຶນຕໍ່າ.

 ນອກຈາກສາຍການບິນແບມບູທີ່ກະໂດດເຂົ້າຮ່ວມລົງແຂ່ງຂັນໃນຕະຫຼາດການບິນຂອງປະເທດແລ້ວຍັງພົບວ່າຫວຽດນາມກຳລັງຈະມີສາຍການບິນໃໝ່ອີກ 3 ສາຍ ຊຶ່ງກຳລັງເຂົ້າແຖວລໍຖ້າເປີດໂຕຮ່ວມໃນນ່ານຟ້ານີ້ໃນໄລຍະປີ 2019 ສາຍການບິນແບມບູສາຍການບິນນ້ອງໃໝ່ຂອງຫວຽດນາມໄດ້ໃຫ້ບໍລິການຖ້ຽວບິນໄປແລ້ວຫຼາຍກວ່າ 14.000 ຖ້ຽວບິນ ແລະເປີດເສັ້ນທາງບິນລະຫວ່າງປະເທດໄປຍັງ ສ. ເກົາຫຼີ ທັງຍັງໄດ້ຮັບມອບເຮືອບິນໂອອິ້ງ 787-9 ດຣີມໄລເນີລຳທຳອິດຂອງສາຍການບິນເຂົ້າເປັນສ່ວນໜຶ່ງຂອງຝູງບິນທີ່ສາຍການບິນຕັ້ງເປົ້າຈະຂະ ຫຍາຍເປັນ 30 ລຳ ສາຍການບິນແບມບູຍັງມີເປົ້າໝາຍທີ່ຈະເປີດຖ້ຽວບິນກົງແບບບໍ່ແວະພັກໄປຍັງອາເມລິກາ ເປົ້າໝາຍທີ່ແມ່ນແຕ່ສາຍການບິນແຫ່ງຊາດຄືຫວຽດນາມແອລາຍຍັງບໍ່ສາມາດບັນລຸໄດ້ຈົນເຖິງຂະນະນີ້ ແລະຝູງບິນຂອງສາຍການບິນກໍຍັງເຕັມໄປດ້ວຍເຮືອບິນລຳຕົວແຄບເພື່ອແຂ່ງຂັນກັບສາຍການບິນຕົ້ນທຶນຕໍ່າຄືຫວຽດເຈັດ.

  ນອກຈາກສາຍການບິນແບມບູທີ່ເປີດໂຕໃຫ້ບໍລິການແລ້ວຍັງມີກຸ່ມບໍລິສັດຫຼາຍລາຍສະແດງຄວາມຕັ້ງໃຈທີ່ຈະເປີດສາຍການບິນເຂົ້າຮ່ວມໃນອຸດສາຫະກຳການບິນຂອງປະທດເຊັ່ນ: ບໍລິສັດວິນກຣຸປ (Vingroup) ທີ່ເປີດເຜີຍໃນເດືອນສິງຫາທີ່ຜ່ານມາວ່າໄດ້ຍື່ນຂໍໃບອະນຸຍາດດຳເນີນການສາຍການບິນພານິດດ້ວຍງົບລົງທຶນ 4,7 ພັນຕື້ດົ່ງ (202 ລ້ານໂດລາສະຫະລັດ) ແລະມີຄວາມຕ້ອງການທີ່ຈະເລີ່ມໃຫ້ບໍລິການຖ້ຽວບິນໃນເດືອນກໍລະກົດ 2020 ແລະໃນເດືອນດຽວກັນນັ້ນບໍລິສັດທຽນມິງກຣຸປ (Thien Minh Group) ຍັງຍື່ນຂໍໃບອະນຸຍາດເປີດສາຍການບິນ ໃໝ່ໃນຊື່ ສາຍການບິນໄຄທແອຣ (KiteAir) ໃນເດືອນມິຖຸນາ 2020 ທີ່ຈະໃຫ້ບໍລິການດ້ວຍເຮືອບິນ ATR72 ຫວຽດທຣາເວລ (Vietravel) ບໍລິສັດດ້ານການທ່ອງທ່ຽວຂະໜາດໃຫຍ່ຂອງປະເທດວາງແຜນທີ່ຈະເປີດສາຍການບິນຫວຽດທຣາເວລ (Vietr avel Airlines) ເໝືອນກັນໂດຍໃນເດືອນກັນຍາບໍລິສັດໄດ້ລະດົມທຶນ 7 ຮ້ອຍຕື້ດົ່ງ (30ລ້ານໂດລາ) ເພື່ອເປີດຖ້ຽວບິນຄັ້ງປະຖົມມະລືກໃນປີ 2020 ດ້ວຍເຮືອ ບິນແອບັສ A321neo ຫຼືໂບອິ້ງ 737.

__________

ໜັງສືພິມເສດຖະກິດ-ສັງຄົມ

 

แชร์