ຢານໍ້າດຳ ມີຕະຫຼາດຈຳໜ່າຍທົ່ວປະເທດແລ້ວ

 ຢານໍ້າດຳຖືເຫັນຄວາມສຳຄັນໃນການຮັກສາສຸຂະພາບຂອງຄົນລາວຊຶ່ງເປັນຜະລິດຕະພັນຢາພື້ນເມືອງບູຮານລາວທີ່ມີຊື່ສຽງສາມາດຊ່ວຍຮັກສາສຸຂະພາບ ແລະປົວຫຼາຍພະຍາດປະຈຸບັນຜະລິດຕະພັນດັ່ງກ່າວໄດ້ຈຳໜ່າຍຕາມຮ້ານຂາຍຢາທົ່ວປະເທດແລ້ວ ແລະກຳລັງເປັນທີ່ນິຍົມໃນສັງຄົມ.

  ທ່ານ ສົມພິດ ດວງດີ ເຈົ້າຂອງຢານໍ້າດຳໃຫ້ສຳພາດວ່າ: ເມື່ອກ່ອນຂ້າພະເຈົ້າເອງເຄີຍເປັນພະຍາດກະເພາະລຳໄສ້, ພະຍາດປະດົງຊຶ່ງໄດ້ໄປປິ່ນປົວຫຼາຍບ່ອນກໍ່ຍັງບໍ່ເຊົ່າ ຈາກນັ້ນໄດ້ຊື້ຢານໍ້າດຳພື້ນເມືອງລາວມາກິນແລ້ວພະຍາດດັ່ງກ່າວກໍ່ໄດ້ຫາຍໄປພ້ອມນີ້ເລີຍໄດ້ສຶກສາແລ້ວນຳເອົາສູດການປຸງແຕ່ງມາຜ່ານ ກອຢ ກະຊວງສາທາລະ ນະສຸກ ຈົນໄດ້ຮັບຂະບວນການຜະລິດຂະຫຍາຍຕົວພັດທະນາຂຶ້ນເລື້ອຍໆຈົນໄດ້ຈຳໜ່າຍຂາຍໃນຕະຫຼາດຈົນຮອດທຸກມື້ນີ້ຢານໍ້າດຳເປັນຜະລິດຕະພັນຢາບູຮານລາວທີ່ສາມາດປິ່ນປົວ ແລະຮັກສາແກ້ໄດ້ຫຼາຍພະຍາດເຊັ່ນ: ດີກະເພາະລຳໄສ້, ລົງຂາວ, ປະດົງ, ເຮັດໃຫ້ກິນເຂົ້າແຊບນອນຫຼັບດີ ແລະອື່ນໆ ປະຈຸບັນຜະລິດຕະພັນຢານໍ້າດຳລາຄາຕຸກ 10 ພັນກີບ ແລະໄດ້ຜົນຕອບຮັບຈາກລູກຄ້າໄດ້ດີພໍສົມຄວນຕາມຮ້ານຂາຍຢາລວມທັງພາຍໃນ ແລະຕ່າງແຂວງ ສະເລ່ຍໜຶ່ງເດືອນຂາຍໄດ້ 10 ພັນກວ່າຕຸກ ໂດຍສະເພາະແຂວງທີ່ຍອດຈຳໜ່າຍຫຼາຍທີ່ສຸດແມ່ນທາງພາກເໜືອຊຶ່ງເປັນຢາທີ່ກິນງ່າຍບໍ່ເປັນຜົນກະທົບຕໍ່ສຸຂະພາບຮ່າງກາຍ.

  ທ່ານ ສົມພິດ ດວງດີ ໃຫ້ຮູ້ຕື່ມວ່າ: ຜະລິດຕະຢາພື້ນເມືອງລາວໃນປະຈຸບັນເກີດຂຶ້ນຫຼາຍໃນຕະຫຼາດຊຶ່ງບາງບ່ອນຍັງບໍ່ໄດ້ມາດຕະຖານທີ່ບໍ່ໄດ້ຜ່ານການກວດກາແຕ່ສຳ ລັບຜະລິດຕະພັນຂອງເຮົາແມ່ນມີເອກະສານຢັ້ງຢືນຜ່ານການກວດກາຈາກ ກອຢ ກະຊວງສາທາລະນະສຸກພ້ອມເນັ້ນຮັບປະກັນຄຸນນະພາບການບໍລິການຂາຍທີ່ດີຕໍ່ລູກຄ້າໂດຍຈຳໜ່າຍພ້ອມຮັບສົ່ງໃຫ້ເຖິງມືຂອງລູກຄ້າທົ່ວປະເທດພ້ອມນັ້ນຍັງໄດ້ເນັ້ນໃຫ້ມີຄຸນນະພາບມາດຕະຖານທີ່ສຸດໃນການຮັກສາສຳພັນທະມິດທີ່ດີຕໍ່ຜູ້ບໍລິໂພກ ແລະ ມີຄວາມຮັບຜິດຊອບຕໍ່ສັງຄົມ.

  ສຸດທ້າຍຢາກໃຫ້ຄົນລາວຜູ້ທີ່ຍັງບໍ່ເຄີຍກິນຢານໍ້າດຳເຮົາກໍ່ຢາກໃຫ້ລອງໃຊ້ເບິ່ງວ່າຜະລິດຕະພັນທີ່ຜ່ານຂະບວນການຜະລິດຂອງລາວວ່າມັນດີແທ້ພ້ອມທັງເປັນການສົ່ງເສີມສິນຄ້າຂອງລາວທີ່ໃຫ້ຄິດຄຳນຶ່ງສິນຄ້າຂະຫຍາຍອອກກ້າວໜ້າຮ້ານຂາຍຢາໃດທີ່ຢາກເປັນຕົວແທນກໍ່ສາມາດຕິດຕໍ່ຢານໍ້າດຳຂ້າພະເຈົ້າໄດ້ສະຖານທີ່ຕັ້ງຢູ່ບ້ານຫາດຊາຍຂາວ ເມືອງຫາດຊາຍຟອງ ນະຄອນຫຼວງວຽງຈັນ ໂທລະສັບ: 030 5546530 020,97243337.

------------

ຂຽນໂດຍ: ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์