ທີທີແອລຍັງຕ້ອງການມັນຕົ້ນຈຳນວນຫຼາຍ ເພື່ອປ້ອນໂຮງງານ

   ຕາມການລາຍງານຂອງ ທ່ານ ຕຸ້ຍ ອິນທະວົງ ຫົວໜ້າຜູ້ຈັດຫາວັດຖຸດິບເພື່ອປ້ອນໂຮງງານ TTL ວ່າ: ໂຮງງານຜະລິດແປ້ງມັນຕົ້ນ TTL ເມືອງບໍລິຄັນແຂວງບໍລິ ຄໍາໄຊ ສ້າງຕັ້ງຂຶ້ນຕັ້ງແຕ່ຕົ້ນປີ 2010 ປະຈຸບັນມີກໍາລັງແຮງການຜະລິດ 1200 ໂຕນ, ສາມາດຜະ ລິດແປ້ງມັນຕົ້ນໄດ້ 600 ໂຕນຕໍ່ມື້, ໃນໄລຍະຜ່ານມາທາງໂຮງ ງານແມ່ນໄດ້ລົງຊຸກຍູ້ພໍ່ແມ່ປະຊາຊົນເຊັ່ນ: ໂຄສະນາບຸກເບີກເນື້ອ ທີ່ທໍາການຜະລິດ ແລະ ສະໜອງແນວພັນໃຫ້ແກ່ພໍ່ແມ່ປະຊາຊົນເຫັນວ່າປະຊາຊົນບໍ່ສາມາດສົ່ງທຶນ ໃຫ້ແກ່ບໍລິສັດໄດ້, ສະນັ້ນທາງບໍລິສັດຈຶ່ງມີແນວທາງປ່ຽນແປງໃໝ່ໂດຍຮັບຊື້ມັນຕົ້ນຈາກປະຊາຊົນໂດຍມີລາຄາຮັບປະກັນ 400 ກີບ ຕໍ່ກິໂລ ປະຈຸບັນແມ່ນຮັບຊື້ 500 ກີບຕໍ່ກິໂລຕາມລາຄາສິນຄ້າທ້ອງຕະຫຼາດເລີ່ມຮັບຊື້ມັນຕົ້ນແຕ່ເດືອນຕຸລາຫາເດືອນເມສາທຸກໆປີ, ສໍາລັບປະຊາຊົນທີ່ນໍາເອົາມັນຕົ້ນມາຂາຍໃຫ້ມີ 5 ເມືອງ ຄື: ເມືອງບໍລິ ຄັນ, ປາກຊັນ, ປາກກະດິງ, ທ່າພະບາດ ແລະເມືອງທ່າໂທມມີມັນຕົ້ນສະໜອງໃຫ້ແກ່ໂຮງງານພຽງແຕ່ 300-400ໂຕນ/ມື້, ທາງໂຮງງານຍັງຕ້ອງການວັດຖຸດິບອີກ 200- 300 ໂຕນຕໍ່ມື້ ເພື່ອສະໜອງໃຫ້ແກ່ໂຮງງານຈຶ່ງຈະພຽງພໍຕາມຄວາມຕ້ອງການ.

  ທ່ານ ຟານ ເທນີງ ຮອງຜູ້ອໍານວຍການບໍລິສັດແປ້ງມັນຕົ້ນ TTL ຍັງໃຫ້ຮູ້ຕື່ມອີກວ່າ: ຍ້ອນເຫັນແນວທາງການປ່ຽນແປງໃໝ່ຂອງພັກ-ລັດ ກໍຄືປະຕິບັດຕາມມະຕິກອງປະຊຸມໃຫຍ່ຂອງອົງຄະນະພັກແຂວງ, ເມືອງ, ລົງສູ່ລວງເລິກຫັນເອົາວຽກງານກະສິກໍາລົງສູ່ຊົນນະບົດຮອບດ້ານ ແລະ ປະຕິບັດຕາມວຽກງານ 3 ສ້າງ ໃນການ ສ້າງບ້ານເປັນຫົວໜ່ວຍພັດທະນາໃຫ້ປະກົດຜົນເປັນຈິງເທື່ອລະກ້າວນັ້ນ ໃນຕໍ່ໜ້າທາງໂຮງງານຜະລິດແປ້ງມັນຕົ້ນຈະຂະຫຍາຍກໍາລັງແຮງການຜະລິດໃຫ້ຫຼາຍຂຶ້ນກ່ວາ ເກົ່າ ແລະ ລົງຊຸກຍູ້ສົ່ງເສີມໃຫ້ພໍ່ແມ່ນປະຊາຊົນຢູ່ເຂດຊົນນະບົດໃຫ້ຫັນມາເອົາການປູກມັນຕົ້ນໃຫ້ຫຼາຍຂຶ້ນຈະຊອກຫາຕະຫຼາດເປັນຕົວແທນໃຫ້ພໍ່ແມ່ປະຊາຊົນໃນການຈໍາໜ່າຍສິນຄ້າເຮັດໃຫ້ຄອບຄົວຂອງພໍ່ແມ່ປະຊາຊົນຫຼຸດພົ້ນອອກຈາກຄວາມທຸກຢາກເທື່ອລະກ້າວ.

__________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ບໍລິການໂຄສະນາທາງເຟສບຸກ ແລະເວັບໄຊ

ໂທ: 021 313645, 316511

แชร์