ພາຍຸໝາກເຫັບຕົກຢູ່ເມືອງສິງເສຍຫາຍ 3 ຮ້ອຍລ້ານກວ່າກີບ 1 ຄົນເສຍຊີວິດ

  ໃນຕອນເຊົ້າຂອງວັນທີ 29 ທັນວາ 2019 ນີ້, ທີ່ເມືອງສີງແຂວງຫຼວງນໍ້າທາໄດ້ເກີດມີລົມພາຍຸພັດແຮງ, ຝົນຕົກ ແລະໝາກເຫັບຕົກ,ເຮັດໃຫ້ເຮືອນຊານທີ່ຢູ່ອາໄສຂອງປະຊາຊົນ, ໂຮງງານ,ຫົວໜ່ວຍທຸລະກິດ, ຫ້າງຮ້ານຕ່າງໆ, ໂຮງຮຽນ , ຟາມລ້ຽງງົວ, ໂຮງງານປຣາສະຕີກ ແລະຜົນຜະລິດກະສິກຳເສຍຫາຍຫຼາຍພໍສົມຄວນ.

 ຕາມຂໍ້ມູນຈາກແຂວງຫຼວງນໍ້າທາ ເປີດເຜີຍໃຫ້ຮູ້ວ່າ: ນີ້ມີບ້ານທີ່ໄດ້ຮັບຄວາມເສຍຫາຍ 3 ບ້ານຄື: ບ້ານໂຮມໄຊ, ໜອງບົວ ແລະບ້ານນາຄໍາ ມີ 24 ຫຼັງຄາເຮືອນ, ເສຍຫາຍໜັກ 8 ຫຼັງຄາເຮືອນ, 24 ຄອບຄົວ, ໄພທຳມະຊາດທີ່ເກີດຂຶ້ນຄັ້ງນີ້ມີຜູ້ເສຍຊີວິດ 1 ຄົນ, ຖືກບາດເຈັບ 1 ຄົນ, ປະເມີນຜົນເສຍຫາຍເບື້ອງຕົ້ນທັງໝົດ 355 ລ້ານກີບ.

____________

ຂຽນໂດຍ: ສົມພອນ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์