ສູນລານິດ ວິທະຍາໄລເຕັກນິກຫຼວງພະບາງສ້າງບຸກຄະລາກອນອອກຮັບໃຊ້ສັງຄົມ

ສູນລານິດວິທະຍາໄລເຕັກນິກວິຊາຊີບແຂວງຫຼວງພະບາງໄດ້ຈັດພິທີມອບ-ຮັບໃບປະກາສະນີຍະບັດໃຫ້ແກ່ນັກສຶກສາທີ່ສຳເລັດການສຶກສາເມື່ອວັນທີ 27 ທັນວາ 2019 ຜ່ານມາ ທີ່ສູນດັ່ງກ່າວໂດຍເຂົ້າຮ່ວມເປັນປະທານ ແລະ ມອບໃບຂອງທ່ານ ບຸນທ່ຽງ ທິບສະຫວັນ ຜູ້ອຳນວຍການວິທະຍາໄລເຕັກນິກວິຊາຊີບແຂວງຫຼວງພະບາງ, ທ່ານ ທອງພັນ ທ່ຽງວັນ ນາທີ ຫົວໜ້າຂະແໜງການສຶກ ສານອກໂຮງຮຽນພະແນກສຶກສາ ທິການ ແລະກີລາແຂວງ, ທ່ານ ລີຊ່ຽວຊານດ້ານການຝຶກອົບຮົມຂອງໂຄງການລາວ/029, ມີຫົວໜ້າ-ຮອງຫົວໜ້າພະແນກການກ່ຽວຂ້ອງ, ພະນັກງານຄູ-ອາຈານ ແລະນ້ອງນັກສຶກສາເຂົ້າຮ່ວມຢ່າງພ້ອມພຽງ.

   ທ່ານ ນາງ ຈຸນລະຈັນ ແພງດີ ຜູ້ອຳນວຍການສູນລານິດວິທະຍາໄລເຕັກນິກວິຊາຊີບກ່າວລາຍງານໃຫ້ຮູ້ວ່າ: ລັດຖະບານລາຊະອານາຈັກລຸກຊຳບວກ ແລະປະເທດສະ ວິດເຊີແລນໄດ້ຮ່ວມມືກັບ ສປປ ລາວ ໃນການຈັດຕັ້ງປະຕິບັດໂຄງການທັກສັກສຳລັບວຽກງານທ່ອງທ່ຽວຊຶ່ງສົ່ງເສີມການປັບປຸງການພັດທະນາທັກສະແລະວິຊາຊີບໃນຂະ ແໜງການທ່ອງທ່ຽວ ແລະ ການໂຮງແຮມຢູ່ ສປປ ລາວດ້ວຍການຍົກລະດັບຄຸນນະພາບດ້ານສີມືແຮງງານໂດຍການໃຫ້ທຶນສະໜັບສະໜູນ ແລະ ການຄຸ້ມຄອງ, ເພື່ອສົ່ງເສີມຜູ້ດ້ວຍໂອກາດໃນການຮຽນຮູ້ທັກສະຕ່າງໆທີ່ຈຳເປັນໃນການຊອກວຽກເຮັດງານທຳຢູ່ໃນສະຖານທີ່ປະກອບການຂອງອຸດສາຫະກຳກໍ່ຄື: ໂຮງແຮມ,ຣີສອດ, ຮ້ານອາຫານ ແລະອຸດສາ ສປປ ລາວ ເວົ້າລວມເວົ້າສະເພາະແຂວງຫຼວງພະບາງ.

  ສຳລັບຫຼັກສູດການຝຶກອົບຮົມປະກອບມີ 3 ຫຼັກສູດຂອງງານວິຊາຊີບຄື: ການບໍລິການດ້ານອາຫານ ແລະ ເຄື່ອງດື່ມ, ການບໍລິການດ້ານການປຸງແຕ່ງອາຫານສາກົນ ແລະການບໍລິການທີ່ພັກແຮມ, ຫຼັກສູດນີ້ຍັງລວມມີການຝຶກອົບຮົມດ້ານຄວາມຮູ້ພື້ນຖານວິຊາພາສາອັງກິດສຳລັບການທ່ອງທ່ຽວ ແລະການໂຮງແຮມໂດຍຄຽງຄູ່ກັບວິຊາສະເພາະຄືການປະຕິບັດຕົວຈິງນຳອີກການຈັດຝຶກອົບຮົມລະດັບສາຍວິຊາຊີບລະດັບ 1ນີ້ແມ່ນມີຄວາມສອດຄ່ອງກັບຄວາມຮຽກຮ້ອງຕ້ອງການຂອງຕະຫຼາດແຮງງານໃນເມືອງ ແລະແຂວງຫຼວງພະບາງ ຢ່າງຊັດເຈນ, ສຳລັບການຝຶກອົມຮົມຄັ້ງນີ້ເປັນຊຸດທີ 6 ຊຶ່ງໃນນັ້ນຊຸດນີ້ມີນັກຮຽນທັງໝົດ 45 ຄົນ, ຍິງ 38 ຄົນ.

 ໂອກາດນີ້, ທ່ານ ບຸ່ນທ່ຽງ ທິບສະຫວັນ ໄດ້ມອບໃບປະກາສະນີຍະບັດໃຫ້ແກ່ນ້ອງນັກສຶກສາຈຳນວນ 45 ຄົນ ແລະໂອ້ລົມພ້ອມທັງຮຽກຮ້ອງມາຍັງນ້ອງນັກສຶກສາຈົ່ງໄດ້ພ້ອມກັນນຳເອົາຄວາມຮູ້ຄວາມສາມາດໄປເພີ່ມພູນປະກອບສ່ວນໃນການພັດທະນາ, ສ້າງເສດຖະກິດຂອງຕົນກໍ່ຄືຄອບຄົວ ແລະສັງຄົມ.

____________

ຂຽນໂດຍ:  ແຈັກກີ້
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์