ເມືອງໄຊທານີ ປະກາດ 3 ບ້ານວັດທະນະທໍາ

  ເມືອງໄຊທານີ ນະຄອນຫຼວງວຽງຈັນ (ນວ) ໄດ້ປະກາດຮັບຮອງເອົາບ້ານສົມສະໄໝ, ນາຂາວ ແລະບ້ານຫາດວຽງຄໍາ ກຸ່ມຫ້ວຍຈຽມ ເປັນບ້ານວັດທະນະທໍາແຫ່ງທີ 90, 91, 92 ຂອງເມືອງ ແລະເປັນແຫ່ງທີ 466, 467, 468 ຂອງນະຄອນຫຼວງວຽງຈັນ, ພິທີໄດ້ຈັດຂຶ້ນໃນວັນທີ 27 ທັນວາຜ່ານມາ ທີ່ໂຮງຮຽນປະຖົມບ້ານ ສົມສະໄໝ ໃຫ້ກຽດເຂົ້າຮ່ວມຂອງ ທ່ານ ພັນທະສອນ ພິມພັກດີ ຮອງຫົວໜ້າກົມວັດທະນະທໍາມະຫາຊົນກະຊວງຖະແຫຼງຂ່າວວັດທະນະທໍາ ແລະທ່ອງທ່ຽວ,ທ່ານ ວັນເພັງ ອິນທະວົງ ຮອງເຈົ້າເມືອງໄຊທາ ນີ, ທ່ານ ພອນຈັນ ແພງພູວັນ ຮອງຫົວໜ້າພະແນກຖະແຫຼງຂ່າວ ວັດທະນະທໍາ ແລະທ່ອງທ່ຽວ  ນວ, ມີນາຍບ້ານພໍ່ແມ່ປະຊາຊົນ 3 ບ້ານ ແລະແຂກຖືກເຊີນເຂົ້າຮ່ວມ.

ທ່ານ ສີສຸວັນ ພັນທະລັງສີ ເລຂາພັກກຸ່ມຮາກຖານບ້ານຫ້ວຍ ຈຽມ ໃຫ້ຮູ້ວ່າ: ກຸ່ມຫ້ວຍຈຽມ ປະກອບມີ 11 ບ້ານ ບ້ານປາກຊາບ ໃໝ່, ປາກຊາບເກົ່າ,ນາພອກ, ແສນອຸດົມ, ປ່າໄລ່, ດຸນອ່ຽນ, ເວີນ ແທ່ນ, ທ່າຈຳປາ, ນາຂາວ, ຫາດ ວຽງຄຳ ແລະບ້ານສົມສະໄໝ ໃນນີ້ ຜ່ານມາໄດ້ປະກາດເປັນບ້ານວັດທະນະທຳແລ້ວ 6 ບ້ານ ຍັງ ຈຳນວນ 5 ບ້ານ ແລະຄັ້ງນີ້ໄດ້ປະ ກາດບ້ານວັດທະນະທຳແມ່ນ 3 ບ້ານ (ສົມສະໄໝນາຂາວ ຫາດ ວຽງຄຳ) ຊຶ່ງຜ່ານການລົງຕິດຕາມ ກວດກາປະເມີນຜົນເຫັນວ່າທັງ 3 ບ້ານມີເງື່ອນໄຂຄົບຖ້ວນທີ່ຈະສ້າງເປັນບ້ານວັດທະນະທຳອີງ ໃສ່ຈຸດພິເສດດັ່ງກ່າວໄດ້ເປັນສິ່ງ ອຳນວຍຄວາມສະດວກເປັນທ່າ ແຮງສຳຄັນປະກອບສ່ວນໃຫ້ແກ່ ການພັດທະນາທາງດ້ານການ ເມືອງແນວຄິດປ້ອງກັນຊາດ-ປ້ອງ ກັນຄວາມສະຫງົບ ແລະການພັດທະນາເສດຖະກິດ-ສັງຄົມຂອງ ເມືອງໄຊທານີ ກໍຄືນະຄອນຫຼວງ ວຽງຈັນ.

  ໂຄງການສ້າງຄອບຄົວ ແລະ ບ້ານວັດທະນະທຳຢູ່ 3 ບ້ານ ໄດ້ເລີ່ມຈັດຕັ້ງປະຕິບັດມາແຕ່ປີ 2008-2019 ໂດຍອີງໃສ່ 5 ມາດຖານ ແລະ5 ບາດກ້າວທີ່ໄດ້ກຳນົດໄວ້,ຜ່ານການຈັດຕັ້ງປະຕິບັດໂຄງການ ເຫັນວ່າບ້ານນາຂາວ ມີຈຳນວນ 447 ຄອບຄົວໃນນີ້ມີຄອບຄົວ ທີ່ໄດ້ຮັບໃບຢັ້ງຢືນຄອບຄົວວັດທະນະທຳແລ້ວ 447 ຄອບຄົວ ເທົ່າ ກັບ 100%, ສ່ວນບ້ານຫາດວຽງ ຄຳມີ 55 ຄອບຄົວ ໄດ້ຮັບໃບຢັ້ງຢືນຄອບຄົວວັດທະນະທຳແລ້ວ 100%,ບ້ານສົມສະໄໝ ມີ 265 ຄອບຄົວ ໄດ້ຮັບໃບຢັ້ງຢືນຄອບຄົວວັດທະນະທຳແລ້ວ 258 ຄອບຄົວ ເທົ່າກັບ 97%.

ໃນພິທີດັ່ງກ່າວທ່ານ ພອນຈັນ ແພງພູວັນ ໄດ້ໃຫ້ກຽດມອບໃບຢັ້ງ ຢືນບ້ານວັດທະນະທຳພ້ອມທັງ ມອບແຄນເປັນຂອງຂວັນ ແລະ ທ່ານ ພັນທະສອນພິມພັກດີ ໃຫ້ ກຽດມອບຂອງຂວັນເງິນສົດໃຫ້ ກັບ 3 ບ້ານ ທີ່ຖືກຮັບຮອງເປັນ ບ້ານວັດທະນະທຳຄັ້ງນີ້ບ້ານລະ 5 ແສນກີບ.

แชร์