5 ເຄັດລັບໃນການຖ່າຍຮູບ PORTRAIT ໃຫ້ດີທີ່ສຸດ

   Portrait ຫຼືການຖ່າຍຮູບບຸກຄົນເປັນປະເພດການຖ່າຍຮູບຍອດນິຍົມສຳລັບຄົນທຸກເພດທຸກໄວບໍ່ວ່າຈະເປັນການຖ່າຍເຊລຟີຄອບຄົວ ແລະລັກຖ່າຍຄົນແປກໜ້າສັງເກດໄດ້ວ່າເຮົາຈະໂພສພາບ Portrait ລົງໂຊຊຽວກັນຢູ່ທຸກວັນແຕ່ຈະເຮັດແນວໃດໃຫ້ຮູບເຮົາໂດດເດັ່ນກວ່າໝູ່ລອງໄປເຮັດຕາມຄຳແນະນຳໃນບົດຄວາມນີ້ເບິ່ງ.

  1. ປ່ຽນມູມມອງຂອງພາບ: ເນື່ອງຈາກມູມມອງຄືສິ່ງສຳຄັນຢ່າງໜຶ່ງທີ່ຕ້ອງຄຳນຶງເວລາຖ່າຍຮູບສ່ວນໃຫຍ່ເຮົາມັກຖືກ້ອງ ແລະຖ່າຍຮູບທີ່ລະດັບສາຍຕາ face to face ກັບຕົວແບບແຕ່ເຮົາສາມາດປ່ຽນມູມມອງໄດ້ເຊັ່ນຖ່າຍໂດຍຫຍໍ້ຫົວເຂົ່າລົງຂ້າງໜຶ່ງນອນຖ່າຍກັບພື້ນຫຼືຈະຫາຕັ່ງອີ້ຂຶ້ນໄປຢືນຖ່າຍກໍຈະໄດ້ມູມມອງໃໝ່ໆຈາກດ້ານເທິງແດ່ 2. ຖ່າຍ Candid: ຮູບ Portrait ຈະເບິ່ງງາມເມື່ອຕົວແບບມີຄວາມເປັນທຳມະຊາດປົກກະຕິຄົນທີ່ຖືກຖ່າຍກໍມັກມີຄວາມກັງວົນເວົ້າງ່າຍໆຄືໃຫ້ຕົວແບບສົນໃຈທີ່ອື່ນ ແລະບໍ່ຫັນແນມກ້ອງຍົກຕົວຢ່າງເດັກນ້ອຍກຳລັງຫຼິ້ນຕ້ອງຮີບຖ່າຍໃຫ້ທັນເພື່ອຄວາມສົດໃສຍັງຄົງປາກົດໃນຮູບຫຼືຢາກຖ່າຍ Portrait ໝູ່ເພື່ອນຫຼາຍໆຄົນກໍໃຫ້ທຸກຄົນຫັນແນມກັນ ແລະກັນຊຶ່ງຈະຊ່ວຍໃຫ້ເກີດຮອຍຍິ້ມ ແລະສຽງຫົວກັນຢ່າງເປັນທຳມະຊາດກວ່າການຫັນແນມກ້ອງ ແລະຫຼຸດຄວາມກັງວົນຈາກການຖືກຖ່າຍໄດ້ 3. ໃຊ້ເລນທີ່ຫຼາກ ຫຼາຍ: ເລນທີ່ໃຊ້ຖ່າຍ Portrait ປົກກະຕິຈະໃຊ້ເລນ 50 ມມເຖິງ 85 ມມ ທີ່ໃຫ້ພາບໃກ້ຄຽງກັບສາຍຕາຂອງເຮົາເປັນຫຍັງບໍ່ລອງໃຊ້ເລນ 24 ມມ ເບິ່ງແນ່ນອນວ່າຈະພົບ distortion ບິດເບືອນຮ່າງກາຍຂອງຕົວແບບເພາະເລນແຕ່ລະຊະນິດຈະໃຫ້ພາບທີ່ມີເອກະລັກ ແລະຄວາມໂດດເດັ່ນຕ່າງກັນ 4. ໃຊ້ Prop ປະກອບ: ໃນການຖ່າຍ Portrait ເມື່ອທ່ານນຶກບໍ່ອອກກໍໃຫ້ໃຊ້ພຣອພດີໆເປັນຕົວຊ່ວຍບາງຄັ້ງເປັນສິ່ງນ້ອຍໆທີ່ຫາໄດ້ງ່າຍເຊັ່ນຈອກນ້ຳຫຼືສາຍສີດນ້ຳໂດຍປົກກະຕິຜູ້ຄົນຈະມັກຫຼິ້ນກັບສິ່ງຂອງເຫຼົ່ານີ້ຈົນເກີດຄວາມມ່ວນຊື່ນ ແລະດຶງຕົວຕົນຂອງຕົວແບບອອກ ມາໄດ້ 5. ເບິ່ງຂ້າມໃບໜ້າໄປແດ່: ການບໍ່ຖ່າຍຕິດໃບໜ້າຂອງຕົວແບບກໍເປັນອີກວິທີທີ່ຈະອອກນອກກອບການຖ່າຍ Portrait ແບບເດີມໆອາດບໍ່ຕ້ອງປົກປິດໃບໜ້າຕົວແບບທັງໝົດກໍໄດ້ຖ່າຍໂດຍເຫັນເຄິ່ງໜ້າຂອງເຂົາຫຼືຈະຄິດວ່າຕົວແບບທີ່ຖ່າຍນັ້ນມີຄວາມໜ້າສົນໃຈທີ່ສ່ວນອື່ນໆໃນຮ່າງກາຍຍົກຕົວຢ່າງຕົວແບບທີ່ມີເສັ້ນຜົມທີ່ງາມກໍຈັດຊົງຜົມໃຫ້ບັງໃບໜ້າແດ່ກໍໄດ້.

ຢ່າຈຳກັດການຖ່າຍພາບແຕ່ພຽງດ້ານໜ້າຂອງຕົວແບບລອງໃຫ້ຕົວແບບຫັນຫຼັງໃຫ້ເຮົາ ແລະຖ່າຍພາບກໍໄດ້ກໍເປັນການດຶງບຸກຄະລິກອາລົມ ແລະຄວາມຮູ້ສຶກອີກແບບໜຶ່ງໃນພາບຖ່າຍໄດ້ເໝືອນກັນ.

แชร์