ໂຮງງານຜະລິດຢາເລກ 3 ນຳສະເໜີເຄື່ອງໝາຍກວດການຄ້າຍີ່ຫໍ້ໃໝ່

   ວັນທີ 26 ທັນວາ 2019 ບໍລິສັດລັດວິສາຫະກິດໂຮງງານຜະລິດຢາເລກ 3 ໄດ້ຈັດພິທີນຳສະເໜີເຄື່ອງໝາຍການຄ້າຍີ່ຫໍ້ໃໝ່ PDC 3 ເພື່ອປຽນແທນໃຫ້ເຄື່ອງ ໝາຍການຄ້າເກົ່າ ຫຼືເອີ້ນຢ່າງໜຶ່ງວ່າງານເປີດໂຕພາຍໃນຍີ່ຫໍ້າສິນຄ້າທັງເປັນການປັບໂຕໃນການກ້າວເຂົ້າສູ່ຍຸກພັດທະນາອຸດສາຫະກໍາ 4.0-5.0 ແລະເປັນການສືບຕໍ່ພັດທະນາທຸລະກິດຕາມຈຸດປະສົງຂອງບໍລິສັດລັດວິສາຫະກິດໂຮງງານຜະລິດຢາເລກ 3.

  ໂດຍເປັນກຽດເຂົ້າຮ່ວມຂອງທ່ານ ດຣ ບຸນແຝງ ພູມມະໄລສິດ ຮອງລັດຖະມົນຕິກະຊວງສາທາລະນະສຸກ, ປະທານສະພາບໍລິຫານລັດວິສາຫະກິດໂຮງງານຜະລິດຢາເລກ 3, ທ່ານ ດຣ ປອກເມກ ດາລາລອຍ ອະດິດລັດຖະມົນຕີກະຊວງສາທາລະນະສຸກ,ທ່ານ ລາຫຸນ ຈັນທະບຸດ ຜູ້ອໍານວຍການບໍລິສັດວິສາຫະກິດໂຮງງານຜະລິດຢາເລກ 3, ມີບັນດາ ປະທານສະພາວິຊາຊີບ, ການແພດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

  ທ່ານ ລາຫຸນ ຈັນທະບຸດ ໃຫ້ຮູ້ວ່າ: ບໍລິສັດລັດວິສາຫະກິດໂຮງງານຜະລິດຢາເລກ 3 ເປັນໜຶ່ງໃນຫຼາຍບໍລິສັດທີ່ນໍາໜ້າດໍາເນີນທຸລະກິດຜະລິດ ແລະຈໍາໜ່າຍຢາຜະ ລິດຕະພັນການແພດ, ທີ່ມີຖານະການເງິນທີ່ໝັ້ນຄົງ,ມີຜະລິດຕະພັນທີ່ມີຄຸນນະພາບສູງ,ມີບຸກຄະລາກອນທີ່ມີຄວາມຊໍານີຊໍານານເປັນມືອາຊີບ ແລະມີລະບົບບໍລິຫານຈັດການທີ່ດີ, ມີລູກຄ້າທີ່ກວ້າງຂວາງທັງພາຍໃນ ແລະຕ່າງປະເທດຊຶ່ງມາຮອດປະຈຸບັນທາງບໍລິສັດສາມາດສ້າງໄດ້ຫຼາຍກວ່າ 150 ລາຍງານທັງເປັນຢາຫຼວງ ແລະຢາພື້ນເມືອງ ສາມາດສ້າງຍອດຂາຍບໍ່ຕໍ່າກວ່າ 25 ຕື້ ກີບຕໍ່ປີ ແລະ ປະກອບພັນທະຕໍ່ລັດລວມທັງກໍາໄລປັນຜົນບໍ່ຕໍ່າກວ່າ 2.5 ຕື້ກີບ ຕໍ່ປີໃຫ້ແກ່ງົບປະມານລັດນອກນັ້ນບໍລິສັດຍັງເປັນສູນພັດທະນາບຸກຄະລາກອນໃນຫຼາຍສາຂາອາຊີບໃຫ້ທັງພາກລັດ ແລະ ເອກະຊົນເປັນຕົ້ນ: ນັກຮຽນ, ນັກສຶກສາການຢາ, ມີຂະແໜງບັນຊີ, ການເງິນ, ການບໍລິຫານທຸລະກິດການຕະຫຼາຍ, ຊ່າງກົນຈັກໄຟຟ້າ, ເອເລັກໂທຼນິກ ແລະອື່ນໆ.

 ດັ່ງທີ່ຮູ້ນໍາກັນແລ້ວວ່າ: ການດໍາເນີນທຸລະກິດ, ການພົວພັນຊື້-ຂາຍສິນຄ້າມັນມີຂອບເຂດທີ່ກວ້າງຂວາງ ແລະເຊື່ອມຕົວເຂົ້າກັບວົງສະໝອງຂອງໂລກທີ່ມີການແຂ່ງຂັນທີ່ນັບມື້ນັບດຸເດືອດຈິ່ງມີຄວາມຈໍາເປັນທີ່ບໍລິສັດວິສາຫະກິດໂຮງງານຜະລິດຢາເລກ 3 ຈະຕ້ອງມີການປັບຕົວໃຫ້ທັນກັບກະແສຂອງການປ່ຽນແປງຂອງໂລກສະນັ້ນການສ້າງສັນ ແລະມີວັດຕະກໍາໃສ່ຊື່ໃໝ່ນີ້ເພື່ອສະໜອງຜະລິດຕະພັນຢາຄຸນນະພາບໃຫ້ແກ່ໂຮງໝໍ, ຄຼິນິກ, ຮ້ານຢາ ແລະ ການສົ່ງອອກຕ່າງປະເທດເພື່ອເປັນການນໍາເອົານະວັດຕະກໍາການຢາດ້ານການແພດ ແລະການປິ່ນປົວຂອງຄົນລາວອອກສູ່ສັງຄົມ.

____________

ຂຽນໂດຍ: ວົງມະນີ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์