ສວນພຶກສາ ວາງສະແດງຜະລິດຕະພັນຊົນເຜົ່າ

  ວັນທີ 27 ທັນວາ 2019 ສວນພຶກສາໄດ້ຈັດວາງສະແດງສິລະປະວັນນະຄະດີ ແລະຜະລິດຕະພັນຊົນເຜົ່າເປັນກຽດເຂົ້າຮ່ວມທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ, ທ່ານ ຄໍາມະນີ ອິນທິລາດ ລັດຖະມົນຕີກະຊວງພະລັງານ ແລະ ບໍ່ແຮ, ທ່ານ ພູວົງ ພະມີສິດ ປະທານສວນພຶກສາບັນດາທ່ານຈາກພາກ ສ່ວນກ່ຽວຂ້ອງເຂົ້າຮ່ວມ.

 ທ່ານ ພູວົງ ພະມີສິດ ກ່າວວ່າ: ຂ້າພະເຈົ້າຮູ້ເປັນກຽດຢ່າງຍິງທີ່ພັກລັດໄດ້ເລືອກເອົາສະຖານທີ່ແຫຼ່ງນີ້ເປັນບ່ອນຈັດວາງສະແດງສິລະປະວັນນະຄະດີ ແລະ ຜະລິດຕະ ພັນຊົນເຜົ່າຊຶ່ງປີນີ້ເປັນຄັ້ງທຳອິດທີ່ພວກເຮົາຮ່ວມຈັດວາງສະແດງພ້ອມຈະຮັບໃຊ້ຢ່າງສຸດໃຈໃນນີ້ແມ່ນຈະດຳເນີນແຕ່ວັນທີ 27-29 ທັນວາ ໂດຍໄດ້ເຕົ້າຮ່ວມເອົາບັນດາຊົນເຜົ່າຕ່າງໆທັງໝົດມີ 10ຊົນເຜົ່າເຂົ້າມາວາງສະແດງຜະລິດຕະພັນຫຼາຍຢ່າງທີ່ເປັນເອກະລັກຂອງແຕ່ລະທ້ອງຖິ່ນບໍ່ວ່າຈະເປັນອາຫານພື້ນບ້ານ,ເຄື່ອງໃຊ້ອຸປະໂພກ, ເຄື່ອງນຸ່ງຮົ່ມ, ແພໄໝບູຮານ ແລະອື່ນໆ.

 -----------

  ສວນພຶກສາແຫ່ງນີ້ນອກຈາກເປັນແຫຼ່ງທ່ອງທ່ຽວທາງດ້ານທຳມະຊາດ ແລະວັດທະນະທຳລາວແລ້ວພ້ອມນີ້ຍັງໄດ້ສ້າງວຽກເຮັດງານໃຫ້ແກ່ປະຊາຊົນທີ່ຢູ່ໃກ້ຄ່ຽງໂດຍສະເພາະຊົນເຜົ່າມົ້ງ, ກຶມມຸ, ເຜົ່າລາວ ແລະເຜົ່າບຣູນອກນີ້ຍັງເປັນບ່ອນທັດສະນະນັກຮຽນ, ນັກສຶກສາທີ່ໃຫ້ຄວາມຮູ້ອີກດ້ວຍ ແລະສິງທີ່ພົ້ນເດັ່ນທີ່ສຸດແມ່ນຫໍພິພິຊົນ ເຜົ່າ, ມີເຮືອນຊົນເຜົ່າຈຳນວນ 11 ຊົນເຜົ່າ ແລະພ້ອມຈະສືບຕໍ່ສ້າງເຮືອນຊົນເຜົ່າອື່ນໆໃຫ້ຄົບ 50 ຊົນເຜົ່າຂອງລາວເພື່ອເປັນບ່ອນຮັກສາວັດທະນະທຳຮີດຄອງປະເພ ນີອັນດີງາມໃຫ້ແກ່ລຸ້ນຫຼັງໄວ້ສືບທອດຕໍ່ໄປ.

__________

ຂຽນໂດຍ:  ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์