ທົ່ວປະເທດມີພະສົງ-ສາມະເນນ 26 ພັນກວ່າອົງ

  ພະສົງໝາຍເຖິງກຸ່ມຄົນທີ່ຟັງຄຳສອນຂອງພະພຸດທະເຈົ້າ ແລ້ວປະຕິບັດຖືກຕ້ອງຕາມພະທຳວິໄນ ຫຼື ໝູ່ສາວົກຂອງພະພຸດທະເຈົ້າ,ຊຶ່ງປະຈຸບັນທົ່ວປະເທດມີພະສົງ-ສາມະເນນທັງໝົດ 26.661 ອົງ ໃນນີ້ພະສົງ 10.093 ອົງ ແລະສາມະເນນ 16.568 ອົງ;ມີພໍ່ຂາວ-ແມ່ຂາວ 724 ຕົນ ແລະ ມີວັດ4.765 ວັດ.

ພະຍອດຄໍາພັດທະຣະເກສີດໍາລົງ ພົມມະຈັກ ຫົວໜ້າຫ້ອງການບໍລິຫານງານສູນກາງ ອພສ ລາຍງານຕໍ່ກອງປະຊຸມຄົບຄະນະກັມມະການສູນກາງອົງການພຸດທະສາດ ສະໜາສັມພັນແຫ່ງ ສປປ ລາວ (ອພສ) ປະຈໍາປີ 2019 ໃຫ້ຮູ້ວ່າ: ພະສົງ ຫຼື ສາມະເນນໝາຍເຖິງກຸ່ມຄົນທີ່ຟັງຄຳສອນຂອງພະພຸດທະເຈົ້າແລ້ວປະຕິບັດຖືກຕ້ອງຕາມພະທຳວິໄນ ຫຼືໝູ່ສາວົກຂອງພະພຸດ ທະເຈົ້າ,ຊຶ່ງໃນໜຶ່ງປີຜ່ານມາຄະນະກັມມະການປົກຄອງສົງຂັ້ນສູງກາງລົງຮອດທ້ອງຖິ່ນໄດ້ເອົາໃຈໃສ່ຈັດຕັ້ງປະຕິບັດວຽກງານຕາມພາລະບົດບາດ, ສິດ ແລະ ໜ້າທີ່ຮັບຜິດຊອບຂອງຕົນກໍຄືຕັ້ງໜ້າປັບປຸງ, ບູລະນະຂໍ້ກໍານົດກົດລະບຽບ, ແບບແຜນວິທີການເຮັດວຽກຕ່າງໆໃນການປົກຄອງພະສົງ

ທົ່ວປະເທດ ແລະຄຸ້ມຄອງພະພຸດທະສາສະໜາເພື່ອຮັບປະກັນຄວາມສັກສິດ, ຄວາມເປັນລະບຽບຮຽບຮ້ອຍຂອງພະສົງລາວ, ຊຶ່ງຜ່ານການຈັດຕັ້ງປະຕິບັດໄດ້ເຮັດໃຫ້ພະ ສົງ-ສາມະເນນຢືດໝັ້ນ ແລະ ປະຕິບັດຕາມພະທັມວິໄນຄໍາສັ່ງສອນຂອງສັມມາສັມພຸດທະເຈົ້າ ແລະ ກິດຈະວັດຂອງຕົນຢ່າງມີວິໄນຂຶ້ນຕື່ມໂດຍອີງໃສ່ທັມມະນູນສົງເປັນຫຼັກໃນການຈັດຕັ້ງປະຕິບັດຕົວຈິງ, ພ້ອມທັງໄດ້ຍົກສູງຄຸນ ນະພາບພະນັກງານບຸກຄະລາກອນປົກຄອງສົງໃຫ້ມີຄວາມຮູ້ຄວາມສາມາດໃນການປະຕິບັດໜ້າທີ່ວຽກງານທີ່ສູນກາງອົງການພຸດທະສາສະໜາສໍາພັນແຫ່ງ ສປປ ລາວ ໄດ້ມອບໝາຍໃຫ້ຢ່າງສຸດຄວາມສາມາດປະຕິບັດໜ້າທີ່ດ້ວຍຄວາມຫ້າວຫັນ ແລະ ເອົາໃຈໃສ່ຕໍ່ໜ້າທີ່ວຽກ ງານຂອງຕົນ.

ນອກຈາກນີ້ໃນ 1 ປີຜ່ານມາຄະນະກັມມະການປົກຄອງສົງຍັງໄດ້ເອົາໃຈໃສ່ໃນການຈັດຕັ້ງປະຕິບັດເຜີຍແຜ່ວຽກງານຂໍ້ກໍານົດກົດລະບຽບ, ທັມມະນູນປົກຄອງໃຫ້ຄະນະ ອພສ ເມືອງ ແລະແຂວງຕ່າງໆໄດ້ຮັບຮູ້, ພ້ອມທັງໄດ້ຈັດຈໍາໜ່າຍປຶ້ມສໍາມະໂນ, ປຶ້ມສຸດທິ ແລະ ເກັບກໍາສະຖິຕິພະສົງ, ຊຶ່ງໃນປະຈຸບັນທົ່ວປະເທດມີພະສົງ-ສາມະເນນ ທັງໝົດ 26.661 ອົງ (ພະສົງ 10.093 ອົງ ແລະ ສາມະເນນ 16.568 ອົງ), ພໍ່ຂາວ-ແມ່ຂາວ 724 ຕົນ, ມີ 4.765 ວັດ (ວັດທີ່ພະສົງໃສຢູ່ 3.401 ວັດ ແລະ ວັດທີ່ບໍ່ມີພະສົງຢູ່ 648 ວັດ), ມີ ໂຮງຮຽນສົງ 54 ແຫ່ງ, ມີນັກຮຽນສົງ 8.656 ອົງ.

_____________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

ບໍລິການໂຄສະນາທາງເຟສບຸກ ແລະເວັບໄຊ

ໂທ: 021 313645, 316511

 

แชร์