ຄາເຟ່ ອາເມຊອນ ໄດ້ຈັດງານຈັບລາງວັນຄົ້ນຫາລູກຄ້າຜູ້ໂຊກດີທີ່ຮ້ານ ຄາເຟ່ ອາເມຊອນ ສາຂາໂພນຕ້ອງ ເມືອງຈັນທະບູລີ ນະຄອນຫຼວງວຽງຈັນ ໃນວັນທີ 27 ທັນ ວາ 2019 ເພື່ອເປັນການຄືນກໍາໄລໃຫ້ແກ່ລູກຄ້າຄາເຟ່ອາເມຊອນ ທົ່ວປະເທດ, ໂດຍມີ ທ່ານ ມົນໄຊ ບຸນອີ່ມ ຜູ້ອໍານວຍການບໍລິສັດ ພີທີທີ(ລາວ) ຈໍາກັດ, ທ່ານ ວິສານ ຊາວະລິດຕານົນປະທານກຳມະການບໍລິສັດ ພີທີທີ (ລາວ) ຈຳກັດ, ທ່ານ ວັນສະຫວ່າງ ສີຄຳແພງ ຜູ້ບໍລິຫານທຸລະກິດຄາເຟ່ອາເມຊອນ, ພ້ອມດ້ວຍແຂກຖືກເຊີນ ແລະພາກສ່ວນກ່ຽວຂ້ອງເຂົ້າຮ່ວມ.
ທ່ານ ມົນໄຊ ບຸນອີ່ມ ກ່າວວ່າ: ການຈັບລາງວັນຄັ້ງນີ້ກໍເພື່ອເປັນການຄືນກໍາໄລໃຫ້ແກ່ລູກຄ້າຜູ້ໂຊກດີສົ່ງທ້າຍປີ ເພື່ອມອບເປັນຂອງຂວັນເປັນການຂອບໃຈລູກຄ້າທີ່ເຊື່ອ ໝັ້ນ ແລະເຂົ້າມາໃຊ້ບໍລິການຕະຫຼອດມາ ແລະຫວັງວ່າຄາເຟ່ອາເມຊອນຈະຍັງຢູ່ໃນໃຈລູກຄ້າແບບນີ້ຕະຫຼອດໄປ; ສໍາລັບການຈັບລາງວັນໃນຄັ້ງນີ້ລວມມີ 3 ປະເພດຄື: ລາງວັນລົດຈັກ Honda Zoomer-X ຈໍານວນ 2 ຄັນ, ລາງວັນດື່ມເຄື່ອງດື່ມລ້າ 1 ເດືອນ 3 ລາງວັນ ແລະລາງວັນຂອງທີ່ລະລຶກ 5 ລາງວັນ.
ຜ່ານການຈັບສະຫຼາກຜູ້ໂຊກດີໄດ້ຮັບລາງວັນລົດຈັກ Honda Zoomer-X ແມ່ນທ້າວ ແສງເພັດ ດາວັນ ບ້ານທາດຫຼວງໃຕ້ ເມືອງໄຊເສດຖາ ນະຄອນຫຼວງວຽງ ຈັນ ແລະນາງ ແສງວິໄລຈິກ ສີສົມພອນ ບ້ານນາຍາວ ເມືອງ ແລະແຂວງໄຊຍະບູລີ; ສ່ວນລາງວັນເຄື່ອງດື່ມລ້າຜູ້ໂຊກດີແມ່ນຢູ່ ນະຄອນຫຼວງວຽງຈັນ ໃນນີ້ມີນາງ ຕຸນີ່ ທອງອ່ອນ ບ້ານຂົວຫຼວງ ເມືອງໄຊເສດຖາ,ນາງ ພວງເພັດ ຄໍາສະຫວາດ ບ້ານໂພຕ້ອງ ເມືອງຈັນທະບູລີ ແລະນາງ ຍຸວະນັນ ພົມພັກດີ ບ້ານທ່າແຂກ ເມືອງຫາດຊາຍຟອງ.
ສໍາລັບລາງວັນຂອງທີ່ລະລຶກມີນາງຄໍາສອນ ສີວົງສາ ເມືອງທ່າແຂກ ແຂວງຄໍາມ່ວນ, ທ້າວ ຈະເລີນພອນ ຫຼວງສີສົງຄາມ ເມືອງຈັນທະບູລີ, ທ້າວ ພູທອນ ວໍລະເພັດ ເມືອງໄຊເສດຖາ, ນາງ ຄໍາແພງ ຂັນພົງພານ ແລະທ້າວ ສຸກສະຫວັນ ວິໄລວົງ ຊຶ່ງທັງສອງຢູ່ເມືອງສີໂຄດຕະບອງ.
ຜູ້ອໍານວຍການບໍລິສັດ ພີທີທີ (ລາວ) ຈໍາກັດ ໃຫ້ຮູ້ຕື່ມວ່າ: ປະຈຸບັນ ໃນທົ່ວປະເທດມີສາຂາຄາເຟ່ອາເມຊອນທັງໝົດ 65 ສາຂາ, ໃນປີ 2019 ນີ້ ຄາເຟ່ອາເມຊອນ ໄດ້ມອບລາງວັນລົດຈັກ Honda Zoomer- X ຈຳນວນ 5 ລາງວັນ, ລາງວັນດື່ມເຄື່ອງດື່ມຟຣີ ແລະຂອງທີ່ລະນຶກຕ່າງໆອີກຫຼາກຫຼາຍລວມມູນຄ່າຫຼາຍກວ່າ 100 ລ້ານກີບ.
___________
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ
ບໍລິການໂຄສະນາທາງເຟສບຸກ ແລະເວັບໄຊ
ໂທ: 021 313645, 316511
App: 020 58707444
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |