ຫົວເຫວີຍໂນວ້າ 6 5 ຈີ ມາພ້ອມກ້ອງເຊລຟີ່ດີທີ່ສຸດ

  ຫຼັງຈາກສະມາດໂຟນ Huawei Nova 6 5G ໄດ້ຮັບການເປີດ ໂຕທາງການ DXOMARK ຜູ້ຊ່ຽວຊານໃນການທົດສອບກ້ອງກໍ ປ່ອຍຣີວິວກ້ອງຂອງ Nova 6 5G ອອກມາທັນທີ ໂດຍເປັນການຣີວິວ ສະເພາະກ້ອງເຊລຟີ່ ແລະໄດ້ຄະ ແນນສູງທີ່ສຸດໃນໝວດໝູ່ກ້ອງ ເຊລຟີ່.

ກ້ອງເຊລຟີ່ຂອງ Huawei Nova 6 5G ໄດ້ຮັບ 100 ຄະແນນຈາກການທົດສອບຂອງ DX OMARK ເສືອນ Samsung Galaxy Note 10+ ທີ່ເຄີຍໄດ້ 99 ຄະແນນ ແລະASUS Zen Fone 6 ເຄີຍໄດ້ 98 ຄະແນນເຮັດໃຫ້ Nova 6 5G ເປັນສະມາດໂຟນທີ່ມີກ້ອງເຊລຟີ່ ດີທີ່ສຸດເທົ່າທີ່ DXOMARK ເຄີຍ ທົດສອບມາ.

  Huawei Nova 6 5G ມາພ້ອມກ້ອງຄູ່ເຊລຟີ່ຕິດຕັ້ງໄວ້ຢູ່ມູມຂວາເທິງຂອງຈໍສະແດງຜົນພາຍ ໃນຫຼຸມຮູບຊົງແຄປຊູລ ໂດຍກ້ອງ ຫຼັກມີຄວາມລະອຽດ 32 ລ້ານພິກເຊລຂະໜາດເຊນເຊີ ½,8 ນິ້ວ ທຽບເທົ່າເລນ 26 ມມ ຮູຮັບແສງ f/2,2 ສ່ວນກ້ອງຕົວທີສອງເປັນກ້ອງມູມກວ້າງ ແລະຍັງຊ່ວຍຈັບໄລຍະຊັດເລິກດ້ວຍນອກຈາກນີ້ ກ້ອງເຊລຟີ່ຂອງ Nova 6 5G ຍັງສາມາດບັນທຶກວິດີໂອຄວາມ ລະອຽດ 4K 2160p ດ້ວຍອັດ ຕາ 30 ເຟຣມຕໍ່ວິນາທີ.

DXOMARK ບອກວ່າກ້ອງ ເຊລຟີ່ຂອງ Huawei Nova 6 5G ໃຫ້ສີສັນຂອງໂທນສີຜີວອອກມາດີ ໃຫ້ລາຍລະອຽດພາບດີຫຼາຍຈຸດລົບກວນບົນພາບຖ່າຍຢູ່ໃນລະດັບຕໍ່າ ແມ່ນແຕ່ເປີດແຟລຊ  ແລະການເປີດ ຮັບແສງເຮັດໄດ້ຢ່າງແນ່ນອນ.

ຂໍ້ດ້ອຍກໍມີເໝືອນກັນ DXO MARK ພົບວ່າເມື່ອຖ່າຍເຊລຟີ່ ໃນອາຄານທີ່ມີແສງສະວ່າງຈະພົບວ່າພາບຖ່າຍອອກໄປໃນໂທນ ສີເຫຼືອງ/ຂຽວ ແຕ່ກໍເປັນບາງຄັ້ງການຖ່າຍພາບເຊລຟີ່ແບບກຸ່ມໃນໄລຍະໃກ້ພົບວ່າມີການຫຼຸດໂຟກັສເລັກນ້ອຍ ແລະໃນບາງຄັ້ງກໍພົບ ວ່າສີຜີວສູນເສຍລາຍລະອຽດ ແລະ ເບິ່ງບໍ່ເປັນທຳມະຊາດ.

แชร์