ເມືອງພູວົງ ປະກາດບ້ານວັດທະນະທຳ ແຫ່ງທີ 12

  ບ້ານລະມອງ ເມືອງພູວົງ ເປັນອີກບ້ານໜຶ່ງທີ່ອຳນາດການປົກຄອງທ້ອງຖິ່ນໄດ້ເອົາໃຈໃສ່ຫັນລົງສູ່ຮາກຖານເພື່ອສຸມໃສ່ການສ້າງບ້ານໃຫ້ເປັນຈຸດສຸມພັດທະນາຕາມ 4 ເນື້ອໃນ 4 ຄາດໝາຍ ແລະປະຕິບັດວຽກງານ 3 ສ້າງແນໃສ່ສົ່ງເສີມການທ່ອງທ່ຽວດ້ານວັດທະນະທຳໃນທ້ອງຖິ່ນໃຫ້ໄດ້ຫຼາຍຂຶ້ນຊຶ່ງມາຮອດປະຈຸບັນບ້ານລະມອງໄດ້ປະກາດຮັບຮອງເປັນບ້ານດທະນະທຳແຫ່ງທີ 12 ຂອງເມືອງພູວົງ ຢ່າງເປັນທາງການແລ້ວ.

 ບ້ານລະມອງ ເມືອງພູວົງ ໄດ້ສ້າງຕັ້ງຂຶ້ນໃນປີ 1998 ປະຊາຊົນສ່ວນຫຼາຍດຳລົງຊີວິດຢູ່ລຽບຕາມແຄມສາຍນໍ້າກົງລວມມີ 86 ຫຼັງ ຄາເຮືອນ, ມີ 98 ຄອບບຄົວ, ມີພົນລະເມືອງ 464 ຄົນ, ຍິງ 230 ຄົນ ປະກອບມີ 3 ເຜົ່າ ໃນນີ້ເຜົ່າ ເບົຣາ ກວມເອົາ 98%, ຜ່ານການປະເມີນຂອງຄະນະກຳມະການຂັ້ນ ແຂວງ ແລະຂັ້ນເມືອງ ທີ່ໄດ້ເອົາ ໃຈໃສ່ຊຸກຍູ້ຕິດຕາມໃນການສ້າງ ບ້ານວັດທະນະທຳໃໝ່ເຫັນວ່າບ້ານ ໄດ້ມີທ່າເເຮງ ແລະເງື່ອນໄຂເອື້ອອຳນວຍໃນການສ້າງບ້ານວັດທະ ນະທຳໃໝ່ໃນລະດັບທີ່ແນ່ນອນ ຊຶ່ງ ມັນສະເເດງອອກພາຍໃນບ້ານມີຄວາມເຊື່ອໝັ້ນຕໍ່ການນຳພາຂອງ ພັກ, ມີວາມຕື່ນຕົວປະຕິບັດລະບຽບກົດໝາຍຂອງລັດບຸກບືນສູ້ຊົນ ພັດທະນາຕົນເອງສ້າງຄອບຄົວ ແລະບ້ານວັດທະນະທຳໃຫ້ມີທ່າແຮງຂະຫຍາຍຕົວມີວິຖີຊີວິດທີ່ເປັນເອກະລັກ ແລະລຽບງ່າຍມີຄວາມເໝາະສົມໃຫ້ແກ່ການພັດທະນາໃຫ້ເປັນບ້ານທ່ອງ ທ່ຽວໃນອະນາຄົດນຳອີກດ້ວຍ.

ດັ່ງນັ້ນມາຮອດວັນທີ 20 ທັນວາ ປີ 2019 ຄະນະນຳຂັ້ນເເຂວງ ແລະອຳນາດການປົກຄອງຂັ້ນເມືອງຈຶ່ງໄດ້ຈັດໃຫ້ມີພິທີປະກາດຮັບຮອງບ້ານລະມອງເມືອງພູວົງ ເປັນບ້ານວັດທະນະທຳໃໝ່ຂຶ້ນຊຶ່ງໃນເບື້ອງຕົ້ນຂອງພິທີຜູ້ເຂົ້າຮ່ວມໄດ້ຮັບຟັງການເນື້ອໃນອັນສຳຄັນທຸກຂັ້ນຕອນທີ່ກ່ຽວຂ້ອງກັບເງື່ອນໄຂການສ້າງບ້ານວັດທະນະທຳຈາກນັ້ນທ່ານ ນາງ ບຸນນານ ບຸນນະເເສງ ຫົວໜ້າພະແນກຖະແຫຼງຂ່າວ,ວັດທະນະທຳ ແລະທ່ອງທ່ຽວ ແຂວງໄດ້ສະເເດງຄວາມຍ້ອງຍໍຊົມເຊີຍຕໍ່ຜົນງານ ແລະໄຊຊະນະຂອງບັນດາອໍານາດການປົກຄອງບ້ານ ແລະພໍ່ແມ່ປະຊາຊົນບັນດາເຜົ່າທີ່ຍາດມາໄດ້ຫຼາຍດ້ານໃນໄລ ຍະຜ່ານມາຈົນສາມາດຮັບຮອງ ເອົາບ້ານດັ່ງກ່າວເປັນບ້ານວັດທະນະທໍາ, ພ້ອມນັ້ນຍັງໄດ້ຮຽກຮ້ອງມາຍັງອໍານາດການປົກຄອງບ້ານ ແລະ ພໍ່ແມ່ປະຊາຊົນວ່າຈົ່ງເອົາໃຈໃສ່ປະຕິບັດຕາມ 4 ເນື້ອໃນ 4 ຄາດໜາຍ, ແຜນພັດທະນາເສດຖະກິດ-ສັງຄົມຂອງແຂວງ, ເມືອງວາງອອກໃຫ້ສອດຄ່ອງກັບສະພາບຄວາມເປັນຈິງຂອງທ້ອງຖິ່ນ, ຮັກສາຄວາມສາມັກຄີເປັນປຶກແຜ່ນແໜ້ນໜາສືບຕໍ່ວຽກງານປ້ອງກັນຊາດ-ປ້ອງກັນຄວາມສະຫງົບເຮັດໃຫ້ຂອບເຂດຂອງຕົນຮັບຜິດຊອບມີຄວາມສະຫງົບປອດໄພຂຶ້ນເປັນກ້າວໆ.

  ໂອກາດດຽວກັນບັນດາການນໍາພັກ-ລັດຂັ້ນແຂວງ, ຂັ້ນເມືອງ ແລະ ພໍ່ແມ່ປະຊາຊົນບັນດາເຜົ່າໄດ້ເຂົ້າຮ່ວມພິທີຕັດແຖບຜ້າເປີດປ້າຍ ແລະ ລັ່ນຄ້ອງ 9 ບາດເພື່ອເປັນສິຣິມຸງຄຸນ ແລະຍັ້ງຢືນວ່າບ້ານລະມອງ ເມືອງພູວົງ ເປັນບ້ານວັດທະນະທໍາໃໝ່ແຫ່ງທີ 12 ຂອງເມືອງ ແລະເປັນບ້ານທີ 100 ຂອງແຂວງອັດຕະປື ປະຈຳປີ 2019 ຢ່າງເປັນທາງການ.

__________

ຂຽນໂດຍ: ສາຍນໍ້າ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

 

แชร์