ໂຮງຮຽນປະຖົມຫຼາຍແຫ່ງຢູ່ຊຳເໜືອໄດ້ຮັບເຄື່ອງຊ່ວຍເຫຼືອ

   ວັນທີ 29 ມັງກອນ 2019 ບໍລິສັດຊີມັງສາກົນຫົວພັນ ລາວ- ຈີນ ອາງຊືຈໍາກັດໄດ້ນຳເອົາເຄື່ອງນຸ່ງປະເພດເສື້ອກັນໜາວຈຳນວນ 242 ຜືນ, ມູນຄ່າ 19 ລ້ານກວ່າກີບມາມອບໃຫ້ຫ້ອງການສຶກສາທິການ ແລະກີລາເມືອງຊຳເໜືອເພື່ອນຳໄປແຈກຍາຍໃຫ້ບັນດາໂຮງຮຽນປະຖົມທີ່ມີເດັກຄອບຄົວທຸກຍາກ, ເປັນລູກກໍ່າພ້າ, ກໍ່າພອຍໃນສົກຮຽນ 2018-2019 ໃຫ້ຈຳນວນນັກຮຽນ 242 ນ້ອງ, ຍິງ 92 ນ້ອງ, ຈໍານວນ 26 ໂຮງຮຽນຄື: ໂຮງຮຽນປະຖົມບ້ານນາໜອງບົວ, ໂຮງຮຽນປະຖົມບ້ານນາອ່າງ, ໂຮງຮຽນປະຖົມບ້ານຫີນດຳ, ໂຮງຮຽນປະຖົມບ້ານກໍໄຮ, ໂຮງຮຽນປະຖົມບ້ານເມືອງຍືດ, ໂຮງຮຽນປະຖົມບ້ານພຽງ, ໂຮງຮຽນປະຖົມບ້ານສົບກ່າ, ບ້ານຫ້ວຍສ້ອນ, ໂຮງຮຽນປະຖົມບ້ານຫ້ວຍແປກ, ໂຮງຮຽນປະຖົມບ້ານນາເອົ່າ, ບ້ານສົບຊາຍ, ບ້ານສະເຫຼີ້ຍ, ບ້ານໂພນຄຳ, ບ້ານຊຳເໜືອ, ບ້ານໂພນໄຊ, ບ້ານນາຄາ, ບ້ານຫ້ວຍຍາບ, ບ້ານມີສຸກ, ບ້ານນາຫ້ວຍບ້ານຫຼັກ 12, ບ້ານນາກາວ, ບ້ານພັນໄຊ, ບ້ານເມືອງແວ່ນ, ບ້ານນາສະມອງ, ບ້ານຄົດ, ບ້ານຫ້ວຍເບືອນ ແລະໂຮງຮຽນບ້ານຢາດ.

   ກ່າວມອບໂດຍ ທ່ານ ຊູເວີຍວູ ຮອງອຳນວຍການບໍລິສັດຊີມັງສາກົນຫົວພັນ ລາວ-ຈີນ ອາງຊືຈໍາກັດ, ຮັບໂດຍ ທ່ານ ນິນທອງ ທອງດາ ວອນ ຮັກສາການຫົວໜ້າຫ້ອງການສຶກສາທິການ ແລະກີລາເມືອງຊໍາເໜືອຮ່ວມເປັນສັກຂີພິຍານມີຫ້ອງວ່າການແຂວງຫົວພັນ, ພະນັກງານຫ້ອງການສຶກສາທິການ ແລະກີລາເມືອງຊຳເໜືອ, ພະນັກງານບໍລິສັດຊີມັງສາກົນຫົວພັນ ລາວ-ຈີນ ອາງຊືຈໍາກັດເຂົ້າຮ່ວມ.

 

แชร์