ຄະຣິນວິໂຣດຄະນະທັນຕະແພດມະຫາວິທະຍາໄລສີນະປະສານມິດປິ່ນປົວແຂ້ວບໍ່ເສຍຄ່າ

   ເປັນການຮ່ວມມືລະຫວ່າງແຂວງຄຳມ່ວນ ແລະສະຖານກົງສູນໃຫຍ່ແຫ່ງຣາຊະອານາຈັກໄທປະຈຳແຂວງສະຫວັນນະເຂດໃນໂຄງການຮັກສາ ແລະປິ່ນປົວແຂ້ວໃຫ້ປະຊາຊົນແຂວງຄຳມ່ວນຊຶ່ງໃຫ້ການບໍລິການໂດຍໜ່ວຍທັນຕະກຳພະຣາຊະທານຂອງສົມເດັດພະເຈົ້າມະຫາຊີວິດ(ມະຫາວິທະຍາໄລສີນະຄະຣິນວິໂຣດປະສານມິດ) ຊຶ່ງຈັດຂຶ້ນໃນລະຫວ່າງວັນທີ 29-31 ມັງກອນ 2019 ທີ່ສະໂມສອນ 21 ມີນາເມືອງທ່າແຂກແຂວງຄຳມ່ວນເພື່ອເປັນການເສີມຂະຫຍາຍຄວາມສຳພັນລະຫວ່າງສອງປະເທດກໍ່ຄືປະຊາຊົນສອງຊາດໃຫ້ມີຄວາມແໜ້ນແຟ້ນ, ເພື່ອເຮັດໃຫ້ສຸຂະອະນາໄມຊ່ອງປາກຂອງປະຊາຊົນມີສຸຂະພາບແຂງແຮງ ແລະມີຊີວິດການເປັນຢູ່ທີ່ດີຂຶ້ນ.

   ສຳລັບກິດຈະກຳທີ່ຈະໃຫ້ບໍລິການໃນຄັ້ງນີ້ປະກອບມີກວດສຸຂະພາບຊ່ອງປາກ, ອັດແຂ້ວ, ຖອນ ແຂ້ວ, ຂູນຫີນປູນ ແລະທັນຕະກຳເດັກໂດຍຄະນະທັນຕະແພດທີ່ມີຄວາມຊ່ຽວຊານຈາກມະຫາວິທະຍາໄລສີນະຄະຣິນວິໂຣດປະສານມິດ ແລະນຳໃຊ້ອຸປະກອນທີ່ມີຄຸນນະພາບສູງເຂົ້າໃນການຮັກສາ, ປິ່ນປົວກິດຈະກຳດັ່ງກ່າວຍັງເປັນການເປີດໂອກາດໃຫ້ແກ່ພະນັກງງານແພດໝໍ ແລະນັກສຶກສາຈາກໂຮງຮຽນສຸຂະພາບຂອງແຂວງຄຳມ່ວນໄດ້ມີສ່ວນຮ່ວມໃນການຮັກສາຜູ້ມາຮັບບໍລິການເພື່ອຍົກລະດັບຄວາມຮູ້ ແລະປະສົບການໃຫ້ມີຄວາມພ້ອມເພື່ອນຳໄປບໍລິການປະຊາຊົນໃນຂັ້ນຕໍ່ໄປ.

   ເຂົ້າຮ່ວມໃນພິທີເປີດກິດຈະກຳດັ່ງກ່າວມີທ່ານ ດຣ ທອນລະຂັນ ໄຊປັນຍາ ຫົວໜ້າພະແນກສາທາລະນະສຸກແຂວງຄຳມ່ວນ, ທ່ານ ວໍລະວຸດ ພົງປະພາພັນ ກົງສູນໃຫຍ່ແຫ່ງຣາຊະອານາຈັກໄທປະຈຳແຂວງສະຫວັນນະເຂດ, ທ່ານ ດຣ ນັດທະວຸດ ແກ້ວສຸດທາ ຄະນະບໍດີມະຫາວິທະຍາໄລສີນະຄະຣິນວິໂຣດປະສານມິດ, ມີຜູ້ຕາງໜ້າອົງການປົກຄອງແຂວງ, ພະແນກການກ່ຽວຂ້ອງຕະຫຼອດເຖິງພະນັກງານແພດໝໍ ແລະປະຊາຊົນຜູ້ມາຮັບບໍລິການເຂົ້າຮ່ວມ.

แชร์