ຊີ້ນແຫ້ງ OH YES ຜະລິດຕະພັນຂອງຄົນລາວ ທີ່ກຳລັງນິຍົມ

  ຊີ້ນແຫ້ງ OH YES ເປັນ ອີກໜຶ່ງຜະລິດຕະພັນຂອງຄົນລາວທີ່ນຳໃຊ້ວັດຖຸດິບປະສົມສູດດັ່ງເດີມ 100% ບໍ່ວ່າຈະເປັນຊີ້ນແຫ້ງງົວ, ໝູ ແລະປາລ້ວນແຕ່ຄັດສັນ  ເອົາວັດຖຸດິບຢູ່ໃນບ້ານເຮົາທີ່ໄດ້ຄຸນນະພາບມາດຕະຖານນອກຈາກນີ້ຍັງນໍາໃຊ້ສະໝຸນໄພພື້ນບ້ານເຂົ້າໃນຂະບວນການຜະລິດຈົນເຮັດໃຫ້ເປັນທີ່ຍອມຮັບທັງພາຍໃນ ແລະຕ່າງປະເທດ.

  ພໍ່ຕູ້ ສິງສະໝຸດ ລິນທະວົງ ເຈົ້າຂອງຊີ້ນແຫ້ງ OH YES ໃຫ້ສຳພາດວ່າ: ຂ້າພະເຈົ້າເລີ່ມເຮັດອາຊີບຂາຍຊີ້ນແຕ່ປີ 2002 ຢູ່ຕະຫຼາດຂົວດິນຈາກນັ້ນເມື່ອສິນຄ້າຊີ້ນສົດມັນຂາຍບໍ່ອອກອີກຢ່າງວັດຖຸດິບດັ່ງກ່າວປະໄວ້ດົນບໍ່ໄດ້ເລີຍໄດ້ສຶກສາເຮັດຜະລິດຕະພັນຊີ້ນແຫ້ງ ຂາຍເຫັນວ່າໄດ້ຮັບຜົນດີເລີຍຂະຫຍາຍຜະລິດຕະພັນຈົນໄດ້ຮັບການພັດທະນາຂຶ້ນເລື້ອຍໆປະຈຸບັນມີຊີ້ນແຫ້ງງົວ, ໝູ, ປາ ແລະ ລວມທັງປະເພດຢໍ່ອື່ນໆມີທັງຂາຍສົ່ງ, ຍ່ອຍສຳລັບຜະລິດຕະພັນຊີ້ນ OH YES ຂອງເຮົາລ້ວນແຕ່ຄັດສັນເອົາຊີ້ນຢູ່ໃນບ້ານເຮົາທີ່ໄດ້ຄຸນນະພາບກ່ອນຜະລິດຈະເລືອກເອົາວັດຖຸດິບຍັງສົດໃໝ່ເຂົ້າປຸງແຕ່ງໃຫ້ ເປັນຊີ້ນແຫ້ງມີລົດລາວດັ່ງເດີມສາມາດປະໄວ້ກິນຢູ່ດົນໄດ້ 7-8 ເດືອນພ້ອມນີ້ຍັງນໍາໃຊ້ສະໝຸນໄພພື້ນບ້ານເຂົ້າໃນຂະບວນການຜະລິດຈົນເຮັດໃຫ້ມີຍອດຂາຍທີ່ນິຍົມກິນທັງພາຍໃນ ແລະ ຕ່າງປະເທດໃນນີ້ສາມາດຂາຍໄດ້ສະເລ່ຍ 50-60 ກິໂລກຼາມຕໍ່ເດືອນ ຫຼື ໃນໄລຍະຊ່ວງມີງານເທສະການຕ່າງໆອາດຈະມີລູກຄ້າຮັບສັ່ງຊື້ສາມາດຂາຍໄດ້ເປັນ 1000 ກິໂລກຣາມ ສ່ວນລາຄາແມ່ນຊີ້ນໝູນໍ້າໜັກ 50 ກຣາມຂາຍຖົງ 60 ພັນກີບ, ຊີ້ນງົວ 50 ກຣາມ ແມ່ນ 1,1 ແສນກີບ ໃນນີ້ລູກຄ້າສ່ວນໃຫຍ່ແມ່ນຮ້ານອາຫານຢູ່ໃນນະຄອນຫຼວງວຽງຈັນ ແລະປະເທດຫວຽດ ນາມ.

  ນອກຈາກເນັ້ນລົດຊາດລາວດັ່ງເດີມທີ່ມີຄຸນນະພາບມາດຕະຖານທີ່ດີແລ້ວພວກເຮົາຍັງບໍລິການຂາຍອອນລາຍຮັບສົ່ງເຖິງສະຖານທີ່ເພື່ອຮັກສາສຳພັນທະມິດຕໍ່ລູກຄ້າ, ມີຄວາມຮັບຜິດຊອບຕໍ່ສັງຄົມ ແລະ ສ້າງໂປຣໂມຊັນສ່ວນຫຼຸດເລື້ອຍໆ ແລະສືບຕໍ່ຂະຫຍາຍຕະຫຼາດໃຫ້ກ້າວໜ້າໃນການຈຳໜ່າຍຜະລິດຕະພັນໄດ້ຢ່າງສະດວກສະບາຍ ຊຶ່ງມັນບໍ່ພຽງຊ່ວຍໃຫ້ທຸລະກິດເຮົາດຳເນີນໄປໄດ້ ແຕ່ຍັງໄດ້ຊ່ວຍສົ່ງເສີມການຄ້າທີ່ທຳການ ຜະລິດຈາກສີມືຂອງຄົນລາວມາສ້າງທຸລະກິດພັດທະນາປະເທດອີກດ້ວຍໃນອະນາຄົດຈະເພີ່ມປຸງແຕ່ງຜະລິດຕະພັນຊີ້ນແຫ້ງລົດຊາດໃໝ່ສຳລັບທ່ານໃດທີ່ມັກກິນຊີ້ນແຫ້ງສະອາດປອດໄພ ແລະຢາກເປັນຕົວແທນຈຳໜ່າຍກໍ່ສາມາດຕິດຕໍ່ຫາຊີ້ນແຫ້ງ OH YES ໄດ້ສະຖານທີ່ຕັ້ງຢູ່ຕະຫຼາດຂົວດິນເມືອງຈັນທະບູລີນະຄອນຫຼວງວຽງຈັນ ເຟສ໌ບຸກ: OH YES Lao Beef and Pork Jerky  ໂທລະ ສັບ : 020 22238891.

_________

ຂຽນໂດຍ: ແພງຕາ
ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์