5 ປີຜ່ານມາ ເສດຖະກິດເມືອງໄຊ ຂະຫຍາຍຕົວໃນລະດັບ 7% ຕໍ່ປີ

  ເມືອງໄຊເປັນເມືອງເທສະບານຂອງແຂວງອຸດົມໄຊປະກອບມີ 9 ກຸ່ມ, ມີ 97 ບ້ານ ໃນນີ້ມີ ບ້ານເອກະລາດ 36 ບ້ານ, ມີບ້ານເທສະບານ 22 ບ້ານ, ມີ 16.172 ຫຼັງຄາເຮືອນ, ມີ 19.009 ຄອບຄົວ, ພົນລະເມືອງທັງໝົດ 84.918 ຄົນ, ຍິງ 42.296 ຄົນໃນນີ້ ພົນລະເມືອງທີ່ດໍາລົງຊີວິດຢູ່ ເຂດຊົນນະບົດ ກວມ 50% ແລະ ປະກອບມີ 9 ເຜົ່າຊົນ, ໃນໄລຍະ 5 ປີຜ່ານມາຄະນະບໍລິຫານງານພັກ ເມືອງໄຊພວກເຮົາໄດ້ສຸມທຸກທ່າ ແຮງ,ທຸກເງື່ອນໄຂ ແລະຄວາມອາດສາມາດເພື່ອຈັດຕັ້ງຜັນຂະ ຫຍາຍມະຕິກອງປະຊຸມໃຫຍ່ຂອງອົງຄະນະພັກເມືອງ, ຫັນລົງພະນັກງານຫຼັກແຫຼ່ງລົງກໍ່ສ້າງຮາກຖານການເມືອງຕິດພັນກັບ ວຽກງານ 3 ສ້າງດ້ວຍຄວາມຮັບຜິດຊອບສູງເຮັດໃຫ້ເສດຖະກິດສັງຄົມຂອງເມືອງໄຊ ມີບາດກ້າວຂະຫຍາຍຕົວຢ່າງຕໍ່ເນື່ອງ.

  ທ່ານ  ຫົງທອງ ອິນທະວົງ ຮອງເລຂາພັກເມືອງໄຊ ລາຍງານກອງປະຊຸມໃຫຍ່ອົງຄະນະພັກກອງບັນຊາການ ປກສ ແຂວງອຸດົມໄຊ ຄັ້ງທີ 9 ວ່າ: ຕະຫຼອດໄລຍະ 5 ປີຜ່ານມາໃຕ້ການຊີ້ນຳໆພາຂອງຄະນະບໍລິຫານງານພັກເມືອງເຮັດໃຫ້ເມືອງໄຊມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບປອດໄພ ແລະ ເປັນລະ ບຽບຮຽບຮ້ອຍໂດຍພື້ນຖານ, ປາກົດ ການຫຍໍ້ທໍ້ໄດ້ຮັບການແກ້ໄຂລຸດ ລົງເທື່ອລະກ້າວ, ເສດຖະກິດສືບຕໍ່ ມີການເຕີບໂຕຢ່າງຕໍ່ເນື່ອງ, ລວມ ຍອດຜົນຜະລິດແລະການບໍລິການພາຍໃນເພີ່ມຂຶ້ນໂດຍສະເລ່ຍ 7% ຕໍ່ປີ,ບັນລຸ 1.132 ຕື້ກີບ,ສະເລຍ 13 ລ້ານກີບຕໍ່ຄົນຕໍ່ປີ, ແກ້ໄຂຄວາມທຸກຍາກຂອງປະຊາຊົນບັນດາເຜົ່າໂດຍສຸມໃສ່ການພັດທະນາພື້ນຖານໂຄງລ່າງເພື່ອຮັບຮອງໃຫ້ແກ່ການຜະລິດສິນຄ້າ, ໄດ້ຖືສໍາຄັນວຽກງານກໍ່ສ້າງຮາກຖານພັດທະນາຊົນນະບົດ ແລະລຶບລ້າງຄວາມທຸກຍາກຂອງປະຊາ ຊົນຕາມທິດ 3 ສ້າງ.

   ປະຈຸບັນແກ້ໄຂຄວາມທຸກຍາກໄດ້ 65 ບ້ານ ກວມເອົາ 67,01%, ມີ 11.024 ຄອບຄົວ ບ້ານທຸກຍັງເຫຼືອ 32 ບ້ານ ກວມເອົາ 32,98%, ມີຄົວເຮືອນທຸກ 2.497 ຄົວເຮືອນ ເທົ່າກັບ 18,46%, ມີບ້ານພັດທະ ນາ 33 ບ້ານ ກວມເອົາ 34,02% ຂອງບ້ານທັງໝົດ, ມີຄົວເຮືອນ ພັດທະນາ 4,444 ຄົວເຮືອນ, ບ້ານ ທີ່ມີໄຟ້າຊົມໃຊ້ທັງໝົດ 89 ບ້ານ, ກວມ 92% ມີເສັ້ນທາງເ ຂົ້າເຖິງ 97 ບ້ານ, ທາງປູຢາງກວມ26,44%, ສຳລັບການຈັດເກັບລາຍຮັບເຂົ້າງົບປະມານຂອງເມືອງ ປະຈຳປີ 2019 ນີ້ບັນລຸ 7,8 ຕື້ກີບເທົ່າກັບ 71,8%.

__________

ຂຽນໂດຍ: ຄານມະນີ ຮຽນດໍຈັນ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์